Abheebhuraaniya 12:2 - Eriiraghano Eriihë

² Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 12:2 ပူးပေါင်းရင်းမြစ်များ

Mataayo 16:21

Korwera eriibhagha riyo, Yesu aghasëëma kobhabhoorera abhaanabheegha bhaache haheero kubha nakwëndëru aghi Yerusareemu, na kubhöna anyaako yaaru. ꞉Naabhabhooriire kubha, nakunyaakibhu na abhagharuka bha Bhayahuuti, na abhakoro bha bhachaama bha Ryobha na abheeghi bha meghiro, na ghwitu. Amare orosiko ro ghatato, nakoryoka.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Maariko 14:36

Akabhugha kubha, “Taata, ghokoocho ghoose ngaakubha. ˆNeghaghusabha onduuseri eghisënchö kino ke nyaako. Taanyi kinya eni nekwënda, amare ukörë kinya iye okwënda.”

Maariko 15:28

Niho ghakahikeerana Amandëkö Amatööbhiyu ghano ghakobhugha kubha, “Nabhareriinu haghirohamu na amanyangara.”]

Maariko 16:19

Hano Omutëmi Yesu amariri ghosiikëra nabho, Eryobha rekamwimoki rekamohiki Mwishaaro. Aghiikara eribhaara re kwiro re Ryobha.

Maariko 9:12

Nawe akabhagharokeri akabhugha, “M‑mahëënë, Eriya nakuucha singa ghuköra bhuhë amangʼana ghoose. Koru hangʼu, ngwake yandëkuru mo‑Mandëkö Amatööbhiyu kubha Omoona o Mooto, nakwëndëru abhönë anyaako ihaari chwee na ghuchëëru?

Maariko 9:24

Hayo hayo ishe omoona uyo aghatiiri eriiraka akabhugha, “Neghokumi! Amare obhokumi bhoone bhotaaghwisha, nunsakeri nibhe no obhokumi bhokoro.”

Ruuka 17:5

Niho abhatomu bhayo bhakamobhoorera Omutëmi bhakabhugha, “Otwëngërërëri obhokumi bhwito!”

Ruuka 23:11

Herote na abhaashirikare bhaache bhaghasëëma komochebhora, bhakamusëka, bhakamobheeki eriishaghi ichömu re ghitëmi. Bhakamara bhakamugharoki o Bhiraato.

Ruuka 24:26

Kana yëndiiru Kirisito abhönë anyaako ino, akeere kubhöna obhokumi bhooche obhokoro.”

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 12:24

Mahëënë ˆnekabhabhoorera, erabha ambusuro etarindiiru mwiröbhë na ghoku, teeghotora kumëra, amare erabha erindiiru eghaku, nekumëra na ghusönga amakorobhese maaru.

Yohana 12:32

Eni eriibhagha neghotiiribhu, nekobharuta abhaato bhoose bhaache ghokoone.”

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Yohana 8:56

Sookoro waanyu Abhurahamu ꞉naachömiiru chwee kororighi orosiko ro kuucha koone, nawe akarorighi aghachömëru.”

Amaköri gha Bhatomu 2:36

Bheetero akamareereri gho kobhugha, “Gho ghayo, inyu na Abhiisiraeri bhoose mokwëndëru mumënyë obhuhëënë kubha, Eryobha ꞉ndeemuköriri Yesu, uno inyu ꞉moomumambiri mo‑musarabha, kubha Omutëmi na Kirisito.”

Amaköri gha Bhatomu 3:15

Mbe, mokamwita uno anyi omutangi o bhuhöru! Amare Eryobha rekamoryoki koru mo‑bhaku, na niitu n‑abhiibhateri bha koryoka kooche toonyi.

Amaköri gha Bhatomu 5:31

Rekamoghongi na komuha omweya gho komotoora eribhaara reeche re kwiro, abhe Omukangati no Omotoori. Eryobha ꞉ndiiköriri hangʼu kubha retukörë itu Abhiisiraeri totighe inkongʼorimu amasari ghiito, twabhëru.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

1 Abhakorinto 1:18

Angʼana e roko ro Kirisito mo‑musarabha n‑e ghighëëghë kwo bhaato bhano bhakobhora, amare ghokwito itu bhano toghotooribhu, angʼana iyo n‑changuru che Ryobha.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

Abhaebheeso 2:16

Gho nchëra e roko rooche mo‑musarabha, Kirisito nabhosirekeriiri obhobhisa bhuno bhoore ghate yaabho na kobhaghöötani kubha egheghiro kimu. Wiiki aghatutëmëërani ne Eryobha.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhabhiribhi 1:6

Neenyi no obhuhëënë kubha Eryobha rino ꞉riisëëmiri emeremo mimangi mo‑metema gheenyu, ndekwëndërëra ghoghiköra mbagha reghehikeerani mo‑rosiko ruure Kirisito Yesu aghugharuka.

Abhabhiribhi 3:20

Amare, itu n‑abhiikari bha Mwishaaro toonyi na ntoghwitëngʼëra kwo miigha chwee Omotoori, Omutëmi wiito Yesu Kirisito, ache koru iyo.

2 Timotewo 4:8

Ibheere neghughanya okwene kuhaabhu atuho e bhuhëënë. Omutëmi Yesu, omoteni o kiina uno anyi obhuhëënë, nakuuha atuho orosiko ruure ro ghugharuka kooche. Atuho iyo nteekuhaabhu eni mwene, amare na abhande bhoose bhano bhaghwitëngʼëra kwo miigha ghugharuka kooche.

Abheebhuraaniya 1:13

Eryobha retaamobhooriire marayika ghyokyose kubha, “Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.”

Abheebhuraaniya 1:3

Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 10:14

Gho nchëra e Yesu kwiruusi mara rimu hangʼu, nabhamusiri na kobhaköra kubha abhaato bhaache emiishe ghyose.

Abheebhuraaniya 10:33

Eriibhagha nyarebhe abhaato mbaare bharabhatoka na kobhanyaaki haheero. Eriibhagha erende moore morabhatoori bhano ꞉bhaare bharanyaaka kinya inyu.

Abheebhuraaniya 11:36

Abhamu mbaare bharabhachëëra na kobhatëma ne emicharicho. Abhande mbaare bharabhabhöha ne eminyörörö na ghotooru mo‑maghërëcha.

Abheebhuraaniya 12:3

Mwihëëbhë kinya bhuno Yesu aghumeriiri ghaare ꞉ghaamobhwine ghano abhaköri bha masari ꞉bhaare bharamoshangʼaani. Mbe, gho ghayo, mwitoore omukörö kubha motaacha ghutamu korekumi Eryobha.

Abheebhuraaniya 13:13

Mbe, na niitu ntomutambane anche e kehita kiyo na ghoghumereri chaasoni kinya bhuno iwe aghumeriiri.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

Abheebhuraaniya 7:19

꞉Ndeegheruusiri gho kubha emeghiro ghiyo ghetaare no obhotoro bho kohikeerani egheghiro ghyokyose, amare ibheere Eryobha ndetoheere amiitëngʼërö aghande ghano ghaanyi no obhwëra bhokoro, gho kohetera ghayo, ntoghotora koriishukerera.

Abheebhuraaniya 8:1

Mbe, angʼana ankoro mo‑ghoose ghayo niyo ino. Itu ntoonyi nawe Omuchaama Omokoro anga uyo, iwe niikeere eribhaara re kubhökö gho kwiro kwo Mutëmi Waryobha, ahaghiro ha sooko chwee iyo Mwishaaro.

Abheebhuraaniya 9:28

Hangʼu hangʼu Eryobha ꞉ndeemoruusiri Kirisito kubha aku na kubha amaruusi mara rimu hangʼu kubha Eryobha rebhaabhërë abhaato bhaaru amasari ghaabho. Wiiki Kirisito nakuucha mara e kabhere. Amare eriibhagha riyo, taakuucha kwabhëra abhaato amasari ghaabho, amare nakuucha kobhaha obhotoori abhaato bhano bhaghwiköngʼi komughanya.

Yakobho 2:1

Abhahiiri bhaane, gho kubha momokumiri Omutëmi wiito Yesu Kirisito, Omutëmi o bhokumi obhokoro, motabha moriyaahukani mo‑bhaato.

1 Bheetero 1:11

Akörö e Kirisito neere moose yaabho, ꞉niiröötiri kubha Kirisito nakunyaakibhu, ne eramara koheta anyaako iyo, nakubhöna obhokumi obhokoro. Abharööti bhayo ꞉mbiiköngʼiri chwee ghwisuncha bhamënyë kubha, amangʼana ghayo ngaakubha nyingake, na nibhu ghakomubhöna.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.

Obhohunyurëru 1:11

Eriiraka riyo rekabhugha, “Andëka mo‑ghitabhu amangʼana ghoose ghano okorighi. Oramara otome eghitabhu kiyo mo‑makanisa ghano ghaanyi mo‑meghya mohungate. Emeghya ghiyo nighyo ghino, Ebheeso, na Simurina, na Bherighamo, na Tiyatira, na Sariti, na Bhirateribhiya, na Rawotikiya.”

Obhohunyurëru 1:17

Hano nemorooche, neghagho mo‑maghoro ghaache kinya nekuure. Amare aghantoorera okubhökö kooche gho kwiro ighoro yaane, akamboorera akabhugha, “Otatiina! Eni neeni o Mumbërë no o Ntenero.

Obhohunyurëru 1:8

Omutëmi Waryobha nakobhugha kubha, “Eni neeni Simoka na Antenero, uno anyi‑ho, na korwera simoka naare‑ho na naakubha‑ho. Eni n‑Eryobha re Bhotoro Bhoose.”

Obhohunyurëru 2:8

Omooto uyo kinya Omoona o Mooto akëëndërëra kobhugha, “Omwandëkërë marayika o riikanisa re Simurina, no omobhoorere obhughe, ‘Eni neeni o Mumbërë na Antenero. Neere nekuure, nekaryoka ni ibheere m‑muhöru neenyi! Mutëghëërërë ghano nekobhabhoorera!