Abhagharatiya 5:19 - Eriiraghano Eriihë

¹⁹ Mbe, amangʼana ghano ghaghuköru na amiigha amabhe ghano ghaanyi haheero, nigho ghano, obhutaari, no obhoghonchu, na ghuköra amangʼana gha chaasoni,

Abhagharatiya 5:19 ပူးပေါင်းရင်းမြစ်များ

Yohana 3:6

Omooto nahiibhoru na abhiibhori bhaache kwo mobhere, amare Akörö e Ryobha nehiibhora omooto mo‑körö.

Abharuumi 7:18

Nyeeche kubha, moose yaane, niko kobhugha, mo‑simoka yaane e masari, ghetaanyi‑mu egheghiro ghichömu ghyokyose. Nekwënda ghuköra amachömu, amare ntighöötë obhotoro bho ghoghaköra.

Abharuumi 7:25

Nekoriitabheri Eryobha, gho kubha iryo niryo rentooriri, kohetera Yesu Kirisito, Omutëmi wiito. Gho ghayo, eni omwene, nekuhökëri emeghiro ghe Ryobha kwo miihëëbhö ghaane, amare gho simoka yaane e masari, nekuhökëri emeghiro ghe masari.

Abharuumi 7:5

Eriibhagha rino simoka yiito e masari ere eratukangata, emeghiro ꞉ngiiköriri amiigha ghiito amabhe ghabhe na changuru chwee ghokwito, toghiighomba ghuköra amasari eriibhagha ryose. Kurëngʼaana na riyo, oroko rokabha‑ho.

Abharuumi 8:13

Aribha moramanya gho ghukangatu na simoka e masari, mooghoku. Amare, moraanga kimu gho changuru che Körö Ahörëëru ghuköra amangʼana ghano simoka yaanyu e masari ekwënda mukörë, mokumanya emiishe ghyose.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abharuumi 8:5

Abhaato bhano bhaghukangatu na simoka yaabho e masari, obhongo bhoobho mbosiighiri ghuköra amasari. Amare bhano bhaghukangatu na Akörö Ahörëëru, obhongo bhoobho mbosiighiri ghuköra amaköri ghano ghakoyetegheri Akörö Ahörëëru.

Abharuumi 8:9

Amare ibheere, inyu motaaghukangatu na simoka yaanyu e masari, amare moghukangatu na Akörö e Ryobha, gho kubha neghwikara moose yaanyu. Omooto wowoose uno ataanyi na Akörö e Kirisito, uyo taanyi omooto o Kirisito.

1 Abhakorinto 3:3

gho kubha mokeere morakangatu na simoka yaanyu e masari. Kana, aribha ghate yaanyu ndeenyi‑ho eriihari ne eriihë, ghayo ghataakwërëki kubha mokeere morakangatu na amangʼana gha se na kumanya kinya abhaato bha mo‑se?

1 Abhakorinto 6:18

Gho ghayo, mwisache obhutaari. Amasari aghande ghoose ghano omooto aghuköra ngaanyi anche e mobhere waache, amare omooto uno aghuköra obhutaari, uyo naghuköra amasari ighoro e mobhere waache omwene.

Abhagharatiya 5:13

Abhahiiri bhaane, Eryobha ndebhabherekiire kubha mubhe no obhohuuru. Amare motahökëri obhohuuru bhoonyu kinya omweya o ghutambana amiigha ghaanyu amabhe, amare musakerani kwo bhosiighi.

Abhagharatiya 5:17

Nekobhabhoorera hangʼu, gho kubha bhyose bhino amiigha ghaanyu amabhe ghaghwighomba, bhetaanyi kinya bhuno Akörö Ahörëëru ekwënda, na bhuno ekwënda, taanyi kinya bhuno amiigha ghaanyu ghaghwighomba. Akörö Ahörëëru na amiigha amabhe bhetaaghukangatani haghirohamu, gho ghiri iyo motaaghotora ghuköra ghyokyose kino mokwënda.

Abhagharatiya 6:8

Mbe, omooto uno aghutambana amiigha ghaache amabhe, naghughësa ghosireekereru na amiigha ghayo. Amare uno aghutambana Akörö Ahörëëru, naghughësa koru gho Körö Ahörëëru obhuhöru bho miishe ghyose.

Tiito 3:3

Koru itu bheene eriibhagha riire toore tokeere komokumi Yesu, ntoore bharaghaanu, na abhiigharori, wiiki ntongʼiinuru chwee. Ntoore abhasësë bha miigha amabhe gha manga maaru gha se ino. Eriimanya riito ndeere re bhobhe ne eriihari. Abhaato mbaare bhaturëghiri, na niitu ntoore tobharëghiri.

Abheebhuraaniya 13:4

Obhokwiri mbokwëndëru ghosooku na abhaato bhoose, wiiki omosubhe no omukari bhiikabhaahane no obhutaari gho kubha Eryobha ndekobhatenera ekiina abhaato bhoose bhano bhaghuköra obhutaari.

Obhohunyurëru 21:8

Amare abhatiini, na bhano bhataakorekumi Eryobha, na bhano bhakorikarari Eryobha, na abhiiti, na abhataari, na abhaturutumbi, na abhasëngëri bha misambu, na abharöngö, bhayo bhoose ahaghiro haabho n‑anyancha e mororo muhaari chwee. Na ruyo niro oroko ro kabhere.”

Obhohunyurëru 22:15

Amare abhaturutumbi bhoose, na abhataari, na abhiiti, na bhano bhaghusëngëra emisambu na abhande bhoose bhano bhasiighiri ghosiikëra obhuröngö, mbaakubha anche e moghya uyo kinya chaseese.