Abhagharatiya 3:14 - Eriiraghano Eriihë

¹⁴ Natotooriri, kubha orubhango runo ahaabhuru Abhurahamu, robhahikere abhaato bha matöngö kohetera Yesu Kirisito. Mbe, ibheere itu bhoose ntoghotora ghosongʼaana Akörö Ahörëëru ino Eryobha ꞉riiraghiri ghotuha gho nchëra e komokumi Yesu Kirisito.

Abhagharatiya 3:14 ပူးပေါင်းရင်းမြစ်များ

Ruuka 11:13

Nangabha moonyi bha masari, mweche kobhaha abhaana bhaanyu ebheghiro ebhichömu. Mbe! Taanyi hëënë kubha, Taata waanyu uno anyi Mwishaaro naghuköra ghokera ghayo? Mahëënë nakobhaha Akörö Ahörëëru bhano bhakomusabha!”

Ruuka 24:49

“Mutëghëërërë! Nekobharëëtëra ighoro yaanyu eriiraghano re Taata waane, eriiraghano riyo n‑Akörö Ahörëëru. Amare, mughanye mo‑moghya uno o Yerusareemu, mbagha muhaabhu obhotoro koru Mwishaaro.”

Yohana 7:39

Yesu naare arasiikërëra ighoro e Körö Ahörëëru, ino abhaato bhoose bhano bhakomokumi Yesu, mbakoyesongʼaana. Eriibhagha riyo, Eryobha ndeere rekeere ghotoma Akörö yaache ghokoobho, gho kubha Eryobha ndeere rekeere kwërëki haheero obhokumi obhokoro bho Yesu.

Amaköri gha Bhatomu 2:33

Eryobha riyo rekamoghongi na komuha omweya, niikeere eribhaara reeche re kwiro. Akamara Taata Waryobha akamuha Yesu Akörö Ahörëëru kinya bhuure are amuraghiri, Yesu woose aghatwikeri Akörö iyo. Ibheere ghano gharweriire, nigho ghano moghogharighi na ghoghooghu.

Amaköri gha Bhatomu 4:12

“Obhotoori mbokubhönëka kwo riina re Yesu Kirisito omwene chiri! Retaanyi‑ho eriina erende mo‑se ino rino rekwëndëru ghototoori itu, ne eriina re Yesu eryene chiri!”

Amaköri gha Bhatomu 5:32

Itu n‑abhiibhatereri bha mangʼana ghayo ghoose, na Akörö Ahörëëru ino Eryobha rebhaheere bhano bhakoresooka, neghoghaghambera haghirohamu na niitu.”

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

2 Abhakorinto 1:22

na ghototoorera ekingʼöchö ghe kwërëki kubha itu n‑abhaato bhaache toonyi, gho ghotuha Akörö Ahörëëru mo‑metema ghiito, kubha ibhe ekimanyenkereri ghe kwërëki kubha, ghoose ghano returaghiire ndeghotuha.

Abhagharatiya 3:16

Mbe, Eryobha ꞉ndiiraghiri kwo Abhurahamu sookoro wiito, haghirohamu no orwibhoro rooche. Amandëkö Amatööbhiyu ghataakobhugha kubha, “Na gho chanyiibhoro cheeche,” egheteemoro keeche n‑kubha, taanyi bhaaru, amare ngakobhugha, “No orwibhoro rooche,” egheteemoro keeche n‑kubha, n‑umu, niwe Kirisito.

Abhagharatiya 3:2

Nekwënda kwegha angʼana imu koru ghokoonyu. Kana, mosongʼaaniri Akörö Ahörëëru gho ghughööta emeghiro, ghasi gho ghokumi ghaare mooghwire ighoro e Yesu?

Abhagharatiya 4:6

Eryobha ꞉ndeetomiri Akörö e Moona waache mo‑metema ghiito, gho kubha itu ntoonyi abhaana bha Ryobha. Akörö iyo niyo eghotuköra torebherekere Eryobha “Abha,” egheteemoro keeche “Taata.”

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abhaebheeso 2:22

Gho ghughöötana nawe, inyu bhoose mokwabhëku mubhe obhwikari bho Ryobha, gho nchëra e Körö yaache.

Abhaebheeso 3:16

Nekorisabha, kurëngʼaana no obhwaru bho bhokumi bhooche obhokoro, gho nchëra e Körö yaache, rebhahë changuru motore ghuköngʼëri mo‑metema gheenyu,

Abhaebheeso 4:30

Motiitumati Akörö Ahörëëru e Ryobha, gho kubha Akörö iyo n‑ekingʼöchö ke Ryobha ghokoonyu kubha inyu n‑abhaato bhaache moonyi, mbagha orosiko runo Eryobha rekuucha kobhatingori.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 3:9

Motareha amabhe kwo mabhe, hamu amatoki kwo matoki, amare mobhiitabheri abhande. Mobherekiiru ghuköra hangʼu, kubha inyu bhoose mubhönë orubhango.