Abhagharatiya 3:23 - Eriiraghano Eriihë

²³ Eriibhagha rino abhaato ꞉bhaare bhakeere komokumi Yesu Kirisito, emeghiro ꞉ngeetuköriri kubha abhasësë bhaache. Ntoore toraghanya eriibhagha rino obhokumi ighoro e Yesu Kirisito bhongahunywiru.

Abhagharatiya 3:23 ပူးပေါင်းရင်းမြစ်များ

Yohana 3:34

Eryobha ꞉ndeemotomiri kubha asiikërë amangʼana ghaache, nikyo remoheere Akörö Ahörëëru etaanyi ne ekirëngërë.

Abharuumi 11:32

Eryobha ꞉ndeebhaköriri abhaato bhoose kinya abhabhöhu bha masari, kubha rebharigheri changori bhoose.

Abharuumi 3:19

Mbe, itu ntweche kubha, hano Amandëkö Amatööbhiyu ghakwërëkërëri egheghiro ghyokyose, ngakwërëkërëri abhaato bhano ꞉bhaahaabhuru Amandëkö ghayo. Hano Amandëkö ghakobhugha hangʼu, n‑kubha abhaato bhoose, Abhayahuuti na abhaato bha matöngö bhatabha na angʼana e ghwitachura hano Eryobha reghotenera ekiina ase, wiiki erighibhu haheero kubha, mbarëngʼaaniire ghoteneru ekiina.

Abhagharatiya 3:19

Ibheere, emeghiro ngeenyi ne emeremo ke? Emeghiro ngyengiiru gho ghiri e kwërëki amasari gha bhaato, mbagha eriibhagha rino akuucha omwibhoru o Abhurahamu, uno Eryobha ꞉reemuraghiire kubha nakuucha. Emeghiro ghiyo, Eryobha ꞉ndeemoheere Musa kohetera kwo bhamarayika, na Musa akabha omorwachi ghate e Ryobha na abhaato bhaache.

Abhagharatiya 4:21

Ibheere momboorere inyu bhano mokwënda ghukangatu ne emeghiro, mweche kinya bhuno emeghiro ghekobhugha?

Abhagharatiya 5:18

Amare morakangatu na Akörö Ahörëëru, motaanyi haase e meghiro kinya abhasësë.

Abheebhuraaniya 11:13

Abhaato bhayo bhoose ꞉mbaakuure bhaanyi no obhokumi. ꞉Mbaakuure bhakeere ghoghasongʼaana ghano Eryobha reere rebharaghiire, amare mbaare bhagharooche gho kurë na ghosiighasiigha. Wiiki ꞉mbiisheriiri kubha mbaare abhaghëni na abhaheti mo‑se ino.

Abheebhuraaniya 12:2

Tubhe toramumööhërëri Yesu, gho kubha niwe asëëmiri obhokumi bhwito, wiiki nakobhohikeerani. Iwe ꞉naaghumeriiri oroko ro musarabha, tarooche chaasoni gho ghiri e ghuchömëru kuno koore ambërë yaache. Ibheere niikeere eribhaara re kubhökö gho kwiro re ghetumbe ghe ghitëmi ke Ryobha.