Abhagharatiya 2:11 - Eriiraghano Eriihë

¹¹ Mbe, hano Bheetero ahikiri Antiyokiya, orosiko rumu nekamoreghesi haheero, gho kubha naare ataasiri.

Abhagharatiya 2:11 ပူးပေါင်းရင်းမြစ်များ

Mataayo 16:23

Amare Yesu akamwishororeri Bheetero, akamobhoorera akabhugha, “Nooru ambërë yaane ugharuke anyuma, iye Erishambu! Noghusaki kundëki ghuköra amënda gha Ryobha! Nokwihëëbha ghano ghataanyi gha Ryobha, amare n‑gha bhaato okwihëëbha.”

Yohana 1:42

Niho Andereya akamohira Simiyooni o‑Yesu. Yesu akamumööhërëri Simiyooni, akamobhoorera akabhugha, “Iye Simiyooni, mwërëëti o Yohana, korwera reero, eriina reecho nokobherekeru Keebha.” Eriina riyo gho Keyunaani m‑Bheetero, egheteemoro keeche n‑Eriitare.

Amaköri gha Bhatomu 11:19

Abhakumi bhano bhasanchiri gho kunyaakibhu kurëngʼaana na ghwitu gho Siteebhano, bhakangʼösëra mo‑chaase che Bhoyinike, na Kiibhuro, na mo‑moghya o Antiyokiya. Hoose hano bhaghiire, bhaakabha bhareeghi angʼana e Ryobha kwo Bhayahuuti abheene.

Amaköri gha Bhatomu 11:20

Amare mo‑moghya uyo o Antiyokiya, mo‑bhaato bhano ꞉bhaangʼösiire iyo, ꞉mbaaruure mo‑se e Kiibhuro na mo‑moghya o Kireene. Ibho bhakeeghi Angʼana Anchömu e Mutëmi Yesu koru kwo bhaato bha matöngö.

Amaköri gha Bhatomu 11:22

Abhaato bha mo‑kanisa e Yerusareemu, hano bhooghwire amangʼana ghayo, bhakamotoma Bharinaabha aghi Antiyokiya.

Amaköri gha Bhatomu 11:27

Mo‑chaasiko chiyo chiyo, abharööti nyarebhe koru Yerusareemu bhakaacha Antiyokiya.

Amaköri gha Bhatomu 15:1

Abhaato nyarebhe bhaakaru mo‑mukööwa o Yuteya, bhakahiringitera mo‑moghya o Antiyokiya. Bhaghasëëma kweghi Abhakirisito bharabhugha, “Aribha moraanga ghusaaru kurëngʼaana na chaasughara chino Musa ꞉atotighiire, motaaghotora ghotooribhu.”

Amaköri gha Bhatomu 15:5

Amare Abhakirisito abhamu bha rikinda re Mabharisaayo bhakiimeerera, bhakabhugha, “Koru abhaato bha matöngö bhoose mbakwëndëru bhabhe bharasaaru, na bhabhooreru kubha bhabhe bharasooka emeghiro ghyose ghe Musa.”

2 Abhakorinto 11:5

Eni nteekwirighi kubha m‑mosuuhu neenyi kwo bhayo bhakwirighi kubha, n‑abhatomu abhakoro.

2 Abhakorinto 12:11

Mbe, nesiikiire kinya omuraghaanu, amare niinyu mughëriri nesiikërë hangʼu. Inyu moore mörëëndëru ghuntöghösi, gho kubha nangabha nekorighibhu kubha nteekurëngʼaanera, eni taanyi omotomu omosuuhu ghokera bhano bhakwirighi kubha, nibho abhatomu abhakoro.

2 Abhakorinto 5:16

Gho ghayo, korwera ibheere totaakurëngi omooto wowoose kinya bhuno abhaato bhano bhataakomokumi Kirisito bhahaarëngi. Koru Kirisito totaakomurëngi wiiki gho nchëra iyo, nangabha eriibhagha nyarebhe ꞉ntuuköriri hangʼu.

Abhagharatiya 1:18

Hano emeeka etato ghehetiri, neeghaye iyo Yerusareemu, kubha nitëmëërane na Bheetero. Neghiikara awaache chaasiko ikomi ni ishaano.

Abhagharatiya 2:14

Mbe, hano nerooche kubha bhataaghuköra kinya obhuhëënë bho Angʼana Anchömu bhoonyi, nekamobhoorera Bheetero haheero kubha, “Iye n‑Omuyahuuti, amare nohaaköra kinya abhaato bha matöngö bhaghuköra. Ngwake ibheere okuhaamereri abhaato bha matöngö ghutambana chaasughara che Bhayahuuti?”

Abhagharatiya 2:5

Amare totiishereriini nabho koru hasuuhu. Ntuköriri hangʼu kubha tochonge obhuhëënë bho Ngʼana Anchömu bhusaaghe na niinyu chaasiko choose.

Abhagharatiya 2:7

Amare mbamënyiri kubha Eryobha ndeere rentomiri kuraghani Angʼana Anchömu mo‑bhaato bha matöngö, kinya bhuure Bheetero are atomuru kuraghani mo‑Bhayahuuti.

Abhagharatiya 2:9

Mbe, Yakobho na Bheetero na Yohana, bhano ꞉bhaare abhakoro bha bhakangati bha riikanisa, bhakamënya kubha Eryobha niryo reheere emeremo ghiyo gho ghareeya yaache. Bhaghatughööta amabhökö eni na Bharinaabha, kwërëki kubha ntoonyi no obhumu nabho. Toghiishererani kubha, itu toghi kuraghani Angʼana Anchömu mo‑bhaato bha matöngö, nabho bhasaaghe bharayiraghani mo‑Bhayahuuti.

1 Timotewo 5:20

Amare abhagharuka bhano bhakwëndërëra ghuköra amasari, obhahiinye ambërë e bhaato bhoose, kubha abhande bhatiine.

Yakobho 3:2

Kwo bhuhëënë, itu bhoose ntohaataasi gho chanchëra haghare haghare. Aribha omooto wowoose ataaghutaasi gho ghosiikëra kooche, iwe n‑omooto uno anchakiine, iwe naghotora kowuhööchërëra omobhere waache woose.

Yuuta 1:3

Abhasiighani bhaane, ꞉niighombiri chwee kobhaandëkëra ighoro e bhotoori bhuno toghusanga itu bhoose. Amare nerooche kubha nekwëndëru nebhaandëkërë anyaarubha ino, nebhasasaame kubha, mwiköngʼi ghochonga obhuhëënë bho bhokumi bhuno Eryobha rebhaheere abhaato bhaache abhatööbhiyu mara rimu hangʼu kwo riibhagha ryose.