Abheebhuraaniya 10:5 - Eriiraghano Eriihë

⁵ Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

Abheebhuraaniya 10:5 ပူးပေါင်းရင်းမြစ်များ

Mataayo 11:3

bhamobhoori Yesu kubha, “Kana, iye niiye Kirisito wuure akuucha, ghasi tughanye owonde?”

Ruuka 1:35

Akamugharokeri akabhugha, “Akörö Ahörëëru neghoghwikera, no obhotoro bho Ryobha Omokoro o Bhyose, mbookubha ighoro yaacho ghe kiriiri. Omoona uyo okwibhora, naakubha omwahöru, naakubha arabherekeru Omoona o Ryobha.

Ruuka 7:19

akabhatoma kubha bhaghëndë komobhoori Omutëmi Yesu, kubha, “Kana, iye niiye Kirisito wuure akuucha, ghasi tughanye owonde?”

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

Abheebhuraaniya 1:6

Wiiki Eryobha hano reere rerarëëta Omoona waache omwene chiri mo‑se, ꞉ndeebhughiri kubha, “Bhamarayika bhoose bha Ryobha bhabhe bharamusëngëra Omoona uyo.”

Abheebhuraaniya 10:10

Mbe, gho kubha Yesu ꞉naahikeriine amënda gha Ryobha, itu ntoghuköru abhatööbhiyu gho nchëra e maruusi gha mobhere o Yesu Kirisito uno ꞉iruusiri mara rimu hangʼu.

Abheebhuraaniya 10:7

Mbe, gho ghayo ꞉neesiikiire, nekabhugha, ‘Oo Waryobha waane! Eni neenyi hano kubha nibhe neraköra amiigha ghaacho, kinya bhuno Amandëkö Amatööbhiyu ghaghungamba eni.’ ”

Abheebhuraaniya 10:8

Ekimbërë Kirisito ꞉naasiikiire akabhugha kubha, “Iye tookwënda amaruusi na amaruusi gha chatyenyi, na amaruusi gha ghosireekereru na amaruusi gho ghiri e masari, wiiki tuchömiiru nagho.” ꞉Naabhughiri hangʼu, nangabha amaruusi ghoose ghayo mbaare bhararuusi kurëngʼaana ne emeghiro ghe Musa.

Abheebhuraaniya 2:14

Mbe, gho kubha abhaana bhano mbaanyi ne emebhere na amasaahë, Yesu woose ꞉niichiri anyi no omobhere kinya emebhere gheebho. ꞉Naaköriri hangʼu kubha gho nchëra e roko rooche, achekinde changuru che Rishambu rino reenyi no obhotoro bho ghughëri abhaato bhabhe bharaku.

Abheebhuraaniya 5:7

Eriibhagha Yesu are mo‑se ino, ꞉naasabhiri, na ghusasaama na korera chwee ambërë e Ryobha rino reenyi na changuru che komotoori koru mo‑roko. Eryobha ndyoghwire amasabhi ghaache gho ghiri e kwinyööhi kooche.

Abheebhuraaniya 8:3

Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

2 Yohana 1:7

Nekobhugha hangʼu gho kubha abharöngö bhaaru mbarweriire mo‑se ino, bhano bhataaghwishereri kubha Yesu Kirisito ꞉niichiri akabha no omobhere kinya omooto. Omooto wowoose uno aghosiikëra ghayo n‑omuröngö, wiiki n‑omobhisa o Kirisito.