Abhagharatiya 3:29 - Eriiraghano Eriihë

²⁹ Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

Abhagharatiya 3:29 ပူးပေါင်းရင်းမြစ်များ

Mataayo 3:9

Motabha moriihacha kubha mokwabhëru, gho kubha inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana koru mo‑mabhohe ghano!

Abharuumi 8:17

Mbe, aribha itu n‑abhaana bha Ryobha toonyi, ntubheere abhaghabhi bhaache. Ntoghosongʼaana aghabho yiito haghirohamu na Kirisito. Amare kino ghekwëndëru ghokwito ibheere n‑kubha, tusange anyaako haghirohamu na Kirisito, kubha na niitu tusange haghirohamu nawe mo‑bhokumi bhooche obhokoro.

1 Abhakorinto 15:23

Amare omooto woose nakoryokibhu kwo riibhagha reeche, Kirisito niwe o mumbërë koryoka, na bharamara mbakoryokibhu abhaato bhaache, eriibhagha rino akuucha.

2 Abhakorinto 10:7

Mumööhërëri amangʼana ghano ghaanyi ambërë e miisho ghaanyu. Omooto wowoose uno akwirighi kubha iwe n‑o Kirisito, amënyë kubha itu bhoose n‑abhaato bha Kirisito toonyi, kinya iwe.

Abhagharatiya 3:16

Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abhagharatiya 3:18

Aribha abhaato bhangasongʼaaniri aghabho yaabho koru kwo Waryobha gho ghughööta emeghiro, mbe, aghabho iyo tengatoriri wiiki ghwitëngʼëra eriiraghano re Ryobha. Amare Eryobha, gho ghareeya yaache, ꞉ndeemoheere Abhurahamu aghabho e riiraghano gho kubha ꞉ndeemuraghiire.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhagharatiya 3:7

Ibheere mbe, mumënyë kubha abhaato bhano bhakorekumi Eryobha, nibho abhaana bha Abhurahamu bha hëënë!

Abhagharatiya 4:1

Mbe, angʼana ino nekwënda kobhabhoorera n‑kubha, wowoose uno aghughabha obhwame bhwi ishe akeere omoona, naakubha kinya omusësë, nangabha obhwame bhoose m‑bhobhooche.

Abhagharatiya 4:7

Mbe, ibheere inyu motaanyi abhasësë wiiki, amare n‑abhaana bha Ryobha moonyi. Gho ghayo, moghosongʼaana aghabho ino Eryobha rebhatooriire abhaana bhaache.

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhagharatiya 6:16

Omurëmbë ne ebheghongi bhino bheekoru kwo Waryobha bhibhe na abhaato bhoose bhano bhakwënda obhuhëënë bhuyo, bhayo nibho abhaato bha Ryobha.

Abhaebheeso 3:6

Ekebhisere ekyene nikyo kino, gho nchëra e ghokumi Angʼana Anchömu abhaato bha matöngö mbakubhöna aghabho haghirohamu na Abhayahuuti. Wiiki abhaato bhayo n‑kinya omobhere umu na Abhayahuuti, na mbaghusanga haghirohamu eriiraghano riire riire rino Eryobha ꞉riiköriri gho nchëra e Kirisito Yesu.

Tiito 3:7

꞉Ndiiköriri hangʼu, na ghotubhara kubha m‑bha bhuhëënë gho nchëra e ghareeya yaache, kubha tubhönë ghughabha obhuhöru bho miishe ghyose, kebhuno toghwitëngʼëra.

Abheebhuraaniya 1:14

Gho ghayo marayika n‑gheghiro ke? Ibho n‑abhatamishi bha Ryobha, wiiki n‑chaakörö chino Eryobha rehaachetoma kobhahökëri bhaare bhaghotooribhu.

Abheebhuraaniya 11:18

nangabha Eryobha reere remobhooriire Abhurahamu kubha, “Kohetera kwo Isaka nokubhöna orwibhoro runo rokobherekeru ro roocho.”

Abheebhuraaniya 11:7

Obhokumi ꞉mbuuköriri Nuhu akaresooka Eryobha, hano remoshaangʼiri ighoro e mangʼana ghano ꞉ghaare ghakeere korwera. Gho ghayo aghaköra asafina kubha etoori abhaato bhaache. Gho kohetera obhokumi bhuyo, niyahwire na abhaato bha mo‑se bhano bhataarekumiri Eryobha, kubha bhateneru ekiina. Wiiki kwo bhokumi bhuyo, Eryobha rekamubhara kubha omuhëënë ambërë yaache.

Abheebhuraaniya 6:17

Hangʼu hangʼu, Eryobha ryose ꞉ndiihëënëhiri eriiraghano reeche gho nchëra e kuraheri, gho kubha ndeere rërëënda kwërëki haheero kwo bhaato bhano bhaghosongʼaana ghaare ꞉riiraghiri kubha, retaaghoghagharura.

Yakobho 2:5

Abhahiiri bhaane abhasiighani, muntëghëërërë bhoheene! Eryobha ndebhahwire abhaato abhahabhe mo‑se ino kubha bhatore kubha abhaame mo‑bhokumi na ghosongʼaana obhutëmi bhuno rebharaghiire bhaare bharesiighiri.

Obhohunyurëru 21:7

Wowoose uno aghokinda amasaki, nekomuha ghayo ghoose. Eni neekubha Eryobha reeche, iwe niwe akubha omoona waane.