Abhagharatiya 3:22 - Eriiraghano Eriihë

²² Amare taanyi hangʼu keenyi. Amandëkö Amatööbhiyu ngakobhugha, abhaato bhoose mbaanyi haase e bhukangati bho masari. Gho ghayo, Eryobha ꞉ndiiraghiri kobhaha kino reere riraghiire bhoose bhano bhakomokumi Yesu Kirisito.

Abhagharatiya 3:22 ပူးပေါင်းရင်းမြစ်များ

Maariko 16:16

Omooto wowoose uno aghokumi na kubhatiisu, naghotooribhu. Amare, omooto wowoose uno akwanga ghokumi, naghoteneru ekiina.

Yohana 12:46

Eni niichiri mo‑se ino kinya obhwero, kubha omooto woose uno aghonkumi atighe kubha mo‑kengʼuuri.

Yohana 20:31

Amare ebhyërëkërëri bhino bheenyi mo‑ghitabhu kino bhyandëkuru motore ghokumi kubha Yesu niwe Kirisito, Omoona o Ryobha, na gho komokumi mubhönë obhuhöru bho miishe ghyose kwo riina reeche.

Yohana 3:36

Omooto wowoose uno akomokumi Omoona o Ryobha naanyi no obhuhöru bho miishe ghyose. Amare omooto wowoose uno akomwanga taanyi no obhuhöru, gho kubha ghukarara kwo Waryobha ngokwëndërëra kubha ighoro yaache.

Yohana 5:24

“Mahëënë ˆnekabhabhoorera, abhaato bhoose bhano bhaghoghooghu amangʼana ghaane na korekumi Eryobha rino rentomiri mbaanyi no obhuhöru bho miishe ghyose. Bhataaghoteneru ekiina kwo masari ghaabho, amare mbatëënyiri koru mo‑roko na ghusöha mo‑bhuhöru bho miishe ghyose.

Yohana 6:40

Amiigha gha Taata n‑ghano, omooto woose uno akumënya kubha eni n‑Omoona waache na ghonkumi, abhe no obhuhöru bho miishe ghyose. Eni nekuucha komoryoki mo‑rosiko ro ntenero.”

Amaköri gha Bhatomu 16:31

Bhakamugharokeri bhakabhugha, “Omokumi Omutëmi Yesu, niho oghotooribhu haghirohamu na abhaato bha mo‑ka yaacho.”

Abharuumi 10:9

Angʼana iyo n‑kubha, orasiikëra koru mo‑monu waacho iye omwene kubha, “Yesu n‑Omutëmi,” na ghokumi mo‑motema waacho kubha Eryobha ꞉ndeemoryokiri koru mo‑bhaku, noghotooribhu ne Eryobha.

Abharuumi 11:32

Eryobha ꞉ndeebhaköriri abhaato bhoose kinya abhabhöhu bha masari, kubha rebharigheri changori bhoose.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Abharuumi 3:23

gho kubha abhaato bhoose mbaköriri amasari ne eriimanya reebho retaakwërëki obhokumi obhokoro bho Ryobha.

Abharuumi 5:12

Mbe, amasari ꞉ngaasöhiri mo‑se kwo mooto umu, na kwo masari ghayo oroko rokabhönëka. Kurëngʼaana na ghayo, abhaato bhoose mbaghoku, gho kubha bhoose n‑abhaköri bha masari toonyi.

Abhagharatiya 3:14

Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Abhagharatiya 3:17

Kino nekwënda kobhugha n‑kubha, Eryobha ꞉ndiiköriri eriiraghano reeche emeeka amaghana ane na miröngö etato, emeghiro ghe Musa ngeere ghekeere kubha‑ho. Gho ghayo, emeghiro ghiyo ghetaaghotora ghusari eriiraghano riyo koru ghugharura eriiraghano reeche.

Abhagharatiya 3:23

Eriibhagha rino abhaato ꞉bhaare bhakeere komokumi Yesu Kirisito, emeghiro ꞉ngeetuköriri kubha abhasësë bhaache. Ntoore toraghanya eriibhagha rino obhokumi ighoro e Yesu Kirisito bhongahunywiru.

Abhagharatiya 3:29

Erabha inyu na abhaato bha Kirisito moonyi, mbe, m‑bha rwibhoro ro Abhurahamu moonyi, na mokubhöna aghabho ino Eryobha ꞉riiraghiri.

2 Timotewo 1:1

Anyaarubha ino neyandëkiri eni Bhawuro. Eni netomuru kwo mënda gha Ryobha kubha omotomu o Kirisito Yesu, kubha niraghani angʼana e bhuhöru. Eryobha ꞉ndiiraghiri kubha, obhuhöru bhuyo mbokubhönëka gho komokumi Kirisito Yesu.

Abheebhuraaniya 9:15

Gho ghayo, Yesu niwe akobhaghöötani abhaato ne Eryobha mo‑Riiraghano Eriihë kubha abhaato bhano Eryobha rebhahwire bhabhönë obhuhöru bho miishe ghyose bhuno ꞉riiraghiri kobhaha. Ghano ngaghotora ghuköru hangʼu gho kubha Yesu ꞉naakuure kubha abhatingori abhaato koru mo‑masari ghano ꞉bhaare bharaköra mo‑Riiraghano re Kare.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 3:13

Amare itu ntoghughanya erishaaro eriihë na ase ahë kinya bhuno ꞉reeturaghiri, ahaghiro hano hiichwire obhuhëënë.

1 Yohana 2:25

Rino aturaghiri Omoona o Ryobha niryo rino, kubha no obhuhöru bho miishe ghyose.