Abheebhuraaniya 1:3 - Eriiraghano Eriihë

³ Omoona uyo nakurëngaari mo‑bhokumi obhokoro bho Ryobha na nakwërëki haheero kinya Eryobha reenyi. Wiiki gho kohetera ghokooche ebheghiro bhyose mbehaaghöötana haghirohamu kwo ngʼana yaache ino enyi no obhotoro. Iwe hano amariri kwiruusi kinya amaruusi gha koruuseri abhaato amasari, aghaye Mwishaaro, aghiikara eribhaara re kubhökö gho kwiro kwo Mutëmi Waryobha.

Abheebhuraaniya 1:3 ပူးပေါင်းရင်းမြစ်များ

Mataayo 22:24

“Omweghi, Musa ꞉naaturagheriiri mo‑meghiro gheeche kubha aribha omooto araku na komotigha omukari atiibhwire, nekwëndëru ömööbhö amughabhe omosino uyo kubha amwibhorere abhaana abhooki aka e mosiri uyo.

Maariko 16:19

Hano Omutëmi Yesu amariri ghosiikëra nabho, Eryobha rekamwimoki rekamohiki Mwishaaro. Aghiikara eribhaara re kwiro re Ryobha.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:29

Atabhoori yaache, Yohana akamorighi Yesu araacha ghokooche. Akabhabhoorera abhaato bhano ꞉bhaare hayo akabhugha, “Mööhi, uyo n‑Omoona o Ngʼöndu o Ryobha, uno akoruusi amasari gha bhaato bhoose!

Yohana 1:4

Niwe simoka e bhuhöru, no obhuhöru bhuyo mbokurëëta obhwero kwo bhaato bhoose.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 7:56

Hayo akabhugha, “Mumööhërëri! Nerooche erishaaro reriighoka, no Omoona o Mooto imeeriire eribhaara re kwiro re Ryobha!”

Abharuumi 1:16

Eni nteekorighi chaasoni kuraghani Angʼana Anchömu iyo, gho kubha nibho obhotoro bho Ryobha bhuno bhoghotoori abhaato bhoose bhano bhakomokumi Yesu, korwera mo‑Bhayahuuti mbagha mo‑bhaato bha matöngö.

Abharuumi 8:34

Wiiki taanyi‑ho uno aghotora kobhatenera ekiina kubha m‑bha masari moonyi, gho kubha Kirisito Yesu, niwe akuure na koryoka koru mo‑bhaku. Wiiki niikeere eribhaara re kwiro re Ryobha, niwe aghotusabhera.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhakorosaayi 3:1

Ibheere gho kubha atëëmö yaanyu ahë neryokiibhu haghirohamu na Kirisito, mutabhare amangʼana gha Mwishaaro, hano Kirisito ikeere eribhaara re kwiro re Ryobha.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 1:13

Eryobha retaamobhooriire marayika ghyokyose kubha, “Wiikare eribhaara re kubhökö koone gho kwiro, mbagha neghukörë okinde abhabhisa bhaacho, na kobhakangata.”

Abheebhuraaniya 10:12

Amare Kirisito ꞉niiruusiri mara rimu hangʼu kubha amaruusi gho ghiri e masari ghiito. Iwe niwe amaruusi ghano gha ghwisha emiishe ghyose. Gho ghayo niikeere eribhaara re kubhökö gho kwiro kwo Ryobha.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.

Abheebhuraaniya 4:14

Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.

Abheebhuraaniya 7:27

Abhachaama abhakoro mbaare bharëëndëru koruusi kira orosiko, amaruusi gho ghiri e masari ghaabho. Eriibhagha ꞉bhaaköriri hangʼu, mbaare bhararuusi amaruusi aghande gho ghiri e masari gha bhaato abhande. Wiiki mbaare bharaköra hangʼu mara kaaru. Amare Yesu ꞉niiruusiri mo‑musarabha mara rimu hangʼu gho ghiri e masari gha bhaato bhoose.

Abheebhuraaniya 8:1

Mbe, angʼana ankoro mo‑ghoose ghayo niyo ino. Itu ntoonyi nawe Omuchaama Omokoro anga uyo, iwe niikeere eribhaara re kubhökö gho kwiro kwo Mutëmi Waryobha, ahaghiro ha sooko chwee iyo Mwishaaro.

Abheebhuraaniya 9:16

Erabha omooto andëkiri ighoro e ghabho e bheghiro bhino anyi nabhyo, ghano andëkiri ngaghuköra emeremo aribha omooto uyo akuure.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.

1 Bheetero 1:21

Kohetera gho Kirisito, mokorekumi Eryobha, rino remoryokiri koru mo‑bhaku na komuha obhokumi obhokoro. Gho ghayo, mokomokumi na koriitëngʼëra Eryobha.

1 Bheetero 3:22

Iwe naghiire Mwishaaro, ni ibheere niikeere okubhökö gho kwiro kwo Waryobha, ahaghiro ha sooko chwee. Naghukangata bhamarayika, ne ebhetyenyi bhyose bhe bhotoro, na bhe changuru.

2 Bheetero 1:16

Eriibhagha toore toreeghi kinya bhuno akuucha kwo bhotoro bhooche, Omutëmi wiito Yesu Kirisito, totiitëngʼiire amaghano gha kare ghano ghaandëkuru kwo bhongʼiiningʼiini. Amare ꞉ntoobhorooche obhokumi bhooche obhokoro kwo miisho ghiito itu abheene.

2 Bheetero 1:17

Itu ntoore‑ho eriibhagha ahaabhuru asooko no obhokumi obhokoro koru o‑Taata Waryobha. Eriibhagha riyo, eriiraka rekaru kwo Waryobha uno anyi Obhokumi Obhokoro, rerabhugha, “Uno n‑Omoona waane omosiighani, uno neghuchömëru nawe.”

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 3:5

Mweche kubha Kirisito ꞉niichiri koruusi amasari ghiito. Wiiki iwe taaghuköra amasari ghoghoose.

Yuuta 1:25

Iryo niryo Eryobha eryene, rino reenyi Omotoori wiito gho kohetera Yesu Kirisito Omutëmi wiito. Eryobha reghongibhu chwee, gho kubha iryo niryo reenyi no obhokumi obhokoro, na changuru, no obhotoro no obhokoro, korwera kare, ni ibheere, na koru emiishe ghyose. Hawubhaabha.

Obhohunyurëru 3:21

Omooto wowoose uno aghokinda amasaki, nekomwisherereri ghwikara na neeni mo‑ghetumbe keene ghe ghitëmi, kinya bhuure na neeni ꞉neekindiri, neghiikara na Taata mo‑ghetumbe keeche ghe ghitëmi.

Obhohunyurëru 4:11

“Omutëmi wiito ne Eryobha riito, nurëngʼaaniire ghoghongibhu, na ghosooku na kubha no obhotoro bhoose. Iye niiye utëëmiri ebheghiro bhyose, gho ghosiigha koocho ꞉mbiitëëmuru, wiiki niho bheenyi.”