Abheebhuraaniya 1:2 - Eriiraghano Eriihë

² Amare chaasiko chino che ntenero, Eryobha ndeghosiikëra na niitu kohetera Omoona waache. ꞉Ndeemwahwire Omoona uyo abhe omughabhi o bheghiro bhyose, wiiki gho kohetera ghokooche Eryobha ꞉ndiitëëmiri ase.

Abheebhuraaniya 1:2 ပူးပေါင်းရင်းမြစ်များ

Mataayo 13:39

Omobhisa uno ꞉emiri eghetoki natuubhiine ne Erishambu. Omughësö notuubhiine no orosiko ro ghoteneru ekiina ase, na abhaghësi mbatuubhiine na bhamarayika bha Ryobha.

Mataayo 17:5

Hano Bheetero are akeere arasiikëra, mööhi, rekaacha erishaaro rerarëngaari na kobhakundekeri. Bhakamara bhakooghu eriiraka koru Mwishaaro riyo rerabhugha, “Uno n‑Omoona waane omosiighani, neghuchömëru nawe, momutëghëërërë!”

Mataayo 21:38

Amare hano abharemi bhaare bhamorooche omoona uyo, bhaghiisiikërëra bhakabhugha, ‘Uno, niwe omughabhi. Ibheere ntomwite, aghabho yaache ibhe ghokwito.’

Mataayo 26:63

Amare Yesu tagharokiiri ghyokyose. Niho Omuchaama Omokoro uyo akamobhoorera wiiki akabhugha, “ˆNeghakoriishi ariingʼa kwo riina re Ryobha rino reenyi ihöru, notobhoorere aribha iye niiye Kirisito, Omoona o Ryobha.”

Mataayo 28:18

Yesu akaacha ghokoobho, aghasiikëra nabho, akabhabhoorera akabhugha, “Eryobha ndeheere obhotoro bhoose bho Mwishaaro na mo‑se.

Mataayo 3:17

Eriiraka rekarwera Mwishaaro rerabhugha, “Uno n‑Omoona waane omosiighani, neghuchömëru nawe.”

Maariko 1:1

Ino niyo simoka e Ngʼana Anchömu e Yesu Kirisito, Omoona o Ryobha.

Maariko 12:6

Omwene omoghondo aghasaagha no omooto umu hangʼu o komotoma, omoona waache uno are amosiighiri chwee. Antenero akamotoma kwo bharemi bhayo, aghiituuri kubha, ‘Uno n‑omoona waane, iwe mbakomosooka.’

Maariko 12:7

“Amare, hano ahikiri, abharemi bhayo bhaghiisiikërëra kubha, ‘Uno niwe omughabhi. Ibheere ntomwite, aghabho yaache ibhe ghokwito.’

Yohana 1:10

Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche.

Yohana 1:14

Angʼana iyo ekabha omooto, aghiikara ghateghate yiito. Itu bhoose tokabhorighi obhokumi bhooche obhokoro, obhokumi bhooche obhokoro iwe uno anyi Omoona omwene chiri o Taata, niichwire aghareeya no obhuhëënë.

Yohana 1:3

Eryobha ꞉ndiitëëmiri ebheghiro bhyose gho kohetera ghokooche, ghetaanyi‑ho koru egheghiro kimu kino ꞉ghiitëëmuru iwe ataanyi‑mu.

Yohana 13:3

Yesu ꞉naamënyiri kubha Taata namoheere obhotoro bho kobhikangata ebheghiro bhyose. Wiiki ꞉naamënyiri kubha ꞉naaruure kwo Waryobha, na kubha naghugharuka wiiki kwo Waryobha.

Yohana 13:32

Kinya bhokorighibhu obhokumi bhooche obhokoro kohetera mo‑maköri ghaane, mbe, Eryobha ryose ndëköbhëërëki abhaato obhokumi bhoone obhokoro eni Omoona o Mooto moose yaache omwene, wiiki ndeghuköra bhwango.

Yohana 15:15

Korwera ibheere, nteekubha nerabhabherekera wiiki kubha abhasësë bhaane, gho kubha omusësë teeche kino omutëmi waache aghuköra. Amare inyu nebhahunyuriire ghoose ghano nyoghwire koru o‑Taata, mbe, neekubha nerabhabherekera abhasaani bhaane.

Yohana 16:15

Ebheghiro bhyose bhino Taata anyi nabhyo m‑bhebheene. Gho ghiri iyo neghosiikëra kubha Akörö iyo nekobhabhoorera ghoose ghano ekubha ebhwine koru ghokoone.

Yohana 17:2

Noheere obhotoro bho kobhakangata abhaato bhoose, kubha nebhahë abhaato bhano oheere obhuhöru bho miishe ghyose.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:25

Orosiko rumu, abhaanabheegha nyarebhe bha Yohana bhaghasëëma ghoshangʼaana no Omuyahuuti umu ighoro e sughara e kwiyeri.

Yohana 5:26

Kinya bhuno Taata anyi no obhuhöru moose yaache, hangʼu hangʼu nibhu amoheere Omoona kubha no obhuhöru moose yaache.

Yohana 5:27

Wiiki, namoheere Omoona obhotoro bho kobhatenera ekiina abhaato, gho kubha iwe n‑Omoona o Mooto.

Yohana 9:29

Ntweche kubha Eryobha ꞉ndeesiikiire na Musa, amare omooto uyo toteeche hayi arweriire.”

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Amaköri gha Bhatomu 2:17

‘Mo‑chaasiko che ntenero, neghwiki Akörö yaane ighoro e bhaato bhoose. Abhaana bhaanyu bha kebhureni na bha ghiike mbakurööta, na abhabhureni bhaanyu mbakorighi amarighi, na abhagharuka mbakurööta amaröötö.

Abharuumi 1:4

amare gho kohetera Akörö ino enyi Intööbhiyu, Eryobha ꞉ndeemwahwire kubha Omoona o Ryobha uno anyi no obhotoro bhoose, hano remoryokiri koru mo‑bhaku. Yesu Kirisito uyo niwe Omutëmi wiito.

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

1 Abhakorinto 2:7

Amangʼiini ghano tokuraghani n‑gha kebhisere ke Ryobha. Amangʼiini ghayo n‑obhorwachi bho Ryobha bhuno bhoore bhobhisuru mo‑bhaato. Eriibhagha Eryobha reere rekeere ghutëëma ase, ꞉ndyëëndiri kuhökëri amangʼiini ghayo, kubha retughöötani mo‑bhokumi bhooche obhokoro.

1 Abhakorinto 8:6

Amare ghokwito, ndeenyi‑ho Eryobha rimu hangʼu, niryo Taata, niryo ꞉riitëëmiri ebheghiro bhyose, itu ntokumanya gho ghiri yaache. Wiiki naanyi‑ho Omutëmi umu hangʼu, niwe Yesu Kirisito, ne ebheghiro bhyose ꞉mbiitëëmuru gho kohetera ghokooche, wiiki itu ntoonyi abhahöru kurëngʼaana nawe.

Abhagharatiya 4:4

Amare eriibhagha rino rirënguru hano rehikiri, Eryobha rekamotoma Omoona waache mo‑se ino. Omoona waache akiibhoru no omukari kinya itu, akamanya haase e meghiro ghe Musa.

Abhaebheeso 1:10

Amangʼana ghano ndeghoghahikeerani kwo riibhagha reeche, ndekobhetoora ebheghiro bhyose bhe Mwishaaro na bhe mo‑se mo‑bhukangati bho Kirisito.

Abhaebheeso 3:9

Wiiki nebhatoorere haheero abhaato bhoose bharighi amangʼana gha Ryobha ghano ꞉ghaare ghabhisuru kinya ghakohikeeranibhu. Eryobha rino ritëëmiri ebheghiro bhyose ꞉ndeebhisiri amangʼana ghayo korwera simoka.

Abheebhuraaniya 1:5

Taanyi‑ho marayika uno ꞉abhooriiru ne Eryobha ghano ꞉amobhooriire Yesu kubha, “Iye niiye Omoona waane, eni reero nibheere Iso waacho.” Eryobha retabhooriire marayika wowoose kubha, “Neekubha Ishe, woose naakubha Omoona waane.”

Abheebhuraaniya 1:8

Amare ighoro e Moona waache iryo ꞉ndeebhughiri kubha, “Iye Waryobha noghukangata emiishe ne emiishe, no obhukangati bhoocho mbookubha bho hëënë.

Abheebhuraaniya 11:3

Gho nchëra e ghokumi, ntweche kubha Eryobha ꞉ndiitëëmiri ase, gho kobhugha angʼana. ꞉Ndeebhitëëmiri ebheghiro bhino bhekorighibhu koru mo‑bhino bhetaakorighibhu.

Abheebhuraaniya 2:3

Aribha ꞉ghaaköruru hangʼu ghokoobho, kana, itu ntoghotora bhu kuhöna ghoteneru ekiina aribha totaaghotereera obhotoori obhokoro kinya bhuno? Omutëmi Yesu niwe uno asëëmiri kuraghani obhotoori bhuyo na abhaato bhano ꞉bhooghwire, ꞉mbaahëënëhiri ghokwito kubha m‑mahëënë.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

Abheebhuraaniya 4:14

Mbe, ntoonyi nawe Omuchaama Omokoro, Yesu, Omoona o Ryobha uno aghiire na ghusöha Mwishaaro. Gho ghiri iyo, ntughöötërërë ghano toghokumi.

Abheebhuraaniya 5:8

Nangabha Yesu are Omoona o Ryobha, ꞉neeghiri koresooka Eryobha, gho kohetera anyaako ino emobhwine.

Abheebhuraaniya 7:28

Kurëngʼaana ne emeghiro ghe Musa, abhaato mbaare bharatooru kubha abhachaama abhakoro, nangabha ꞉bhaare bharataasi mo‑mangʼana maaru. Amare hano eriibhagha irë rehetiri, Eryobha ꞉ndiirahiiri hano remotooriri Omoona waache kubha Omuchaama uno ahikeriine emiishe ghyose.

Abheebhuraaniya 7:3

Nekorighibhu kubha abhiibhori bha Merikiseteeki bhatamënyuru, no orwibhoro rooche rotamënyuru, kwibhoru na ghoku kooche ghotamënyuru. Iwe n‑kinya Omoona o Ryobha, gho kubha n‑omuchaama o miishe ghyose.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.

1 Bheetero 1:20

Korwera hano ase ere ekeere ghutëëmu, Eryobha ndeere rimariri komwahura gho ghiri iyo. Amare reghaghanya mbagha chaasiko chino che ntenero, niho rekamurëëta na komwërëkani haheero mo‑bhaato bhoose bha mo‑se. Ghayo ghoose ꞉ndiiköriri gho ghiri yaanyu.

2 Bheetero 3:3

Nekwëndëru singa mumënyë kubha, chaasiko che ntenero mbakorwera abhaato abhachebhori, bhano bhaghutambana amiighombo ghaabho amabhe. Mbakobhachebhora

Yuuta 1:18

꞉Mbaabhughiri kubha, “Chaasiko che ntenero, mbakorwera abhaato abhachebhori, bhano bhaghutambana amiigha ghaabho amabhe.”