Abheebhuraaniya 1:6 - Eriiraghano Eriihë

⁶ Wiiki Eryobha hano reere rerarëëta Omoona waache omwene chiri mo‑se, ꞉ndeebhughiri kubha, “Bhamarayika bhoose bha Ryobha bhabhe bharamusëngëra Omoona uyo.”

Abheebhuraaniya 1:6 ပူးပေါင်းရင်းမြစ်များ

Mataayo 24:14

Wiiki Angʼana Anchömu e bhutëmi bho Mwishaaro nekuraghanibhu mo‑matöngö ghoose kubha abhaato bhoose bhayimënyë. Kwo riibhagha riyo, niho antenero e se ekuucha.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:18

Taanyi‑ho omooto wowoose uno arerooche Eryobha. Amare n‑Omoona omwene chiri, uno anyi Eryobha, wiiki naanyi haghirohamu na Taata Waryobha, niwe atohunyuriire Eryobha kinya reenyi.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Abharuumi 8:29

Eryobha ꞉ndiimënyiri abhaato bhaache korwera hano ase ere ekeere ghutëëmu. Bhayo nibho Eryobha ꞉ryaahwire korwera kare bhabhe kinya Omoona waache Yesu Kirisito. ꞉Ndiiköriri hangʼu kubha Omoona waache abhe omutange ghate e bhahiiri bhaaru.

Abhakorosaayi 1:15

Kirisito n‑eghetuubhaani ke Ryobha, rino retaakorighibhu, na niwe omutange o bheghiro bhyose bhino ꞉bhiitëëmuru.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

Abheebhuraaniya 1:5

Taanyi‑ho marayika uno ꞉abhooriiru ne Eryobha ghano ꞉amobhooriire Yesu kubha, “Iye niiye Omoona waane, eni reero nibheere Iso waacho.” Eryobha retabhooriire marayika wowoose kubha, “Neekubha Ishe, woose naakubha Omoona waane.”

Abheebhuraaniya 10:5

Nikyo ꞉ghiighëriri hano Kirisito ichiri mo‑se ino, akarebhoorera Eryobha akabhugha, “Iye tookwënda amaruusi gha chatyenyi koru amaruusi gha ghosireekereru, amare nusëëmiri omobhere waane.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

1 Yohana 4:9

Eryobha eryene ndetwërëkiri obhosiighi bhooche ghokwito gho nchëra e komotoma Omoona waache omwene chiri kuucha mo‑se ino, kubha gho kohetera ghokooche tubhönë obhuhöru bho miishe ghyose.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.