Abhagharatiya 2:20 - Eriiraghano Eriihë

²⁰ Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhagharatiya 2:20 ပူးပေါင်းရင်းမြစ်များ

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Mataayo 4:3

Niho Erishambu rekaacha komusaki, rerabhugha, “Aribha iye n‑Omoona o Ryobha onyi, ghabhoorere amabhohe ghano ghiigharure ghabhe emighaate.”

Yohana 1:49

Niho Natanaheri akamugharokeri akabhugha, “Oo Omweghi, iye n‑Omoona o Ryobha! Iye n‑Omutëmi o Isiraeri!”

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 15:13

Taanyi‑ho omooto uno anyi no obhosiighi bhokoro ghokera bhuno, bho mooto koruusi obhuhöru bhooche gho ghiri e bhasaani bhaache.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 3:16

Mbe, gho kubha Eryobha ꞉ndeebhasiighiri abhaato bhoose bha mo‑se ino, koru rekamoruusi Omoona waache omwene chiri, kubha omooto wowoose uno akomokumi atarumëëra, amare abhe no obhuhöru bho miishe ghyose.

Yohana 3:35

Taata Waryobha namosiighiri Omoona waache, wiiki namoheere obhotoro ighoro e bheghiro bhyose.

Yohana 6:57

Taata uno antomiri m‑muhöru anyi, na neeni nekubhöna obhuhöru gho kohetera gho Taata. Hangʼu hangʼu, omooto wowoose uno akowure omobhere waane, nakubhöna obhuhöru gho kohetera ghokoone.

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Amaköri gha Bhatomu 8:36

Hano bhaare mo‑rughëndö, bhakahika ahaghiro hano ꞉haare na amanche. Omokoro uyo akamobhoorera Bhiiribho akabhugha, “Mööhi! Hano, ngaanyi‑ho amanche. N‑ghento ke ghekundeki netabhatiisu?” [

Amaköri gha Bhatomu 9:20

Mo‑chaasiko chiyo chiyo, aghasëëma ghuye mo‑masinaghooghi na kuraghani kubha Yesu niwe Omoona o Ryobha.

Abharuumi 1:17

Angʼana Anchömu iyo nekwërëki haheero kinya bhuno Eryobha rekubharera abhaato kubha abhahëënë ambërë yaache. Abhaato mbakubhareru kubha abhahëënë ambërë e Ryobha gho nchëra e ghokumi okwene. N‑kinya bhuno Amandëkö Amatööbhiyu ghakobhugha kubha, “Uno anyi omuhëënë, nakumanya kwo bhokumi.”

Abharuumi 14:7

Neghosiikëra hangʼu, gho kubha taanyi‑ho omooto ghate yiito uno amanyiri gho ghiri yaache omwene, koru uno aghoku gho ghiri yaache omwene.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

Abharuumi 5:6

Mbe, hano itu toore tokeere totaanyi ni inguru, Kirisito ꞉niichiri. Hano eriibhagha rehikiri, aghaku gho ghiri yiito abhabhe.

Abharuumi 5:8

Amare Eryobha ndetwërëkiri kubha ndetosiighiri chwee, gho komoruusi Kirisito aku gho ghiri yiito, hano itu toore tokeere abhaköri bha masari.

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

Abharuumi 6:8

Ibheere gho kubha ꞉ntookuure haghirohamu na Kirisito, ntoghokumi kubha ntoghwikara haghirohamu nawe.

Abharuumi 8:10

Ibheere, Kirisito naghwikara moose yaanyu. Gho ghayo, koru aribha emebhere gheenyu gheeghoku kurëngʼaana na amasari, Akörö Ahörëëru nekobhaha obhuhöru, gho kubha Eryobha ndebhabhariire kubha abhaato bhano bhaanyi no obhuhëënë ambërë yaache.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Abhakorinto 6:17

Amare omooto wowoose uno aghughöötana no Omutëmi, naakubha n‑akörö imu nawe.

2 Abhakorinto 1:24

Kino nekwënda kobhugha n‑kubha, totaakwënda ghukangata obhokumi bhoonyu, gho kubha mumariri ghuköngʼëri mo‑bhokumi. Amare, itu n‑abhatamishi haghirohamu na niinyu, gho ghiri e ghuchömëru koonyu.

2 Abhakorinto 10:3

Nangabha itu tumanyiri mo‑se, totaakurööna eriihë kinya abhaato bha mo‑se.

2 Abhakorinto 11:10

Kinya bhuno obhuhëënë bho Kirisito bhoonyi moose yaane, taanyi‑ho omooto koru umu hayo mo‑mukööwa woose o Akaaya, uno akuuhööchërëra kwihacha ighoro e ngʼana ino.

2 Abhakorinto 13:3

Neghuköra hangʼu, gho kubha mokwënda ekyërëkërëri ghe kumënya kubha Kirisito naghosiikëra kohetera ghokoone. Kirisito uyo taanyi mutöbhu, amare naghuköra emeremo ghateghate yaanyu gho changuru.

2 Abhakorinto 13:5

Ibheere mwirëngi inyu bheene, kubha mumënyë aribha moonyi no obhokumi. Mwimööhërëri inyu bheene. Moteeche kubha Yesu Kirisito naanyi moose yaanyu? Aribha moteeche, hayo mokinduru kohikera ekirëngërë ke bhokumi.

2 Abhakorinto 5:14

Obhosiighi bho Kirisito mboghotukangata itu, gho kubha ntweche kubha omooto umu ꞉naakuure gho ghiri e bhaato bhoose, ne ekebhune keeche n‑kubha, abhaato bhoose mbaghusanga oroko rooche.

2 Abhakorinto 5:15

Iwe ꞉naakuure gho ghiri e bhaato bhoose, kubha bhano bhaanyi abhahöru bhatighe kumanya gho ghiri yaabho abheene, amare gho ghiri e uno akuure na koryoka gho ghiri yaabho.

2 Abhakorinto 5:7

Eriimanya riito hano mo‑se ntokumanya kwo bhokumi, taanyi gho korighi na amiisho.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 2:16

Amare itu ntweche kubha, omooto taaghotora kubharu kubha omuhëënë ambërë e Ryobha gho ghughööta emeghiro ghe Musa. Amare n‑gho komokumi Kirisito Yesu omwene chiri, niko ghoghughëri omooto abhe omuhëënë ambërë e Ryobha. Koru itu bhoose, ntomokumiri Kirisito Yesu kubha tubharu abhaato bha hëënë ambërë e Ryobha gho komokumi Kirisito, taanyi gho ghughööta emeghiro ghe Musa. M‑mahëënë kubha taanyi‑ho omooto uno aghotora kubharu kubha muhëënë ambërë e Ryobha gho ghughööta emeghiro ghe Musa.

Abhagharatiya 3:11

Obhuhëënë n‑kubha taanyi‑ho omooto uno akubharu kubha omuhëënë ambërë e Ryobha gho ghughööta emeghiro ghe Musa, gho kubha Amandëkö Amatööbhiyu ngakobhugha, “Uno anyi omuhëënë, nakumanya kwo bhokumi.”

Abhagharatiya 5:24

Abhaato bhano bhaghöötiine na Kirisito Yesu, bhatahakangatu na simoka yaabho e masari haghirohamu na amiigha ghaabho amabhe. N‑kinya bhamambiri simoka yaabho e masari mo‑musarabha o Yesu.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:25

Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhabhiribhi 1:21

Ghokoone eni obhuhöru n‑gho Kirisito. Wiiki neraku, ghoku koone n‑obhwëra.

Abhabhiribhi 4:13

Neghotora ghuköra ghoose ghayo, gho kubha Kirisito niwe akuuha changuru.

Abhakorosaayi 1:27

Bhayo nibho Eryobha ꞉reesiighiri kobhahunyurera ekebhisere kiyo ghe koroghoori kino riköriri gho ghiri e bhaato bha matöngö. Angʼana iyo e kebhisere n‑kubha, Kirisito naanyi moose yaanyu, wiiki niwe akobhaha amiitëngʼërö kubha moghusanga obhokumi obhokoro bho Ryobha.

1 Abhatesaronike 1:10

na komughanya omoona waache Yesu koru Mwishaaro. Iwe niwe Eryobha ꞉reemoryokiri, wiiki niwe aghototoori mo‑rosiko runo toghoteneru ekiina ne Eryobha.

1 Abhatesaronike 5:10

Uyo niwe akuure gho ghiri yiito, kubha tumanye haghirohamu nawe, ibhe toonyi abhahöru hamu tokuure.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 8:3

Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

1 Yohana 1:7

Aribha toghwikara mo‑bhwero, kinya bhuure Eryobha reghwikara, niho tookubha no obhumu itu bheene kwo bheene. Wiiki masaahë gha Moona waache Yesu ngaghotweri amasari ghiito ghoose.

1 Yohana 4:14

Itu ntorooche na ntokobhabhoorera obhuhëënë kubha, Taata Waryobha ꞉naamotomiri Omoona waache mo‑se ino, kubha abhe Omotoori o bhaato bhoose.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 3:20

Mööhi! Eni niimeeriire mo‑ghisëku neghuköngööta eghisëku. Omooto arooghu eriiraka reene na konyiighorera orwighe, neghusöha mo‑nyumba yaache niraaghërë haghirohamu nawe.