Abhagharatiya 5:2 - Eriiraghano Eriihë

² Mutëghëërërë kino eni Bhawuro nekobhabhoorera! Aribha moriishereri ghusaaru gho ghiri e ghughööta emeghiro, hayo Kirisito taakubha ne ekebhune ghyokyose ghokoonyu.

Abhagharatiya 5:2 ပူးပေါင်းရင်းမြစ်များ

Amaköri gha Bhatomu 15:1

Abhaato nyarebhe bhaakaru mo‑mukööwa o Yuteya, bhakahiringitera mo‑moghya o Antiyokiya. Bhaghasëëma kweghi Abhakirisito bharabhugha, “Aribha moraanga ghusaaru kurëngʼaana na chaasughara chino Musa ꞉atotighiire, motaaghotora ghotooribhu.”

Amaköri gha Bhatomu 15:24

Ntooghwire kubha abhaato abhamu koru bhowiito mbabhabhooriire amangʼana gha kobhanyaaki, mbagha bhaghaghëri emetema gheenyu gheekabha na ahaho. Amare bhayo bhaköriri ghayo, taanyi itu ꞉toobhatomiri.

Amaköri gha Bhatomu 15:5

Amare Abhakirisito abhamu bha rikinda re Mabharisaayo bhakiimeerera, bhakabhugha, “Koru abhaato bha matöngö bhoose mbakwëndëru bhabhe bharasaaru, na bhabhooreru kubha bhabhe bharasooka emeghiro ghyose ghe Musa.”

1 Abhakorinto 16:21

Eni Bhawuro nebhaandëkiire amakëërani ghano gho kubhökö koone eni mwene.

2 Abhakorinto 10:1

Mbe, abhande mbakobhugha kubha, eni Bhawuro m‑muhörëëru neenyi hano neekubha haghirohamu na niinyu, na kubha muhaari neenyi hano neekubha kurë na niinyu. Amare eni ˆnekabhasasaama kwo bhunyööhu na kwo bhuhörëëru bho Kirisito.

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

Abhagharatiya 5:6

Mbe, aribha tughöötiine na Kirisito Yesu, ghusaaru hamu kwanga ghusaaru ghotaanyi ne ekebhune ghyokyose. Egheghiro ke bhwëra n‑obhokumi bhwito bhuno bhohaaköra emeremo kwo bhosiighi.

1 Abhatesaronike 2:18

Gho ghayo, ꞉ntwëëndiri kobhataarera wiiki. Eni Bhawuro ꞉niisakiri kuucha bhowaanyu teenyi mara rimu, amare Erishambu reghaturëki.

Bhiremooni 1:19

Eni Bhawuro, nyandëkiri gho kubhökö koone eni mwene, neghokoreha. Haghirohamu na ghayo nteekwënda ghokohiiti kubha, noonyi na asiire yaane, gho kubha eni nekuraghaniiri Angʼana Anchömu, iye oghatooribhu.

Bhiremooni 1:9

Amare, gho ghiri e bhosiighi nerooche m‑bhoheene konga neghusabhe, eni Bhawuro uno neenyi omugharuka, no omubhöhu gho ghiri e Kirisito Yesu.

Abheebhuraaniya 4:2

Na niitu nturaghaniiru Angʼana Anchömu kinya bhuno bhasookoro bhiito bhoose ꞉bhooghwire. Amare ibho eriibhagha ꞉bhooghwire amangʼana ghayo, ghatabhatooriri ghyokyose gho kubha bhataaghakumiri.