Abhagharatiya 5:4 - Eriiraghano Eriihë

⁴ Aribha moghwitëngʼëra mokubharu kubha abhahëënë ambërë e Ryobha gho ghughööta emeghiro, mumënyë kubha mwiyahwire gho Kirisito, na moonyi kurë na aghareeya e Ryobha.

Abhagharatiya 5:4 ပူးပေါင်းရင်းမြစ်များ

Abharuumi 11:6

Mbaahwiru gho ghareeya e Ryobha, gho ghayo bhataaghotooribhu gho ghiri e maköri ghaabho. Aribha bhangatooriibhu gho ghiri e maköri ghaabho, mbe, tengabheere aghareeya wiiki.

Abharuumi 3:20

Amangʼana hangʼu ghaanyi, gho kubha omooto woose taaghotora kubharu kubha omuhëënë ambërë e Ryobha gho ghughööta emeghiro ghe Musa. Emeremo ghe meghiro ghiyo, n‑kobhamënyi abhaato bhoose ighoro e masari ghaabho.

Abhagharatiya 2:21

Eni ntyangiri aghareeya e Ryobha. Aribha omooto aghotora kubharu kubha omuhëënë ambërë e Ryobha gho ghughööta emeghiro ghe Musa, mbe, Kirisito ꞉naakuure bhoowa!

Abhagharatiya 5:2

Mutëghëërërë kino eni Bhawuro nekobhabhoorera! Aribha moriishereri ghusaaru gho ghiri e ghughööta emeghiro, hayo Kirisito taakubha ne ekebhune ghyokyose ghokoonyu.

Abheebhuraaniya 12:15

Mubhe amiisho kubha ataacha kubha‑ho omooto wowoose uno aghokindu kubhöna aghareeya e Ryobha. Wiiki eriitina re bhosongo retasebhoka rebhanyaaki, reghonchi chaakörö che bhaato bhaaru.

Abheebhuraaniya 4:1

Mbe, eriiraghano re Ryobha re bhaato ghusöha ahaghiro ha koweera rekeere reenyi‑ho. Gho ghayo twichonge, kubha umu ghate yaanyu ataacha ghokindu ghusöha ahaghiro hayo.

Obhohunyurëru 2:5

Mohiite ghano ꞉muuköriri eriibhagha moore mokeere ghotigha obhosiighi bhoonyu. Moramara motuukuune, mukörë ghaare ꞉muuköriri eriibhagha riire. Moraanga ghotuukuuna, nekuucha na koruusi egheghiro keenyu ghe ghotoorera‑mu oromore.