Abhagharatiya 3:1 - Eriiraghano Eriihë

¹ Inyu Abhagharatiya abharaghaanu! N‑niwe abharoghiri? Yesu Kirisito ꞉naaghamburu haheero ambërë yaanyu kubha namamburu.

Abhagharatiya 3:1 ပူးပေါင်းရင်းမြစ်များ

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 7:26

Amare omooto wowoose uno akooghu amangʼana ghaane, ange ghoghatereera, uyo, natubhiine kinya omooto omuraghaanu uno abhëkiri anyumba yaache mo‑mwishekeenya.

Ruuka 24:25

Yesu akabhabhoorera akabhugha, “Aa! Inyu m‑bhaghëëghë moonyi! Neke moonyi bhaköngʼu mo‑chaakörö cheenyu ghokumi koru ghano ꞉ghaasiikiiru na abharööti?

Amaköri gha Bhatomu 16:6

Bhawuro na abhaghëndi bhaache bhayo, Akörö Ahörëëru neere ebharëkiri kubha bhataacha kuraghani angʼana e Ryobha mo‑mukööwa o Asiya. Gho ghayo, bhakaheta mo‑mikööwa ghe Bhirighiya na Gharatiya.

Amaköri gha Bhatomu 6:7

Angʼana e Ryobha ëkëëndërëra ghusancha mo‑bhaato. Wiiki ekirëngërë ke bhaghëndi bha Yesu ghëkëëngëra chwee iyo Yerusareemu, na koru erikinda ikoro re bhachaama bhakamokumi Yesu.

Abharuumi 10:16

Koru hangʼu, taanyi Abhiisiraeri bhoose bhayiisheriiri na koyesooka Angʼana Anchömu iyo, abhaaru ꞉mbaayaangiri. Omurööti Isaaya ꞉naabhughiri kubha, “Omutëmi, n‑niwe uno ꞉akumiri amangʼana ghiito?”

Abharuumi 2:8

Amare ndekobhakararera na kobharööna abhaato bhano bhakwanga obhuhëënë na ghuköra amabhe, gho kurëngʼaana no obhusööhu bhoobho.

Abharuumi 6:17

Kare, inyu moore abhasësë bha masari. Amare nekoriitabheri Eryobha, gho kubha ibheere mwisheriiri kwo metema gheenyu ghyose ghosooka ameeghi gha bhuhëënë ghano ꞉moosongʼaaniri.

1 Abhakorinto 11:26

Gho ghayo, hano mookurë omughaate uyo na ghokenywera eghisënchö kiyo, mookubha moraraghani ghoku kwo Mutëmi mbagha hano akuucha.

1 Abhakorinto 2:2

Eriibhagha neere bhowaanyu, ꞉neesiikiire amangʼana ighoro e Yesu Kirisito omwene chiri, ahanene oroko rooche runo amamburu mo‑musarabha, ntyëndiri ghosiikërëra egheghiro ekende.

2 Abhakorinto 10:5

Ntoghusari amangʼana ghoose gha bhuröngö, na gha kwihacha ghano ghakuhööchërëra abhaato bhatarimënya Eryobha. Wiiki ntoghugharura amiihëëbhö ghoose amabhe, kubha ghamosooke Kirisito.

2 Abhakorinto 11:3

Amare ibheere neghotiina kubha, kinya bhuure Haawa angʼiinuru na anchöka yiire angʼiini, na niinyu motaacha kongʼiinu, motighe komosiigha Kirisito kwo bhughöröröku no obhwero.

Abhagharatiya 1:2

Eni na abhakumi bhaghëndi bhiito bhoose bhano bhaanyi haghirohamu na neeni hano, ntokobhakëëri inyu bhano moonyi mo‑makanisa gha Ryobha mo‑mukööwa o Gharatiya.

Abhagharatiya 1:6

Eni nekoroghoora chwee ighoro yaanyu! N‑eriibhagha ighuhe hangʼu rino rehetiri korwera hano Eryobha rebhabherekiire gho ghareeya e Kirisito, na ˆmokamara ˆmoghiishoorori na koretigha. Wiiki ˆmoghiishoororeri ameeghi aghande ghano abhamu bhaghoghabherekera kubha, n‑Angʼana Anchömu.

Abhagharatiya 2:14

Mbe, hano nerooche kubha bhataaghuköra kinya obhuhëënë bho Angʼana Anchömu bhoonyi, nekamobhoorera Bheetero haheero kubha, “Iye n‑Omuyahuuti, amare nohaaköra kinya abhaato bha matöngö bhaghuköra. Ngwake ibheere okuhaamereri abhaato bha matöngö ghutambana chaasughara che Bhayahuuti?”

Abhagharatiya 3:3

Kana, ngwake ˆmookabha abharaghaanu hangʼu? ꞉Muusëëmiri ghoose gho changuru che Körö Ahörëëru, kana, ibheere mokwënda kumareereri gho changuru cheenyu inyu bheene?

Abhagharatiya 4:9

Amare ibheere, moryeche Eryobha, na ryose ndebheeche chwee. Ibheere ngwake mokwënda ghugharuka ghusëngëra chaakörö chino cheghukangata ase ino? Chaakörö chiyo chetaanyi no obhotoro hamu ekebhune ghyokyose. Ghasi mokwënda kubha abhasësë bha chaakörö chiyo wiiki?

Abhagharatiya 5:11

Abhahiiri bhaane, abhaato abhande mbakobhugha kubha, eni nekuraghani kubha, abhasubhe bhoose mbakwëndëru bhasaaru. Aribha mahëënë kubha nekuraghani hangʼu, ngwake ibheere Abhayahuuti bhakunyaaki? Aribha nengabheere neraraghani hangʼu, kuraghani koone ighoro e roko ro Yesu Kirisito mo‑musarabha, ghotangaghëriri Abhayahuuti bhandeghe.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhaebheeso 4:14

Mbe, totaakubha wiiki ke bhaana, torarëkëru na kohiru ino na ino no obhukama bho meeghi ghano ghakurëëtu na abhaato abhabhiihi, kubha bhatongʼiine tutambane chanchëra cheebho.

Abhaebheeso 5:15

Gho ghayo, mubhe bhangʼiini mo‑riimanya reenyu. Motamanya kinya abhaghëëghë, amare mumanye kinya abhaato abhangʼiini.

2 Abhatesaronike 1:8

Yesu niwe akobharööna bhoose bhano bhakoryanga Eryobha na bhano bhataaghosooka Angʼana yaache Anchömu.

1 Timotewo 6:4

Bhayo mbiichwire obhwihachi, wiiki bhateeche ghyokyose. Abhaato bhayo mbahoomera erihakaana rino retaanyi no obhwëra ighoro e mangʼana amasuuhusuuhu. Amangʼana ghayo nigho ghakurëëta eriihari, no obhurööni, na amatoki, na amiihëëbhö amabhe,

Abheebhuraaniya 11:8

Obhokumi ꞉mbuuköriri Abhurahamu akaresooka Eryobha, hano remobhooriire kubha aru mo‑se yaache, aghi mo‑se ino Eryobha ꞉reemuraghiri komuha. Abhurahamu akaru mo‑se yaache, nangabha taamënyiri hano aghuye.

Abheebhuraaniya 5:9

Kurëngʼaana na ghayo, Eryobha rekamohikeerani na kurëngʼaanera kubha simoka e bhotoori bho miishe ghyose gho ghiri e bhaato bhoose bhano bhakomosooka.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 4:17

Mumënyë kubha, eriibhagha re ghoteneru ekiina ˆrekahika, ne Eryobha ndeghusëëma ghotenera ekiina abhaato bhaache. Ibheere, aribha ghoteneru ekiina ngoghusëëmëra ghokwito itu bhano toonyi abhaato bhaache, kana nibhu ekubha kwo bhano bhakwanga Angʼana Anchömu e Ryobha?

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.

Obhohunyurëru 18:3

Nooghwire gho kubha abhaato bha matöngö ghoose mbanywire adivaayi yaache, mbarëëwuru na amiigha gha bhutaari bhooche, na abhatëmi bha se mbaare bhataariri nawe. Abhasorocha bha mo‑se ꞉mbaamihiri gho ghiri e bhwaru bho bhwame bhooche bhuno bhotaanyi ne ekirëngërë.”

Obhohunyurëru 2:20

Amare neenyi na angʼana imu ino ekunyaaki ighoro yaanyu. Inyu motaaghoghanga amangʼana gha mukari wuure Yesebheeri. Iwe nakwibherekera kubha m‑murööti, amare tiyaanyi. Mokomwisherereri angʼiine abhatamishi bhaane gho kobheeghi bhakörë obhutaari, na kurë ebhiinyakurë bhino ꞉bhiihëriinu amaruusi gho sanaamu.