Abheebhuraaniya 1:4 - Eriiraghano Eriihë

⁴ Eryobha ndemuköriri Omoona waache abhe omokoro ghokera bhamarayika, kinya bhuure amoheere eriina ikoro ghokera riire re bhamarayika.

Abheebhuraaniya 1:4 ပူးပေါင်းရင်းမြစ်များ

Abhaebheeso 1:21

Iyo Kirisito naghukangata ighoro e bhakangati bhoose bha bhotoro na changuru. Naghukangata ighoro e manga ghoose gha bhukangati bhuno bhoghutaru hano mo‑se na mo‑se ino ekuucha.

Abhakorosaayi 1:18

Iwe niwe omutu o mobhere, niryo eriikanisa. Iwe n‑simoka e mangʼana ghoose, gho kubha niwe o mumbërë koryoka koru mo‑bhaku, kubha abhe no omweya o mumbërë, mo‑bheghiro bhyose.

Abhakorosaayi 2:10

Inyu muhaabhuru bhyose gho ghughöötana na Kirisito, iwe niwe Omutëmi omokoro uno anyi no obhotoro bhoose mo‑se ino etaakorighibhu.

2 Abhatesaronike 1:7

na ndekobhaweeri inyu bhano mokunyaakibhu, haghirohamu na niitu. Ndeghuköra ghayo hano Omutëmi Yesu akuucha koru Mwishaaro ne emirëngaari ghe mororo, haghirohamu na bhamarayika bhaache bhano bhaanyi na changuru.

Abheebhuraaniya 1:9

Iye nohaasiigha ghaare ghaanyi amahöriicho, na kurëgha ghoose ghano ghaanyi amabhe. Gho ghayo Eryobha, Eryobha reecho, ndekuhakiri amaghuta ghano ghaghëriri ubhe no oghuchömëru, kubha aghukörë omokoro, ghokera abhaghëndi bhaacho bhoose.”

Abheebhuraaniya 12:17

Inyu mweche kubha, eriibhagha Esaawu ꞉ëndiri ghughabha orubhango, ishe akaanga, gho kubha tabhwine omweya o ghotuukuuna amasari ghaache, nangabha ꞉atabhiire gho changishori.

Abheebhuraaniya 2:9

Amare ntokomorighi Yesu uno kwo riibhagha ighuhe hangʼu, Eryobha ꞉ndeemuköriri abhe mosuuhu ghokera bhamarayika. Uyo niwe uno Eryobha remoheere obhokumi obhokoro na asooko inkoro gho ghiri e kunyaakibhu na ghoku kooche. Eryobha ꞉ndeemuköriri hangʼu, kubha gho nchëra e ghareeya yaache, Yesu aku gho ghiri e bhaato bhoose.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.