Abhagharatiya 2:2 - Eriiraghano Eriihë

² ꞉Neetiiriri ghuye Yerusareemu kwo riibhagha riyo, gho kubha Eryobha ndeere rehunyuriire kubha, neghi nitëmëërane kibhacho na abhakangati bha riikanisa, nebhabhoorere abhakangati bhayo ighoro e Ngʼana Anchömu ino neere neraraghaneri abhaato bha matöngö. ꞉Nyëëndiri kobhabhoorera ghayo, kubha emeremo ghino neere neraköra na ghino nguköra ghetaacha kubha ghe bhoowa.

Abhagharatiya 2:2 ပူးပေါင်းရင်းမြစ်များ

Mataayo 10:16

“Ibheere mutëghëërëra, ˆnekabhatoma kinya changʼöndu ghateghate e chasuuche. Mbe, mubhe na amangʼiini ghe nchöka, wiiki mubhe bhahörëëru ghe sarari.

Amaköri gha Bhatomu 15:12

Mbe, abhaato bhoose bhano ꞉bhaare mo‑riibharacha riyo bhaghakira kiri. Bharinaabha na Bhawuro bhaakabha bharabhabhoorera kinya Eryobha ꞉riiköriri ebhyërëkërëri ne ebhiraghe bhyaru gho kohetera ghokoobho mo‑bhaato bhayo.

Amaköri gha Bhatomu 15:2

Amangʼana ghayo ghaghaghëri Bhawuro na Bharinaabha bhaghasëëma kuhakaana na abhaato bhayo chwee. Antenero, abhaato bha riikanisa re hayo Antiyokiya bhaghiishererani kubha, abhamu ghate yaabho bhaghi Yerusareemu haghirohamu na Bhawuro na Bharinaabha, gho ghiri e ghusabha amëërëkërëri kwo bhatomu bha Yesu na abhagharuka bha riikanisa ighoro e mangʼana ghayo.

Amaköri gha Bhatomu 15:4

Bhawuro na abhaghëndi bhaache hano bhahikiri Yerusareemu, bhaghaghënëhibhu bhoheene chwee na abhatomu bha Yesu, haghirohamu na abhagharuka bha riikanisa na abhaato abhande bha mo‑kanisa. Bhakabhabhoorera ghoose ghano Eryobha ꞉riiköriri gho kohetera ghokoobho.

Amaköri gha Bhatomu 18:9

Orosiko rumu obhotiko Omutëmi akamobhoorera Bhawuro mo‑marighi akabhugha, “Otatiina, wëndërërë hangʼu hangʼu kuraghani. Otaku omukörö,

Amaköri gha Bhatomu 23:11

Orosiko ruyo ruyo obhotiko, Omutëmi akiimeerera rubhareka ro Bhawuro, akamobhoorera akabhugha, “Nwitoore omukörö! Kinya ꞉onduusiiri obhwibhateri hano Yerusareemu, hangʼu hangʼu nokwëndëru onduuseri obhwibhateri mo‑moghya o Ruumi woose.”

Amaköri gha Bhatomu 5:34

Hayo mo‑riibharacha riyo, naare‑ho Omubharisaayo umu, eriina reeche Ghamariyeeri. Ghamariyeeri uyo, naare omweghi o meghiro ghe Musa, wiiki nasookuru na abhaato bhoose. Ibheere akiimeerera, akahatëka kubha abhatomu bhayo bhabhahoroki anche kwo riibhagha ighuhe.

Abharuumi 9:16

Gho ghayo, Eryobha eryene niryo reghotora korigheri omooto changori, taanyi kebhuno omooto omwene akwënda hamu kinya aghuköra.

1 Abhakorinto 1:23

Amare itu, ntokuraghani angʼana ighoro e Kirisito uno amamburu mo‑musarabha. Angʼana iyo nekobhakarari Abhayahuuti, na kwo bhaato bha matöngö no obhughëëghë.

1 Abhakorinto 2:2

Eriibhagha neere bhowaanyu, ꞉neesiikiire amangʼana ighoro e Yesu Kirisito omwene chiri, ahanene oroko rooche runo amamburu mo‑musarabha, ntyëndiri ghosiikërëra egheghiro ekende.

1 Abhakorinto 9:24

Moteeche kubha abhaato bhano bhaghosirisinchana koyaara, bhoose mbakoyaara, amare uno akubhöna atuho n‑umu hangʼu? Ibheere mwiköngʼi koyaara, kubha mubhönë atuho.

1 Abhakorinto 9:26

Gho ghiri iyo eni nteekoyaara kinya omooto uno akoyaara ataanyi ne kebhune, wiiki nteekurööna kinya omooto uno akurëkëra ebhekundi bhoowa.

2 Abhakorinto 12:1

Nekwëndëru kwihacha nangabha etaaghunsakeri ghyokyose. Ibheere nekwënda kwihacha ighoro e amarighi na amangʼana aghande ghano anyëërëkiri Omutëmi Yesu.

Abhagharatiya 1:12

Angʼana ino ntihaabhuru no omooto wowoose, koru ntyeghuru no omooto wowoose. Amare Yesu Kirisito omwene niwe ahunyuriire.

Abhagharatiya 1:16

kohunyurera kinya Omoona waache anyi. ꞉Ndiiköriri hangʼu kubha niraghani Angʼana Anchömu ighoro e Moona waache mo‑bhaato bha matöngö. Eni ntitabhiire omooto wowoose o kundaghereri kino neghuköra.

Abhagharatiya 1:6

Eni nekoroghoora chwee ighoro yaanyu! N‑eriibhagha ighuhe hangʼu rino rehetiri korwera hano Eryobha rebhabherekiire gho ghareeya e Kirisito, na ˆmokamara ˆmoghiishoorori na koretigha. Wiiki ˆmoghiishoororeri ameeghi aghande ghano abhamu bhaghoghabherekera kubha, n‑Angʼana Anchömu.

Abhagharatiya 2:6

Amare abhakangati bhaare bha riikanisa bhano bhaghosooku chwee na abhaato, bhataare na angʼana yoyoose ahë e komboorera. M‑mahëënë mbasookuru chwee, amare ghokoone eni ghayo ghataanyi ne ekebhune ghyokyose gho kubha Eryobha retaanyi no obhwingʼaheri.

Abhagharatiya 2:9

Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

Abhagharatiya 5:7

Ekimbërë, moore moraköra bhoheene! Ibheere n‑niwe abharëkiri motaghööta ameeghi gha bhuhëënë?

Abhabhiribhi 2:16

Wiiki mobharaghaneri abhaato bhakumi Angʼana e Kirisito ino ekobhaha obhuhöru bho miishe ghyose. Mukörë hangʼu kubha nibhönë ghe kwihachera mo‑rosiko ruure Kirisito aghugharuka gho kubha emeremo ghino ꞉niiköngʼiri ghuköra ghateghate yaanyu ghetaare ghe bhoowa.

Abhabhiribhi 2:29

Momoturungʼanere gho ghuchömëru chwee, kinya omokumi mughëndi waanyu. Omooto wowoose uno anga kinya iwe, nekwëndëru momosooke,

1 Abhatesaronike 3:5

Hano nekeyuru ghoghumereri, nekamotoma Timotewo bhowaanyu, kubha nimënyë amangʼana gha bhokumi bhoonyu. ꞉Niiköriri hangʼu, gho kubha ꞉niituuriri kubha hande abhe Omoseeghereri wuure nabhasakiri na kobharumeeri. Ne emeremo ghiito ghyose ghino ꞉tuuköriri bhowaanyu, ghibhe ghe bhoowa.

2 Timotewo 4:7

Nirööniri eriihë inchömu re bhokumi, nimariri orughëndö roose, na nechongiri obhuhëënë bho bhokumi bhwito.

Abheebhuraaniya 12:1

Mbe, gho kubha ntoonyi ne erikinda ikoro re bhiibhateri bhano bhatwinariiri, tobheruusi bhyose bhino bheghotuhööchërëra, wiiki toghatighe amasari ghano ghaghotoghwishi. Wiiki toyaare ahönta ino Eryobha retooriri ambërë yiito kwo bhoghumereri.