Abheebhuraaniya 11:3 - Eriiraghano Eriihë

³ Gho nchëra e ghokumi, ntweche kubha Eryobha ꞉ndiitëëmiri ase, gho kobhugha angʼana. ꞉Ndeebhitëëmiri ebheghiro bhino bhekorighibhu koru mo‑bhino bhetaakorighibhu.

Abheebhuraaniya 11:3 ပူးပေါင်းရင်းမြစ်များ

Yohana 1:3

Eryobha ꞉ndiitëëmiri ebheghiro bhyose gho kohetera ghokooche, ghetaanyi‑ho koru egheghiro kimu kino ꞉ghiitëëmuru iwe ataanyi‑mu.

Amaköri gha Bhatomu 14:15

“Abhahiiri bhiito! Ngwake moghuköra amangʼana ghano? Itu n‑abhaato hangʼu toonyi kinya inyu! Ntwichiri hano kobheeghi Angʼana Anchömu, kobhabhoorera kubha motighe ghusëngëra chasanaamu chiyo, musëëmë kubha abhaato bha Ryobha rino reenyi ihöru! Rino ꞉riitëëmiri erishaaro, na ase, na anyancha, na bhyose bhino bheenyi mwishaaro, na mo‑se, na mo‑nyancha.

Amaköri gha Bhatomu 17:24

“Eryobha riyo niryo Omutëëmi o rishaaro na ase, gho kubha niryo ꞉riitëëmiri ase, na bhyose bhino bheenyi‑mu. Retaakumanya mo‑masëngërö ghano ghabhëkuru kwo mabhökö gha bhaato.

Abharuumi 4:17

N‑kinya bhuno Eryobha ꞉reebhooriire Abhurahamu mo‑Mandëkö Amatööbhiyu kubha, “Neghuköriri kubha ishe o matöngö maaru.” Abhurahamu ꞉nooghwire amangʼana ghayo anyi ambërë e Ryobha, akarekumi Eryobha rino rehaabhaha abhaku obhuhöru, na rino rehaahatëka ebheghiro bhibhe‑ho bhino bhetaamara bhibha‑ho.

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

1 Timotewo 4:5

gho kubha angʼana e Ryobha na amasabhi, ngahëërëki kubha ebheghiro bhiyo m‑bhitööbhiyu.

Abheebhuraaniya 1:2

Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.

Abheebhuraaniya 6:5

Wiiki abhaato bhano mbeeche kubha ghaare Eryobha rebhughiri m‑machömu na kumënya changuru che bhotoro bho Ryobha mo‑se ino ekuucha.

2 Bheetero 3:5

Abhaato bhayo, mbaghwiköri kinya ꞉mbeebhuru kubha hayo kare Eryobha ꞉ndeebhughiri angʼana ayeene, erishaaro na ase bheghatëëmu. Reghatëëma ase koru mo‑manche na gho nchëra e manche.

Obhohunyurëru 4:11

“Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”