Abhagharatiya 2:21 - Eriiraghano Eriihë

²¹ Eni ntyangiri aghareeya e Ryobha. Aribha omooto aghotora kubharu kubha omuhëënë ambërë e Ryobha gho ghughööta emeghiro ghe Musa, mbe, Kirisito ꞉naakuure bhoowa!

Abhagharatiya 2:21 ပူးပေါင်းရင်းမြစ်များ

Maariko 7:9

“Inyu mweche kwibhareka kwo bhongʼiini emeghiro ghe Ryobha, kubha mubhönë ghutambana chaasughara cheenyu!

Abharuumi 10:3

Ibho bhatayitambiine anchëra ino Eryobha rekubharera abhaato obhuhëënë, gho kubha bhatayeeche, bhaghatabhara anchëra yaabho abheene e kwibhönëra obhuhëënë.

Abharuumi 11:6

Mbaahwiru gho ghareeya e Ryobha, gho ghayo bhataaghotooribhu gho ghiri e maköri ghaabho. Aribha bhangatooriibhu gho ghiri e maköri ghaabho, mbe, tengabheere aghareeya wiiki.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 8:31

Mbe, tobhughe ke ibheere ighoro e mangʼana ghayo? Aribha Eryobha reenyi eribhaara riito, n‑niwe uno aghotora ghotokinda?

1 Abhakorinto 15:14

Wiiki aribha Kirisito taryokiri, kuraghani kwito ngookubha kwo bhoowa, koru obhokumi bhoonyu mbookubha bho bhoowa.

1 Abhakorinto 15:17

Na aribha Kirisito taryokiri, obhokumi bhoonyu mbookubha bhotaanyi no obhwëra, wiiki mookubha mokeere ghotooribhu koru mo‑masari ghaanyu.

1 Abhakorinto 15:2

Aribha moraghööta amangʼana ghano ꞉niiraghiini ghokoonyu, hayo mokubhöna obhotoori. Amare aribha motaaghoghaghööta, obhokumi bhoonyu mbookubha bhotaanyi no obhwëra.

Abhagharatiya 2:16

Amare itu ntweche kubha, omooto taaghotora kubharu kubha omuhëënë ambërë e Ryobha gho ghughööta emeghiro ghe Musa. Amare n‑gho komokumi Kirisito Yesu omwene chiri, niko ghoghughëri omooto abhe omuhëënë ambërë e Ryobha. Koru itu bhoose, ntomokumiri Kirisito Yesu kubha tubharu abhaato bha hëënë ambërë e Ryobha gho komokumi Kirisito, taanyi gho ghughööta emeghiro ghe Musa. M‑mahëënë kubha taanyi‑ho omooto uno aghotora kubharu kubha muhëënë ambërë e Ryobha gho ghughööta emeghiro ghe Musa.

Abhagharatiya 2:18

Amare aribha neragharukera ghokumi amangʼana gha kare gho ghughööta emeghiro, amangʼana ghano neere nyangiri, hayo ibheere neekubha nitaasiri.

Abhagharatiya 3:21

Kana, emeghiro ghetaakoghwana na ghano Eryobha ꞉riiraghiri? Tiyaanyi! Aribha bhongabheere‑ho obhotoro bho meghiro kobhaha abhaato obhuhöru, mbe, ntongatoriri kubharu kubha abhaato abhahëënë ambërë e Ryobha gho ghughööta emeghiro.

Abheebhuraaniya 7:11

Abhiisiraeri ꞉mbaahaabhuru emeghiro ghe Musa gho kohetera mo‑bhuchaama bho Bharaawi. Amare koru hangʼu obhuchaama bhuyo bhotahikeriine. Gho ghiri iyo, mboore bhörëëndëru obhuchaama obhonde kinya bho Merikiseteeki bhuno bhotaanyi kinya bho Haruuni.