Abhagharatiya 4:8 - Eriiraghano Eriihë

⁸ Inyu hayo ekeenyuma motarimënyiri Eryobha. Eriibhagha riyo, moore abhasësë bha misambu ghino ghetaanyi Eryobha.

Abhagharatiya 4:8 ပူးပေါင်းရင်းမြစ်များ

Yohana 1:10

Mbe, Angʼana neere‑ho mo‑se muno. Amare abhaato bha mo‑se bhatayimënyiri, koru nangabha Eryobha ꞉riitëëmiri ase gho kohetera ghokooche.

Amaköri gha Bhatomu 14:12

Bhakamuha Bharinaabha eriina re musambu waabho omokoro Sewu. Bhawuro, bhakamuha eriina re musambu waabho owonde Heerime, gho kubha Bhawuro niwe are omosiikëri.

Amaköri gha Bhatomu 17:23

Hano neere neraheta mo‑moghya uno, ꞉neerooche ebheghiro bhino moore morasëngëra. Nekarighi koru ahaghiro ha koruuseri amaruusi hano haandëkiri amangʼana ghano, ‘kwo ryobha rino retamënyëkiine.’ Eryobha rino moore morasëngëra ino motaryeche, niryo riyo eni nekobhamënyi inyu.

Abharuumi 1:23

Mbatighiri korisëngëra Eryobha Eritööbhiyu rino reenyi‑ho emiishe ghyose, bhaghikareerera ghusëngëra chasanaamu che misambu chino chetuubhiine na abhaato bhano bhaaghoku, hamu chatyenyi, hamu ebhinyönyi hamu ebhetyenyi bhino bhekwingʼuurera chanda.

Abharuumi 1:28

Mbe, gho kubha abhaato mbaangiri korimënya Eryobha, ryose ndebhatighiri bhabhe bharatambana amiihëëbhö ghaabho ghano ghakobharumeeri. Ibheere mbaghuköra amangʼana ghano ghataakurëngʼaanera ghuköru.

1 Abhakorinto 1:21

Neghosiikëra hangʼu, gho kubha, Eryobha kwo mangʼiini ghaache, ꞉ndiihatëkiri kubha abhaato bhataaghotora korimënya gho nchëra e mangʼiini ghaabho abheene. Amare Eryobha ndesiighiri kobhatoori bhano bhakorekumi gho nchëra e ngʼana ino tokuraghani. Angʼana iyo, abhaato bhano bhataryeche Eryobha, mbakoyerighi kubha n‑e ghighëëghë.

1 Abhakorinto 12:2

Mweche kubha eriibhagha moore mokeere korimënya Eryobha, mongʼiinuru na moghakangatu ghusëngëra chasanaamu chino chetaare cheratora ghosiikëra!

1 Abhakorinto 8:4

Ibheere ighoro e kurë ebhiinyakurë bhino bheruusiibhu amaruusi mo‑chasanaamu, ntweche kubha chasanaamu chino cheghusëngëru, taanyi egheghiro mo‑se muno. Wiiki ntweche kubha ndeenyi‑ho Eryobha rimu hangʼu.

Abhagharatiya 4:3

Hangʼu hangʼu na niitu eriibhagha rino Kirisito are akeere kuucha, ntoore kinya abhaana, ntoore abhasësë bha chaakörö chino cheghukangata ase ino.

Abhaebheeso 4:18

ngakundekiiru ne ekengʼuuri. Abhaato bhayo mbatooruru kurë no obhuhöru bho Ryobha gho ghiri e bhuraghaanu bhoobho no obhuköngʼu bho metema gheebho.

1 Abhatesaronike 1:9

Hohoose hano tooghuye, abhaato mbaghosiikëra kebhuno ꞉mootughënëhiri eriibhagha ꞉twiichiri bhowaanyu. Mbaghosiikëra kebhuno ꞉mootighiri chasanaamu cheenyu na ghwigharurera Eryobha gho korihökëri rino reenyi ihöru na re mahëënë,

1 Abhatesaronike 4:5

Motabha na ghwighomba kobhe kinya abhaato bhano bhataryeche Eryobha.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Bheetero 4:3

Kare, moore moraköra amangʼana gha bhaato bhano bhataryeche Eryobha. ꞉Muutambiine amiigha ghaanyu amabhe gha bhutaari. ꞉Muumanyiri kinya abharëëbhi na ghosiigha chanyangi che mo‑se. ꞉Muusëngiire chasanaamu, chino Eryobha ryangiri. ꞉Muuköriri amangʼana ghayo kwo riibhagha irë chwee.

1 Yohana 3:1

Mbe, morighi kebhuno Taata Waryobha atosiighiri chwee, kubha itu tobherekeru abhaana bhaache! Mahëënë hangʼu toonyi. Abhaato bhano bhataakoresooka Eryobha bhateeche kubha itu n‑abhaana bha Ryobha toonyi, gho kubha bhataryeche iryo.