Abhagharatiya 2:9 - Eriiraghano Eriihë

⁹ Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

Abhagharatiya 2:9 ပူးပေါင်းရင်းမြစ်များ

Mataayo 16:18

Eni ˆneghakobhoorera kubha iye Bheetero n‑eriitare, ni ighoro e riitare rino, niho nekwabhëka eriikanisa reene, na changuru che nyaari chetaakorekinda.

Ruuka 22:8

Ibheere, Yesu akabhatoma Bheetero na Yohana, akabhabhoorera, “Mughëndë, motusëëmërë ebhiinyakurë bhe Bhaasaka, gho ghiri turaaghërë haghirohamu.”

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Amaköri gha Bhatomu 12:17

Bheetero akabhahongera okubhökö bhakire, akabhabhoorera kebhuno Omutëmi amoruusiri mwighërëcha. Wiiki akabhugha, “Amangʼana ghano, momobhoorere Yakobho na abhahiiri bhiito abhande.” Akamara Bheetero akaru hayo, aghaye ahaghiro ahande.

Amaköri gha Bhatomu 15:13

Hano bhamariri ghosiikëra, Yakobho woose akabhabhoorera akabhugha, “Inyu bhahiiri bhaane, muntëghëërërë!

Amaköri gha Bhatomu 15:7

Hano bhamariri eriibhagha irë bharahakaana, Bheetero akiimeerera, akabhabhoorera akabhugha, “Bhahiiri bhaane, mweche kubha hayo ekimbërë Eryobha ꞉ndeenyahwire ghate yaanyu, kobharaghaneri bhaato bha matöngö, kubha bhayooghu Angʼana Anchömu na koyekumi.

Amaköri gha Bhatomu 4:36

Gho ghetuubhaani naare‑ho Omuraawi umu eriina reeche Yusubhu, omwibhoru o se e Kiibhuro, uno abhatomu bha Yesu bhamoheere eriina re Bharinaabha, egheteemoro keeche Uno Aghotoora Omukörö.

Abharuumi 1:5

Gho kohetera ghokooche Eryobha ndeheere aghareeya e kubha omotomu o Mutëmi Yesu, kubha nebharaghaneri Angʼana Anchömu abhaato bhoose bha matöngö, bhabhönë komokumi na komosooka.

Abharuumi 12:3

Ibheere, Kirisito naaheere aghareeya nibhe omotomu waache. Gho ghayo, ˆnekabhoorera omooto woose kubha, atiirighi kubha nakurëngʼaanera ghokera kebhuno anyi, amare abhe na amangʼiini. Amare mubhe moriirighi kubha, omooto woose nahaabhuru obhokumi bhuure bhuure ne Eryobha.

Abharuumi 15:15

Koru hangʼu, nabhaandëkiire amangʼana aghande mo‑nyaarubha ino kwo bhosubhesubhe, kubha nebhahiiti amangʼana ghayo. Niköriri hangʼu, kurëngʼaana na aghareeya ino Eryobha reheere,

1 Abhakorinto 15:10

Amare aghareeya e Ryobha niyo inköriri eni kubha omotomu. Na aghareeya yaache ghokoone teere bhoowa, gho kubha kohetera aghareeya iyo niköriri emeremo ghokera abhatomu bhoose. Ntiköriri ghayo gho changuru cheene omwene, amare na aghareeya e Ryobha niyo iköriri emeremo haghirohamu na neeni.

2 Abhakorinto 11:5

Eni nteekwirighi kubha m‑mosuuhu neenyi kwo bhayo bhakwirighi kubha, n‑abhatomu abhakoro.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 8:4

na ꞉mbaatusasaamiri chwee kubha, tobhahë omweya o ghusanga kobhatoori abhakumi bha Yerusareemu.

Abhagharatiya 1:16

kohunyurera kinya Omoona waache anyi. ꞉Ndiiköriri hangʼu kubha niraghani Angʼana Anchömu ighoro e Moona waache mo‑bhaato bha matöngö. Eni ntitabhiire omooto wowoose o kundaghereri kino neghuköra.

Abhagharatiya 1:18

Hano emeeka etato ghehetiri, neeghaye iyo Yerusareemu, kubha nitëmëërane na Bheetero. Neghiikara awaache chaasiko ikomi ni ishaano.

Abhagharatiya 2:1

Hano emeeka ikomi ne ene ghehetiri, neghatiira wiiki ghuye Yerusareemu. Neeghaye haghirohamu na Bharinaabha, nekamwimoki na Tiito tokahinana nawe.

Abhagharatiya 2:2

꞉Neetiiriri ghuye Yerusareemu kwo riibhagha riyo, gho kubha Eryobha ndeere rehunyuriire kubha, neghi nitëmëërane kibhacho na abhakangati bha riikanisa, nebhabhoorere abhakangati bhayo ighoro e Ngʼana Anchömu ino neere neraraghaneri abhaato bha matöngö. ꞉Nyëëndiri kobhabhoorera ghayo, kubha emeremo ghino neere neraköra na ghino nguköra ghetaacha kubha ghe bhoowa.

Abhagharatiya 6:3

Mbe, omooto wowoose uno akwirighi kubha no obhwëra ghokera bhaghëndi bhaache, uyo taanyi no obhwëra bhobhoose, nakwingʼiina.

Abhaebheeso 2:20

Inyu mubheere kinya anyumba ino yabhëkuru ighoro e bhoroso. Abhatomu na abharööti ibho n‑kinya obhoroso bho nyumba iyo. Kirisito Yesu niwe eriibhohe ikoro re bhoroso.

Abhaebheeso 3:8

Eni m‑mosuuhu neenyi ghokera abhatööbhiyu bhoose bha Ryobha, amare Eryobha ndinsakiiri aghareeya kubha nebharaghaneri abhaato bha matöngö obhwame bho rubhango ro Kirisito runo rotaanyi ne ekirëngërë.

Abhakorosaayi 1:29

Kwo riyo neghwiköngʼi na ghuköra emeremo gho kuhökëri changuru inkoro chino Kirisito aheere.

1 Timotewo 3:15

Amare ndakëëchëra, ubhönë kumënya kino ghekwëndëru ghuköru mo‑riikanisa re Ryobha, naryo niryo erikinda re bhakumi bha Ryobha rino reenyi ihöru, ne eriikanisa niryo ambiro no obhoroso bho bhuhëënë.

1 Yohana 1:3

Ntokobharaghaneri angʼana ighoro e Yesu, uno ꞉toomorooche na komooghu, kubha mubhe no bhumu na niitu mo‑bhokumi. Obhumu bhuno tughöötë n‑haghirohamu na Taata Waryobha, no Omoona waache Yesu Kirisito.

Obhohunyurëru 3:12

Omooto wowoose uno aghokinda amasaki, nekomuköra abhe ambiro Mwisëngërö re Ryobha reene, nawe taakoru‑mu naabha. Neramara nekomwandëka eriina re Ryobha reene ne eriina re moghya o Ryobha reene. Omoghya uyo n‑Yerusareemu ahë, uno oghwika koru Mwishaaro kwo Waryobha. Wiiki nekomwandëka eriina reene eriihë.