Abheebhuraaniya 11:7 - Eriiraghano Eriihë

⁷ Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.

Abheebhuraaniya 11:7 ပူးပေါင်းရင်းမြစ်များ

Mataayo 2:12

Rekamara, Eryobha rekabhashaangʼi mo‑riröötö kubha bhatagharuka wiiki o‑Herote. Gho ghayo, bhaghagharuka bhowaabho gho kohetera anchëra ayende.

Mataayo 24:15

“Kwo riibhagha riyo mokorighi ‘egheghiro kino kehaaghonchi na ghusari,’ kimeeriire Ahaghiro Ahatööbhiyu Mwisëngërö re Ryobha. Egheghiro kiyo nikyo ghighamburu no omurööti Taniyeri. Omooto wowoose uno aghusöma amangʼana ghano, amënyë kebhuno ghakobhugha.

Mataayo 24:25

Mubhe amiisho gho kubha ˆnekabhabhoorera ghayo ghakeere korwera.

Mataayo 24:38

Mo‑chaasiko chiyo hano ambura e ghwichoreru ere ekeere kuucha, abhaato mbaare bhararaaghëra na kunyo, mbaare bharakwira na ghokwiru mbagha orosiko runo Nuhu asöhiri mo‑safina.

Mataayo 3:7

Amare hano Yohana arooche Amabharisaayo na Amasatukaayo bhakamutambana kwo bhwaru kubha abhabhatiise, akabhabhoorera akabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha?

Ruuka 17:26

“Kinya bhuure ꞉ghaabheere mo‑chaasiko che Nuhu, hangʼu ghaakubha mo‑chaasiko che ghugharuka koone eni Omoona o Mooto.

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Abharuumi 10:6

Amare ighoro e kubhareru kubha no obhuhëënë ambërë e Ryobha gho nchëra e ghokumi, Musa ꞉naabhughiri kubha, “Motiibhoori mo‑metema gheenyu kubha, ‘N‑niwe uno aghotora ghotiira ighoro mbagha Mwishaaro?’ ” Kobhugha hangʼu n‑kinya ghuye iyo komusabha Kirisito ache hano mo‑se.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Abharuumi 4:11

Ghusaaru kooche, n‑ekingʼöchö ke Ryobha ghokooche kubha, ꞉ndeemubhariire obhuhëënë kurëngʼaana no obhokumi bhuno are nabho akeere ghusaaru. Gho nchëra iyo, Abhurahamu aghaköru kubha ishe o bhakumi bhoose bhano bhataamara ghusaaru, kubha bhoose bhabhareru kubha mbaanyi no obhuhëënë ambërë e Ryobha.

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

Abharuumi 9:30

Mbe, tobhughe ke ibheere ighoro e mangʼana ghayo? Abhaato bha matöngö bhatiiköngʼiri ghutabhara kubhareru kubha no obhuhëënë ambërë e Ryobha, amare Eryobha ndebhabhariire kubha mbaanyi no obhuhëënë gho nchëra e komokumi Kirisito.

Abhagharatiya 5:5

Amare itu, kino toghwitëngʼëra kwo bhotoro bho Körö Ahörëëru n‑kubha, Eryobha ndeghotubhara kubha abhaato abhahëënë, gho kubha ntokomokumi Yesu.

Abhabhiribhi 3:9

wiiki nighöötane nawe kimu. Nteeghwitëngʼëra wiiki obhuhëënë bhuure bhokorwera gho ghutambana emeghiro, amare neghwitëngʼëra obhuhëënë bhuno bhookoru gho komokumi Kirisito. Obhuhëënë bhuyo, mbokuhaanu ne Eryobha mo‑bhaare bhamokumiri Kirisito.

Abheebhuraaniya 11:1

Mbe, obhokumi n‑kubha no obhuhëënë bho mangʼana ghano toghoghiitëngʼëra. Wiiki n‑ghokumi inkongʼorimu amangʼana ghano totaaghogharighi kwi ibheere.

Abheebhuraaniya 12:25

Mbe, mukabhaahe motaacha kwanga komutëghëërëra uno aghosiikëra na niinyu. Aribha Abhiisiraeri bhataatooriibhu hano bhaangiri komutëghëërëra wuure are arabhatöngëra hano mo‑se, itu ntoghotora bhu ghotooribhu aribha toraanga komutëghëërëra uno aghotutöngëra koru Mwishaaro?

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Abheebhuraaniya 8:5

Ghaare abhachaama bhayo bhaghuköra Ahaghiro Ahatööbhiyu n‑eghetuubhaani ne ekiriiri ke ghaare ghaanyi Ahaghiro Ahatööbhiyu iyo Mwishaaro. Nikyo ꞉ghiighëriri Eryobha rekamobhoorera Musa hano are arisëëmi kwabhëka eriibhuru re ghusëngëra Eryobha kubha, “Ukörë amangʼana ghoose kinya bhuno nekwërëkiri mo‑gheghoro kiire ghe Sinaayi.”

1 Bheetero 3:20

Chaakörö chiyo n‑che bhano bhataresookiri Eryobha hayo kare, eriibhagha Nuhu are araabhëka asafina. Eryobha ꞉ndeeghumeriiri obhobhe bhoobho mbagha asafina ekamaru kwabhëku, amare antenero abhaato bhanaane hangʼu, nibho ꞉bhaatooriibhu koru mo‑manche.

2 Bheetero 1:1

Anyaarubha ino neyandëkiri eni Simiyooni Bheetero, omutamishi no omotomu o Yesu Kirisito. ˆNekabhaandëkëra inyu bhano mobhwine obhokumi bhuno bho riighori ikoro, kinya bhuno itu bhoose ꞉toobhwine gho kohetera obhuhëënë bho Ryobha no Omotoori wiito Yesu Kirisito.

2 Bheetero 2:5

Wiiki Eryobha retabharoochiire changori abhaato bha kare bhano bhataresookiri, ꞉ndiirëëtiri ghwichoreru kwo manche mo‑se, abhaato bhaaghaku. Amare rekamotoori Nuhu uno araghiini amangʼana gha bhuhëënë, haghirohamu na abhaato abhande mohungate.

2 Bheetero 3:6

Kwo manche ghayo ase e riibhagha riire ꞉neesirekeriiru.