Abhagharatiya 6:12 - Eriiraghano Eriihë

¹² Abhaato bhano bhakobhahaamereri inyu musaaru, mbakwënda hangʼu kubha, bhasooku na Abhayahuuti. Mbakwënda bhataacha kunyaakibhu gho ghiri e kuraghani angʼana ighoro e roko ro Kirisito mo‑musarabha.

Abhagharatiya 6:12 ပူးပေါင်းရင်းမြစ်များ

Mataayo 23:27

“Horeera mokorighi inyu abheeghi bha meghiro na inyu Amabharisaayo, inyu chaghughuuti, gho kubha moonyi kinya chambeehera chino bhahakiri anyeenyi, chino chekorighibhu gho nche bhoheene, amare moose nchiichwire amaghuha gha bhaato bhano bhakuure no obhoghonchu bho manga maaru.

Mataayo 23:28

Hangʼu hangʼu, na niinyu gho nche mokorighibhu na abhaato kubha moghuköra ghano gharëngʼaaniire ambërë e Ryobha, amare obhuhëënë n‑kubha moose mo‑metema gheenyu n‑chaghughuuti moonyi, na mbaghutambana emeghiro.

Mataayo 23:5

Ibho mbahaaköra ghoose ghayo kubha bhiyëërëkani mo‑bhaato. Mbahaabha bharabheeka mo‑bhesho na mo‑mabhökö ebheteneka bhekoro bhe mashëërö bhino bhyandëkiri emeghiro na kwëngërëerëri mo‑chambasani che changibho cheebho che masabhi chibhe indë ghokera abhande.

Mataayo 5:10

Ngʼoni bhano bhakunyaakibhu gho ghiri e ghuköra ghano Eryobha rekwënda, gho kubha obhutëmi bho Mwishaaro m‑bhobhoobho.

Mataayo 6:16

“Hano mookubha mwiyiimiri ebhiinyakurë, ebhesho bheenyu bhëtëërëki amacheeche kinya chaghughuuti chehaaköra. Ibho mbahaakunya obhosho bhoobho kubha abhaato bharighi kubha mbiyiimiri ebhiinyakurë. Mahëënë eni ˆnekabhabhoorera, bhayo mbamariri kubhöna atuho yaabho.

Mataayo 6:2

Mbe, hano okobhatoori abhahabhe, otirondi kubha wiyërëkani kinya chaghughuuti chehaaköra mo‑masinaghooghi, na mo‑chanchëra kubha abhaato bhabhatöghösi. Mahëënë ˆnekabhabhoorera, bhayo mbamariri kubhöna atuho yaabho.

Mataayo 6:5

“Hano moghusabha Eryobha, motabha kinya chaghughuuti, gho kubha ibho mbasiighiri ghusabha Eryobha ino bhiimeeriire, mo‑masinaghooghi, na mo‑chanchëra chino cheheteriine kubha abhaato bhabharighi. Mahëënë ˆnekabhabhoorera, bhayo mbamariri kubhöna atuho yaabho.

Ruuka 16:15

Yesu akabhabhoorera akabhugha, “Inyu, moghwiköri moonyi no obhuhëënë ambërë e bhaato. Eryobha ndyeche amangʼana ghano ghaanyi mo‑metema gheenyu. Wiiki amangʼana ghano abhaato bhasiighiri, ngahaabha amabhe ambërë e Ryobha!

Ruuka 20:47

Mbakobhahöka abhasino chanyumba cheebho! Wiiki, mbaghwiköri n‑abhaato bhaghöröröku gho ghusabha amasabhi marë ambërë e bhaato. Abhaato bhanga bhayo, Eryobha ndekobhatenera ekiina ghokera abhande!”

Yohana 7:18

Omooto wowoose uno aghosiikëra ghaghaache omwene, naghwitabharera obhokumi bhooche obhokoro omwene. Amare uno aghutabhara obhokumi obhokoro bho wuure amotomiri, naghosiikëra gha hëënë, taanyi gha bhuröngö.”

Amaköri gha Bhatomu 15:1

Abhaato nyarebhe bhaakaru mo‑mukööwa o Yuteya, bhakahiringitera mo‑moghya o Antiyokiya. Bhaghasëëma kweghi Abhakirisito bharabhugha, “Aribha moraanga ghusaaru kurëngʼaana na chaasughara chino Musa ꞉atotighiire, motaaghotora ghotooribhu.”

Amaköri gha Bhatomu 15:5

Amare Abhakirisito abhamu bha rikinda re Mabharisaayo bhakiimeerera, bhakabhugha, “Koru abhaato bha matöngö bhoose mbakwëndëru bhabhe bharasaaru, na bhabhooreru kubha bhabhe bharasooka emeghiro ghyose ghe Musa.”

2 Abhakorinto 10:12

Itu totaaghotora kwibhara hamu kwirëngʼaani na abhaato bhano bhakwihacha abheene. Ibho bhateeche ghyokyose, gho kubha mbaghwiköri ekirëngërë ghe kwirëngi abheene kwo bheene, na mbakwirëngʼaani abheene kwo bheene.

2 Abhakorinto 11:13

Abhaato kinya bhayo n‑abhatomu bha bhuröngö. Ibho mbaghuköra emeremo ghe kobhangʼiina abhaato, mbaghwiköri kinya n‑abhatomu bha Kirisito.

Abhagharatiya 2:14

Mbe, hano nerooche kubha bhataaghuköra kinya obhuhëënë bho Angʼana Anchömu bhoonyi, nekamobhoorera Bheetero haheero kubha, “Iye n‑Omuyahuuti, amare nohaaköra kinya abhaato bha matöngö bhaghuköra. Ngwake ibheere okuhaamereri abhaato bha matöngö ghutambana chaasughara che Bhayahuuti?”

Abhagharatiya 2:3

Bhaghiishererani na neeni. Koru mughëndi waane Tiito nangabha are Omoyunaani, tahameriiru ghusaaru.

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

Abhagharatiya 6:13

Bhano bhasaaruru, koru ibho bhataaghughööta emeghiro ghyose. Egheghiro kino bhakwënda n‑kubha inyu musaaru, kubha bhiihachere oghusaaru koonyu.

Abhabhiribhi 1:15

M‑mahëënë kubha, mbaanyi‑ho abhande bhano bhakuraghani Angʼana e Kirisito kwo riihari na kwo mareghe. Koru hangʼu, mbaanyi‑ho abhande bhano bhakuraghani kwo mukörö muchömu.

Abhabhiribhi 2:4

Omooto woose atiheeebhera amangʼana ghaache omwene, amare wiiki ihëëbhërë amangʼana gha bhande.

Abhabhiribhi 3:18

Nimariri kobhabhoorera mara kaaru angʼana ino, ibheere ˆnekayigharukera wiiki koru gho changishori, kubha, mbaanyi‑ho abhaato bhaaru bhano bhamanyiri kinya abhabhisa bha bhotoori bho Kirisito, bhuno ꞉bhoorweriire mo‑musarabha.

Abhakorosaayi 2:23

M‑mahëënë, bhano bhaghutambana emeghiro ghiyo, mbakorighibhu kubha mbaanyi na amangʼiini. Mbaghutambana kuhëërana kuno ꞉bhiitooriire abheene, no obhunyööhu bho bhuröngö na kowukangata omobhere kwo bhuhaari. Amare emeghiro ghiyo ghetaaghotora kuhööchërëra amiigha amabhe gha mobhere.