Abheebhuraaniya 1:8 - Eriiraghano Eriihë

⁸ Amare ighoro e Moona waache iryo ꞉ndeebhughiri kubha, “Iye Waryobha noghukangata emiishe ne emiishe, no obhukangati bhoocho mbookubha bho hëënë.

Abheebhuraaniya 1:8 ပူးပေါင်းရင်းမြစ်များ

Mataayo 1:23

“Mööhi! Omuukë uno ataamara amënya omosubhe naghughëgha anda, nawe nakwibhora omoona o ghesiite! Nabho mbakomoroka eriina reeche Emanweri.” Egheteemoro keeche, “Eryobha ndeenyi haghirohamu na niitu.”

Ruuka 1:75

gho ghuköra ghano rekwënda, na kubha no obhutööbhiyu ambërë yaache, mo‑chaasiko chiito choose.

Yohana 10:30

Eni na Taata m‑bhamu toonyi.”

Yohana 10:33

Abhayahuuti bhaghagharokeri bhakabhugha, “Totaakwënda ghokurasa na amabhohe gho ghiri e ghuköra amachömu, amare n‑gho kubha nokwirëngʼaani ne Eryobha. Iye n‑omooto hangʼu, amare noghwiköri kubha Eryobha!”

Yohana 20:28

Tomaso akamugharokeri akabhugha, “Omutëmi waane ne Eryobha reene!”

Abharuumi 9:5

Abhiisiraeri bhayo ꞉mbiibhwiru na bhasookoro bhaabho, Abhurahamu, na Isaka na Yakobho. Gho kohetera omobhere, koru Kirisito n‑Omwisiraeri. Kirisito, uno anyi Eryobha, Omokoro o bhyose, aghongibhu emiishe ghyose! Hawubhaabha.

1 Abhakorinto 15:25

Neghosiikëra hangʼu, gho kubha Kirisito nekwëndëru akangate mbagha abhakinde abhabhisa bhaache bhoose na kobhatoora haase e bhukangati bhooche.

1 Timotewo 3:16

Amangʼana gha bhuhëënë ghano Eryobha rehunywire n‑gha koroghoori, nagho nigho ghano: Kirisito niyëërëkiini mo‑mobhere, na Akörö Ahörëëru ekamuhëënëhi kubha, mughöröröku, akarighibhu na bhamarayika, akaraghanibhu mo‑matöngö ghoose, aghakumibhu na abhaato bha mo‑se, aghaghëghu ghuye ighoro mo‑bhokumi bhooche obhokoro.

2 Bheetero 1:11

Gho ghuköra hangʼu, moghughënëhu bhoheene mo‑bhutëmi bho miishe ghyose bho Mutëmi no Omotoori wiito Yesu Kirisito.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.