Abhagharatiya 3:9 - Eriiraghano Eriihë

⁹ Mbe, abhaato bhano bhaghokumi Eryobha, mbahiitabheru, kinya bhuno Abhurahamu ꞉itabhiiru gho kubha ꞉naakumiri.

Abhagharatiya 3:9 ပူးပေါင်းရင်းမြစ်များ

Abharuumi 4:11

Ghusaaru kooche, n‑ekingʼöchö ke Ryobha ghokooche kubha, ꞉ndeemubhariire obhuhëënë kurëngʼaana no obhokumi bhuno are nabho akeere ghusaaru. Gho nchëra iyo, Abhurahamu aghaköru kubha ishe o bhakumi bhoose bhano bhataamara ghusaaru, kubha bhoose bhabhareru kubha mbaanyi no obhuhëënë ambërë e Ryobha.

Abharuumi 4:16

Kiyo nikyo gheghughëri eriiraghano re Ryobha riitëngʼërë obhokumi obhwene, gho kubha ndeghwitëngʼëra aghareeya yaache. Gho nchëra iyo, ghoose ghano bharaghiiru abhaato bhoose bha rwibhoro ro Abhurahamu, ghabhe gha hëënë, taanyi kwo Bhayahuuti abheene bhano bhakohikeerani emeghiro, amare koru kwo bhano bhakorekumi Eryobha kinya bhuno Abhurahamu aköriri. Abhurahamu n‑taata wiito itu bhoose bhano tokorekumi Eryobha.

Abharuumi 4:24

amare ngaandëkuru koru gho ghiri yiito bhoose. Amangʼana ghayo ngaghotobhoorera kubha torarekumi Eryobha rino remoryokiri Yesu Omutëmi wiito koru mo‑bhaku, niho koru itu tokubhareru kubha bhano toonyi no obhuhëënë ambërë e Ryobha.

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

Abhagharatiya 4:28

Mbe, ibheere abhahiiri bhaane, inyu n‑abhaana bha Ryobha moonyi kurëngʼaana ne eriiraghano reeche, kinya Isaka are.