Abhagharatiya 3:16 - Eriiraghano Eriihë

¹⁶ Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abhagharatiya 3:16 ပူးပေါင်းရင်းမြစ်များ

Mataayo 1:1

Ghano nigho amariina gha rwibhoro ro Yesu Kirisito uno arweriire mo‑rwibhoro ro mutëmi Tawuti o mo‑rwibhoro ro Abhurahamu.

Ruuka 1:55

kinya bhuure are abhabhooriire bhasookoro bhiito, Abhurahamu na abhaato bhoose bha rwibhoro rooche, emiishe ghyose.”

Amaköri gha Bhatomu 3:25

Inyu n‑abhaana bha bharööti moonyi, wiiki moghusanga eriiraghano rino Eryobha ꞉riiköriri na bhasookoro bhaanyu. Eryobha ꞉ndeemuraghiri Abhurahamu, ‘Gho kohetera orwibhoro roocho, abhaato bha chaase choose mbaghwitabheru.’

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abharuumi 4:13

Eryobha ꞉ndiiraghiri Abhurahamu na abhaato bha rwibhoro rooche kubha, ndengabhaheere ase yoose ibhe aghabho yaabho. Eryobha retaaraghiri hangʼu gho kubha Abhurahamu naare ahikeriini ghano emeghiro ghekwënda, amare n‑gho kubha naare ararekumi Eryobha. Niho Eryobha rekamubharera Abhurahamu kubha naanyi no obhuhëënë ambërë yaache.

Abharuumi 4:16

Kiyo nikyo gheghughëri eriiraghano re Ryobha riitëngʼërë obhokumi obhwene, gho kubha ndeghwitëngʼëra aghareeya yaache. Gho nchëra iyo, ghoose ghano bharaghiiru abhaato bhoose bha rwibhoro ro Abhurahamu, ghabhe gha hëënë, taanyi kwo Bhayahuuti abheene bhano bhakohikeerani emeghiro, amare koru kwo bhano bhakorekumi Eryobha kinya bhuno Abhurahamu aköriri. Abhurahamu n‑taata wiito itu bhoose bhano tokorekumi Eryobha.

Abharuumi 9:4

Bhayo nibho Abhiisiraeri, abhaato bhano Eryobha ryahwire bhabhe abhaana bhaache, ꞉ndëëbhëërëkiri obhokumi bhooche obhokoro na ꞉ndiiköriri amaraghano nabho. Wiiki ꞉ndeebhaheere emeghiro gheeche, haghirohamu na ghano ꞉reebharaghiri, na ꞉ndëëbhëërëkëriiri kebhuno ekwëndëru korisëngëra.

1 Abhakorinto 12:12

Mbe, omobhere o mooto noonyi ne ebhyemo bhyaru, amare ebhyemo bhyose bhiyo, n‑omobhere umu. Hangʼu keenyi kwo mobhere o Kirisito, niryo eriikanisa.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

2 Abhakorinto 11:22

Aribha ibho n‑Abheebhuraaniya, na neeni n‑Omwibhuraaniya neenyi. Aribha ibho n‑Abhiisiraeri, na neeni n‑Omwisiraeri neenyi. Aribha ibho m‑bha mo‑rwibhoro ro Abhurahamu, na neeni n‑o mo‑rwibhoro ro Abhurahamu neenyi.

Abhagharatiya 3:19

Ibheere, emeghiro ngeenyi ne emeremo ke? Emeghiro ngyengiiru gho ghiri e kwërëki amasari gha bhaato, mbagha eriibhagha rino akuucha omwibhoru o Abhurahamu, uno Eryobha ꞉reemuraghiire kubha nakuucha. Emeghiro ghiyo, Eryobha ꞉ndeemoheere Musa kohetera kwo bhamarayika, na Musa akabha omorwachi ghate e Ryobha na abhaato bhaache.

Abhagharatiya 3:8

Amandëkö Amatööbhiyu ꞉ngëërëkiri korwera kare kubha, Eryobha ndekobhabhara abhaato bha matöngö kubha abhahëënë ambërë yaache gho ghokumi koobho. Eryobha ꞉ndiikangatiri komuraghaneri Abhurahamu Angʼana Anchömu kubha, “Kohetera ghokoocho, abhaato bha matöngö ghoose mbaghwitabheru.”

Abhaebheeso 5:32

N‑ghuköngʼu chwee kumënya ekebhisere kino. Amare eni neghosiikërëra ighoro e Kirisito ne eriikanisa reeche.

Abhakorosaayi 2:19

Uyo niyahwire na Kirisito uno aghukangata eriikanisa, niryo omobhere waache. Koru ghokooche omobhere woose noghuchaama na ghughöötanibhu haghirohamu kwo ebhyemo ne emeghiha. Omobhere woose noghokora bhoheene kinya Eryobha rekwënda.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.