Abhagharatiya 4:25 - Eriiraghano Eriihë

²⁵ Haaghiri nakurëngʼaanibhu ne eriiraghano rino Eryobha ꞉riiköriri mo‑gheghoro ghe Sinaayi mo‑se e Araabhiya. Abhaato bha Yerusareemu yi ibheere n‑kinya abhaana bha Haaghiri, n‑abhasësë haase e meghiro ghe Musa, kinya Haaghiri omwene na abhaana bhaache.

Abhagharatiya 4:25 ပူးပေါင်းရင်းမြစ်များ

Mataayo 23:37

Niho Yesu akabhugha, “Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri!

Ruuka 13:34

“Inyu abhaato bha Yerusareemu! Inyu abhaato bha Yerusareemu! Mokobhiita abharööti na kobharasa amabhohe abhaato bhano Eryobha ꞉reetomiri. Kwo riibhagha ryaru nyëndiri kobhakoma inyu, kinya angökö ehaakoma ebhechuri bheeche mo‑mabhabha ghaache, amare mötëëndiri.

Ruuka 19:44

Abhabhisa bhayo, mbakobhaghwishi haase iye na abhaato bhaacho bhoose. Retaanyi‑ho eriibhohe rino reghusaagha ighoro e riibhohe erende! Bhano bhamanyiri moose mbaghosireekerera, gho kubha eriibhagha Eryobha ꞉reekurëëtiire obhotoori, tobhumënyiri.”

Amaköri gha Bhatomu 1:11

Bhakabhabhoorera bhakabhugha, “Inyu abhaato bha Ghariraaya, ngwake mwimeeriire hano ino mugharameriiri Mwishaaro? Yesu uno aghëghuru koru ghokoonyu ghuye Mwishaaro, nakuucha wiiki, kinya bhuno momorooche araghe.”

Abhagharatiya 1:17

Ntebhughiri kubha, “Tigha neghi Yerusareemu nerighani na bhaare ꞉bhaankangatiri kubha abhatomu.” Amare kino ꞉niiköriri neeghaye kimu kimu mo‑se e Araabhiya. Niiche koru hayo, neghagharuka wiiki mo‑moghya o Tamaasiko.

Abhagharatiya 4:24

Abhakari bhayo bhabhere mbaghotora kwimokibhu kinya eghetuubhaani ke maraghano abhere. Haaghiri n‑eghetuubhaani ke riiraghano e rimbërë rino riköruru mo‑gheghoro ghe Sinaayi. Abhaana bhaache ꞉mbiibhwiru kinya abhasësë haase e meghiro ghe Musa.

Abhagharatiya 4:26

Amare Saara nakwimeerera Yerusareemu e Mwishaaro, uno onyi omoghya huuru, nawe niwe yiima wiito.

Abheebhuraaniya 12:18

Inyu motahikiri mo‑gheghoro kino abhaato bhaghotora ghogheturi, kinya ghe Sinaayi, kino keere keraaka omororo, uno ore ne ekengʼuuri eghekoro, no obhukama bhuhaari chwee.