Abheebhuraaniya 11:4 - Eriiraghano Eriihë

⁴ Obhokumi ꞉mbuuköriri Abheeri akareruuseri Eryobha amaruusi amachömu ghokera ghano Kaayini ꞉aruusiri. Kwo bhokumi bhuyo Eryobha ꞉ndeemubhariire Abheeri kubha omuhëënë gho ghosongʼaana amaruusi ghaache. Nangabha Abheeri akuure, amare obhokumi bhooche mbokwëndërëra kubha eghetuubhaani ghichömu ghokwito koru reero.

Abheebhuraaniya 11:4 ပူးပေါင်းရင်းမြစ်များ

Mataayo 23:35

Gho ghayo, Eryobha ndekobhatenera ekiina inyu gho ghiri e kobhiita abhaato bhoose bhano ꞉bhaare bharëngʼaaniire ambërë e Ryobha. Muköriri hangʼu, korwera hano Kaayini itiri Abheeri uno ataare ne eriisari ryoryose, mbagha ghwitu gho Sakariya, mwërëëti o Bharakiya. Bhasookoro bhaanyu ꞉mbaamwitiri Sakariya Mwisëngërö ghateghate e Haghiro Ahatööbhiyu na ha koruuseri amaruusi.

Ruuka 11:51

ghayo ꞉ngaasëëmiire mo‑masaahë gha Abheeri, mbagha amasaahë gha Sakariya uno ꞉ituru mo‑Risëngërö re Ryobha ghate e haghiro ha koruuseri amaruusi na Ahaghiro Ahatööbhiyu. Hëënë, ˆnekabhabhoorera kubha, abhaato bha rwibhoro runo ngaakubha ghokoobho ghayo ghoose.

Tiito 1:16

Abheene mbakobhugha kubha mbeeche Eryobha, amare amaköri ghaabho ngakwërëki kubha, mbakoryanga. Bhayo mbaghukarari, na m‑bhiigharori, na bhataakurëngʼaanera kwo ngʼana yoyoose anchömu.

Abheebhuraaniya 11:2

Gho nchëra e korekumi Eryobha, bhasookoro bhiito ꞉mbiishereriiru ne Eryobha.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.

Abheebhuraaniya 12:24

Inyu mohikiri o Yesu, omughöötani o Riiraghano Eriihë, na kwo masaahë ghaache ghano ꞉ghiitëkiri mo‑musarabha gho ghiri e masari ghiito. Amasaahë ghayo, taanyi kinya amasaahë gha Abheeri, ghano ꞉ghëëndiri korehani asiire.

Abheebhuraaniya 5:1

Kira Omuchaama Omokoro naare araahoru koru mo‑bhaghëndi bhaache, kubha imeererere amangʼana gha Ryobha gho ghiri e bhaato. Wiiki iwe nahaaruuseri Eryobha amaruusi na chatyenyi che ghosireekereri gho ghiri e masari gha bhaato.

Abheebhuraaniya 9:22

Kurëngʼaana ne emeghiro ghe Musa, amasaahë nigho ꞉ghaare gharamusa nanga kira egheghiro. Aribha amasaahë ghatiitekiri, Eryobha retaakobhaabhëra abhaato amasari ghaabho.

2 Bheetero 2:8

Omooto uyo omuhëënë naare amanyiri ghate yaabho gho chaasiko chaaru, koru omukörö waache ꞉nookuure gho kooghu na korighi amabhe ghaabho.

Yuuta 1:11

Horeera mbakorighi, gho kubha mbatambiine anchëra ambe e Kaayini, gho ghwisöhi mo‑bhuröngö kubha bhabhönë obhwame, kinya bhuno Bharaamu ꞉aköriri. Horeera mbakorighi, gho kubha mbaghosireekerera kurëngʼaana no obhwigharurani bhoobho, kinya bhuno Koora asirekeriire kurëngʼaana no obhwigharurani bhooche.