Abhagharatiya 2:4 - Eriiraghano Eriihë

⁴ Angʼana iyo e ghusaaru ꞉neebhooruru na abhaato bhano ꞉bhiiköri kubha m‑bhaghëndi bhiito, amare ꞉mbiisöhiri kwo bhongʼiiningʼiini ghwisuncha obhohuuru bhwito bhuno toonyi nabho gho ghughöötana na Kirisito Yesu. Ekebhune keebho nkeere ghotuköra tubhe abhasësë bha meghiro ghe Musa.

Abhagharatiya 2:4 ပူးပေါင်းရင်းမြစ်များ

Ruuka 5:38

Adivaayi ahë nekwëndëru ghotooru mo‑maghöchi amahë.

Amaköri gha Bhatomu 15:1

Abhaato nyarebhe bhaakaru mo‑mukööwa o Yuteya, bhakahiringitera mo‑moghya o Antiyokiya. Bhaghasëëma kweghi Abhakirisito bharabhugha, “Aribha moraanga ghusaaru kurëngʼaana na chaasughara chino Musa ꞉atotighiire, motaaghotora ghotooribhu.”

Amaköri gha Bhatomu 15:24

Ntooghwire kubha abhaato abhamu koru bhowiito mbabhabhooriire amangʼana gha kobhanyaaki, mbagha bhaghaghëri emetema gheenyu gheekabha na ahaho. Amare bhayo bhaköriri ghayo, taanyi itu ꞉toobhatomiri.

Amaköri gha Bhatomu 20:30

Wiiki koru ghate yaanyu inyu bheene, mbakorwera‑mu abhaato bhano bhakobhugha amangʼana ghano ghataanyi gha bhuhëënë gho kobhangʼiina abhaanabheegha, kubha bhabhatambane ibho.

Abharuumi 8:15

Eryobha retabhaheere Akörö Ahörëëru kubha mubhe abhasësë na kobhaköra moretiine wiiki, amare ndebhaheere Akörö Ahörëëru kubha mubhe abhaana bhaache. Gho Körö ntokorebherekera Eryobha “Abha,” egheteemoro keeche “Taata.”

2 Abhakorinto 11:13

Abhaato kinya bhayo n‑abhatomu bha bhuröngö. Ibho mbaghuköra emeremo ghe kobhangʼiina abhaato, mbaghwiköri kinya n‑abhatomu bha Kirisito.

2 Abhakorinto 11:17

Amangʼana ghano neghosiikëra ibheere gha kwihacha, ntiragheriiru no Omutëmi Yesu, amare neghosiikëra kinya omooto omuraghaanu.

2 Abhakorinto 11:20

Moghoghumereri koru omooto uno akobhatoora mo‑bhusësë, na kobhiibhera na kobhahöka ebheghiro bheenyu, wiiki uno akobhataraaha na kobhatëma mo‑bhosho.

2 Abhakorinto 11:26

Mara kaaru mo‑rughëndö roone, neere mo‑bhobhe bho kohiru ne ebhitaaro, na ghughöötu na amanyangara, no obhobhe koru mo‑Bhayahuuti bhaghëndi bhaane na mo‑bhaato bha matöngö. Neere mo‑bhobhe mo‑meghya, na mo‑materegho, na mo‑nyancha. Neere mo‑bhobhe koru mo‑bhano bhaghwiköri kubha abhakumi bhaghëndi bhiito.

2 Abhakorinto 3:17

Mbe, Omutëmi niwe Akörö, hano enyi Akörö e Mutëmi haanyi no obhohuuru.

Abhagharatiya 1:7

Obhuhëënë n‑kubha teenyi‑ho Angʼana Anchömu ayende. Amare mbaanyi‑ho abhaato bhano bhakobhabhurugha na mbakwënda ghugharura Angʼana Anchömu ighoro e Kirisito.

Abhagharatiya 4:25

Haaghiri nakurëngʼaanibhu ne eriiraghano rino Eryobha ꞉riiköriri mo‑gheghoro ghe Sinaayi mo‑se e Araabhiya. Abhaato bha Yerusareemu yi ibheere n‑kinya abhaana bha Haaghiri, n‑abhasësë haase e meghiro ghe Musa, kinya Haaghiri omwene na abhaana bhaache.

Abhagharatiya 4:3

Hangʼu hangʼu na niitu eriibhagha rino Kirisito are akeere kuucha, ntoore kinya abhaana, ntoore abhasësë bha chaakörö chino cheghukangata ase ino.

Abhagharatiya 5:1

Kirisito natotooriri koru mo‑bhusësë kubha tubhe huuru inkongʼorimu. Gho ghayo, mwimeerere muköngʼiiri, motiishereri ghugharuka wiiki mo‑bhusësë bho meghiro.

Abhagharatiya 5:10

Nyeeche kubha inyu mughöötiine no Omutëmi Yesu, gho ghayo, neghwitëngʼëra kubha, motaaghwishereri kongʼiinu. Amare omooto wowoose uno akobhangʼiina, koru nangabha we, nakuröönu.

2 Timotewo 3:6

Ghate yaabho mbaanyi‑mu bhano bhaghusöha kwo mukörö mobhe mo‑chaaka che bhaato, na kobhangʼiina abhakari abharaghaanu. Abhakari bhayo mbakeyuru na amasari, mbaghukangatu na amiigha gha manga maaru.

Yakobho 1:25

Amare omooto uno akumööhi bhoheene emeghiro ghino ghehikeriine na ghino ghekurëëtëra abhaato ghotighooroku koru mo‑mabhe, ino arahiita ghano oghwire na ghoghatereera, uyo niwe aghwitabheru gho ghuköra ghayo.

1 Bheetero 2:16

Mumanye kwo bhohuuru, amare motahökëri obhohuuru bhuyo ghuköra amabhe. Mumanye kinya abhatamishi bha Ryobha bhakwëndëru kumanya.

2 Bheetero 2:19

Ibho mbakuragha abhaato kubha mbakubhöna obhohuuru, amare abheene nibho abhasësë bha bhobhe bhuno bhokobhasari. Nehaabha hangʼu gho kubha omooto woose nahaabha omusësë o ghyokyose kino kemokindiri.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.

Yuuta 1:4

ˆNekabhaandëkëra anyaarubha ino, gho kubha mbaanyi‑ho abhaato nyarebhe bhano bhataakoresooka Eryobha, mbiisöhiri gho kebhisere ghate yaanyu na ghwisangerani na niinyu. Abhaato bhano mbakorumeeri angʼana e ghareeya e Ryobha riito, kubha abhaato bhakörë amangʼana gha chaasoni na komwanga Omutëmi wiito Yesu Kirisito, Omukangati wiito omwene chiri. Amare korwera kare ꞉yaandëkuru mo‑Mandëkö Amatööbhiyu kubha abhaato bhano mbaghoteneru ekiina.