Abheebhuraaniya 13:9 - Eriiraghano Eriihë

⁹ Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Abheebhuraaniya 13:9 ပူးပေါင်းရင်းမြစ်များ

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 24:4

Yesu akabhagharokeri akabhugha, “Mubhe amiisho, omooto wowoose ataacha kobhangʼiina!

Ruuka 5:38

Adivaayi ahë nekwëndëru ghotooru mo‑maghöchi amahë.

Amaköri gha Bhatomu 20:30

Wiiki koru ghate yaanyu inyu bheene, mbakorwera‑mu abhaato bhano bhakobhugha amangʼana ghano ghataanyi gha bhuhëënë gho kobhangʼiina abhaanabheegha, kubha bhabhatambane ibho.

Amaköri gha Bhatomu 20:32

“Ibheere nekabhatighera Eryobha ribhe niryo rekobhachonga. Mubhe morachongu na angʼana yaache ino enyi na aghareeya. Aghareeya yaache neghotora kobhaköngʼi, mbagha mubhönë aghabho ino bhatooriiru abhaato bhaache bhoose.

Abharuumi 14:17

Amangʼana amachömu mo‑bhaato bha bhutëmi bho Ryobha taanyi ighoro e kurë hamu kunyo, amare n‑ghuköra ghano Eryobha rekwënda, kubha no omurëmbë na kumanya gho ghuchömëru. Ghayo ghoose ngaakubha kwo bhotoorereri bho Körö Ahörëëru.

Abharuumi 14:2

Omooto uno aköngʼiiri mo‑bhokumi, nakorighi kubha naghotora kurë ghyokyose kiire. Amare owonde uno ataamara aköngʼëri mo‑bhokumi bhooche, naghwituuri kubha naghwisherereru kurë chaanyi echeene.

Abharuumi 14:6

Omooto uno akorighi kubha orosiko nyarebhe ndoonyi no obhwëra ghokera chaasiko echende, naghuköra hangʼu kubha amuchömëri Omutëmi Yesu. Omooto uno akurë ghyokyose kiire, naghuköra hangʼu kubha amuchömëri Omutëmi Yesu, gho kubha naakurë gho koriitabheri Eryobha. Owonde uno akurë chaanyi echeene, naghuköra hangʼu gho kubha nakwënda ghuchömëri Omutëmi Yesu. Uyo woose nakoriitabheri Eryobha.

1 Abhakorinto 6:13

Abhande ghate yaanyu mbakobhugha kubha, “Hano tookubha na anchëra ntokwëndëru kuraaghëra, gho kubha emebhere ghiito ngekwënda ebhiinyakurë.” Hangʼu keenyi, amare eriibhagha ndekuucha rino Eryobha reghugharura emebhere ghiito ghibhe ghetaakwënda ebhiinyakurë. Motabhugha kubha nturëngʼaaniire ghuköra obhutaari, kinya bhuno tokwëndëru kuraaghëra eriibhagha toonyi na anchëra. Nekobhugha hangʼu, gho kubha Eryobha retatëëmiri emebhere ghiito gho ghiri e bhutaari, amare ꞉ndeeghitëëmiri gho ghiri e komuhökëri Omutëmi, nawe Omutëmi naghoghetugha bhoheene emebhere ghiito.

1 Abhakorinto 8:8

Ibheere, ekiinyakurë ghetaaghototoora kubha haghuhe ne Eryobha, gho kubha toratigha kurë, totaaghosuuheru ne egheghiro, wiiki ntongarë, totaakwëngëra egheghiro.

2 Abhakorinto 1:21

Mbe, Eryobha niryo reghotuköngʼi itu na niinyu gho ghughöötana kwito na Kirisito. Ndetwahwire,

Abhagharatiya 6:1

Abhahiiri bhaane, aribha moramënya kubha mughëndi waanyu nataasiri, inyu bhano moghukangatu na Akörö Ahörëëru, momoshaangʼi na komuhööcha kwo bhuhörëëru. Amare mwikabhaahe, motaacha ghusakibhu kubha na atëëmö kinya e yaache.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhaebheeso 5:6

Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhakorosaayi 2:4

Ibheere ˆnekabhaandëkëra ghayo, motiishereri kongʼiinu no omooto wowoose kwo mangʼana gha bhuröngö, nangabha ghaanyi gha ghotegheri.

2 Abhatesaronike 2:17

abhaghambisani emetema gheenyu na kobhaköngʼëërëri kwo mangʼana amachömu ghoose ghano moghosiikëra hamu ghuköra.

2 Abhatesaronike 2:2

motiitumata bhwango na kubha na ahaho kubha orosiko ro kuucha Omutëmi ndumariri kohika. Hamwabhe mooghwire amangʼana nyarebhe gha bhurööti, hamu ghano bhakuraghani, hande gha nyaarubha ino bhakwihëëbha kubha neruure ghokwito.

1 Timotewo 6:20

Timotewo, ughöötërërë bhoheene angʼana e bhuhëënë ino uhaabhuru. Otighe ghwitoora mo‑mangʼana amaghonchu, ghano ghataanyi no obhwëra bhobhoose. Wiiki otiisöhi mo‑mahakaano gha ghighëëghë, ghano bhakobhugha nigho amangʼiini.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Yuuta 1:12

Abhaato bhayo, hano mookubha haghirohamu nabho mo‑ndaaghëra yaanyu e bhosiighi, mbakuraaghëra gho kwimënya abheene kwo bheene, koru bhataakorighi chaasoni chochoose. Bhayo mbaanyi kinya amatare gha mo‑nyancha ghano ghataakorighibhu, n‑obhobhe ghokoonyu. Ibho bhataanyi ne ekebhune ghyokyose, mbaanyi kinya amashaaro ghano ghataanyi na ambura na ngahaahiru no obhukama hohoose haare. Mbaanyi kinya emete ghino ghetaanyi na amakorobhese eriibhagha re mughësö, ngyomiri inkongʼorimu, na ngeghwire.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.