Abhagharatiya 6:8 - Eriiraghano Eriihë

⁸ Mbe, omooto uno aghutambana amiigha ghaache amabhe, naghughësa ghosireekereru na amiigha ghayo. Amare uno aghutambana Akörö Ahörëëru, naghughësa koru gho Körö Ahörëëru obhuhöru bho miishe ghyose.

Abhagharatiya 6:8 ပူးပေါင်းရင်းမြစ်များ

Mataayo 19:29

Mbe, omooto wowoose uno atighiri anyumba hamu bhaömööbhö hamu abhasubhaati hamu ishe hamu nyina hamu abhaana bhaache hamu emeghondo gho ghiri yaane, naghosongʼaana bhyose kwo bhwaru chwee. Wiiki nakubhöna obhuhöru bho miishe ghyose.

Mataayo 25:46

“Niho abhaköri bha masari bhaare bhaghutanura na ghuye ghoteneru ekiina ke miishe ghyose. Amare bhaare abhahëënë, mbaghusöha mo‑bhuhöru bho miishe ghyose.”

Ruuka 18:30

hëënë nakuhaabhu bhyaru ghokera bhino atighiri hano mo‑se. Wiiki, mo‑se ino ekuucha, nakubhöna obhuhöru bho miishe ghyose.”

Yohana 4:14

Amare omooto aranyo amanche ghano nekomuha eni, taakooghu anyööta emiishe ghyose. Amanche ghano nekomuha eni ngaakubha kinya ekerika ke manche moose yaache, ghataakooma naabha, ngaakubha gharamuha obhuhöru bho miishe ghyose.”

Yohana 4:36

Omughësi nakubhöna amareho ghaache, na ghokoma omunöghö gho ghiri e bhuhöru bho miishe ghyose. Mbe, omobhusuri no omughësi bhoose mbaghuchömëru haghirohamu.

Yohana 6:27

Motakörëra emeremo ebhiinyakurë bhino bheghusarëka, amare mubhe moraköra gho ghiri e kubhöna ebhiinyakurë bhino bhetaaghusarëka, bhino bhekobhaha abhaato obhuhöru bho miishe ghyose. Eni Omoona o Mooto nekobhaha abhaato ebhiinyakurë bhiyo, gho kubha Taata Waryobha naaheere obhotoro ghuköra ghayo.”

Abharuumi 13:14

Amare ibheere, mo‑riimanya reenyu ryose, mubhe morakangatu no Omutëmi Yesu Kirisito. Motiishereri koru hasuuhu ghukangatu na simoka yaanyu e masari moratambana amiigha ghaanyu amabhe.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

Abharuumi 6:23

Omooto wowoose uno anyi omusësë o masari, amareho ghaache n‑oroko ro miishe ghyose. Amare itu, Eryobha ndeghotuha obhuhöru bho miishe ghyose. Obhuhöru bhuyo taanyi amareho, amare n‑atuho ino toghosongʼaana kohetera Kirisito Yesu, Omutëmi wiito.

Abharuumi 8:11

Akörö Ahörëëru ino eghwikara moose yaanyu, niyo Akörö e Ryobha ino emoryokiri Kirisito Yesu koru mo‑bhaku. Gho ghayo, Eryobha ndeghoghiha obhuhöru emebhere gheenyu ghino ghehaaku, gho changuru che Körö Ahörëëru ino eghwikara moose yaanyu.

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Abharuumi 8:6

Abhaato bhano amiihëëbhö ghaabho ghaghukangatu na simoka yaabho e masari, mbakubhöna oroko ro miishe ghyose. Amare abhaato bhano amiihëëbhö ghaabho ghahaakangatu na Akörö Ahörëëru, mbakubhöna obhuhöru no omurëmbë.

1 Abhakorinto 15:42

Hangʼu nibhu ekubha, eriibhagha rino abhaku bhakoryoka. Kinya bhuure ambusuro, omobhere nohaaryeku mwiröbhë onyi na atëëmö e ghusarëka, amare nohaaryokibhu onyi na atëëmö ino etaaghusarëka.

Abhagharatiya 6:7

Motingʼiina, Eryobha retaaghochebhoru. Kino omooto akwemi, nikyo aghughësa.

1 Timotewo 1:16

Koru hangʼu, Yesu Kirisito ꞉naandoochiire changori eni! ꞉Naanyëërëkiri obhoghumereri bhooche bhokoro chwee ghokoone eni uno neenyi na amasari ghokera bhoose, kubha kinya angumeriire eni ibhe ekyërëkërëri kwo bhaare bhakuucha komokumi na ghosongʼaana obhuhöru bho miishe ghyose.

Tiito 3:7

꞉Ndiiköriri hangʼu, na ghotubhara kubha m‑bha bhuhëënë gho nchëra e ghareeya yaache, kubha tubhönë ghughabha obhuhöru bho miishe ghyose, kebhuno toghwitëngʼëra.

Yakobho 3:18

Abhaato bha murëmbë, bhareemi chaatëtërë che murëmbë, mbaghughësa obhuhëënë.

2 Bheetero 2:12

Amare abhaato bhayo mbaghotoka kino bhateeche. Mbatuubhiine na chatyenyi chino chetaanyi no obhumënyi na chino cheghukangatu na amiigha gha mebhere. Nchekwibhoru, kubha chighöötu na ghosinchu! Hangʼu nibhu bhaghosireekerera, abheeghi bhayo bha bhuröngö.

2 Bheetero 2:19

Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.

Yuuta 1:21

Mwichonge mo‑bhosiighi bho Ryobha, ino mörëëndërëra ghughanya ebheghongi bhe Mutëmi wiito Yesu Kirisito uno akobhaha obhuhöru bho miishe ghyose.

Obhohunyurëru 22:11

Mbe, omooto uno aghuköra amabhe, ëndërërë ghuköra amabhe, na uno aghuköra amangʼana gha chaasoni, ëndërërë ghuköra amangʼana gha chaasoni. Omooto uno aghuköra obhuhëënë, iwe ëndërërë ghuköra obhuhëënë, no omutööbhiyu, ëndërërë kubha obhutööbhiyu.”