Abheebhuraaniya 12:4 - Eriiraghano Eriihë

⁴ Nangabha moghwiköngʼi ghoghakinda amasari, koru hangʼu mokeere kurööna eriihë mbagha kohikera ghwita amasaahë ghaanyu.

Abheebhuraaniya 12:4 ပူးပေါင်းရင်းမြစ်များ

1 Abhakorinto 10:13

Amasaki ghano ꞉ghaabhabhwine inyu, n‑kinya ghano abhaato abhande bhakubhöna chaasiko choose. Eryobha n‑ihëënë, iryo retaakobhatigha musakibhu ghokera changuru cheenyu. Eriibhagha inyu moghusakibhu, Eryobha ndekobhaha changuru che ghoghumereri na anchëra e kohorokera muyo kwo murëmbë.

Obhohunyurëru 2:13

Eni nyeeche hano moghwikara, n‑ahaghiro hano Erishambu reghukangata. Koru hangʼu, mokwëndërëra ghonkumi. Koru eriibhagha riire omwibhateri waane omuhëënë Antibha ituru mo‑moghya waanyu uno Erishambu reghwikara, motanyangiri kubha m‑bhaghëndi bhaane moonyi.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Obhohunyurëru 12:11

Ibheere abhakumi bhaghëndi bhiito mbamohichiri kwo masaahë gha Moona o Ngʼöndu, na kwo ngʼana e bhwibhateri bhoobho, mbamohichiri. Bhatatereeriri eriimanya reebho, mbaare bhiisëëmiri ghoku gho ghiri e komokumi Omoona o Ngʼöndu.

Mataayo 24:9

Kwo riibhagha riyo, abhaato mbaakubha bharabhanyaaki na kobhiita, na abhaato bha matöngö ghoose mbakobharëgha, gho kubha moghuntambana eni.

Obhohunyurëru 18:24

Mo‑moghya muyo, ngaare‑mu amasaahë gha bharööti na gha bhatööbhiyu, haghirohamu na amasaahë gha bhaato bhoose bhano bhiituru mo‑se ino.”

Obhohunyurëru 17:6

Nekarighi omukari uyo arëëwuru gho kunyo amasaahë gha bhatööbhiyu bhano bhiituru gho kubha mbaare abhiibhateri bha Yesu. Hano nemorooche, nekaroghoora chwee.

Abhabhiribhi 2:8

Hano are kinya omooto, ꞉niinyööhiri, akaresooka Eryobha, aghiishereri ghoku, koru ghoku mo‑musarabha!

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.