Abhagharatiya 1:4 - Eriiraghano Eriihë

⁴ Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 1:4 ပူးပေါင်းရင်းမြစ်များ

Mataayo 13:22

Chambusuro chino ꞉cheeghweriire mo‑maho, nchetuubhiine no omooto uno akooghu angʼana e bhutëmi bho Ryobha, amare naghwituuri chwee ighoro e mangʼana gha riimanya rino no obhwighombi bho bhwame. Ghayo ngahabhandereri angʼana, nayo ekindu ghuköra emeremo.

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Mataayo 26:28

Adivaayi iyo, nigho amasaahë ghaane gha riiraghano. Amasaahë ghaane ngaghwitëka gho ghiri e bhaato bhaaru, kubha Eryobha rebhaabhërë amasari ghaabho.

Mataayo 26:42

Yesu akabhatigha wiiki na ghuye mara e kabhere ghusabha Eryobha akabhugha, “Oo Taata waane, aribha anyaako ino teeghotora koru ghokoone, mbe, ukörë kinya bhuno okwënda.”

Mataayo 6:9

Mbe, inyu musabhe Eryobha morabhugha, ‘Taata wiito uno onyi Mwishaaro, eriina reecho reghongibhu.

Maariko 10:45

Koru eni uno neenyi Omoona o Mooto, ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Ruuka 22:19

Yesu akiimoki omughaate, aghiitabheri Eryobha, akawosuura, akabhaha abhatomu bhaache, arabhugha, [“Uno niwe omobhere waane, uno okoruusibhu gho ghiri yaanyu. Mubhe moraköra hangʼu, gho kohiita eni!”

Ruuka 22:42

“Oo Taata! Örëënda, onduuseri eghisënchö ke nyaako ino enyi ambërë yaane. Amare etabha kinya nekwënda eni, amare amiigha ghaacho ghaköru.” [

Yohana 10:11

“Eni n‑omoriishi omuhöriicho. Omoriishi omuhöriicho nakobhoruusi obhuhöru bhooche gho ghiri e changʼöndu cheeche.

Yohana 12:31

Ibheere ˆrekahika eriibhagha re Ryobha ghotenera ekiina ase ino. Ibheere ˆrekahika eriibhagha re Eryobha kuhëëbha Erishambu mo‑bhukangati bho se ino.

Yohana 5:30

Yesu akëëndërëra ghosiikëra arabhugha, “Ghetaanyi‑ho egheghiro ghyokyose kino neghotora ghuköra kwo bhotoro bhoone. Nekobhatenera ekiina abhaato kurëngʼaana na kebhuno Taata akomboorera. Gho ghiri iyo ghotena ekiina koone n‑kwo bhuhëënë, gho kubha nteeghuköra amënda ghaane eni mwene, amare n‑amiigha gha Ryobha rino rentomiri neghuköra.

Yohana 6:38

Eni niichiri koru Mwishaaro kubha nibhe neraköra amiigha gha Taata uno antomiri. Ntiichiri ghuköra amiigha ghaane.

Abharuumi 1:7

ˆNekabhaandëkëra inyu abhakumi bhoose bhano moonyi iyo Ruumi. Eryobha ndebhasiighiri chwee, na ꞉ndeebhabherekiire kubha mubhe abhaato bhaache abhatööbhiyu. Nëköbhëëndëra aghareeya no omurëmbë koru kwo Waryobha Taata wiito, na kwo Mutëmi wiito Yesu Kirisito, ghibhe haghirohamu na niinyu.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 8:27

Eryobha niryo rehiisuncha ghoose ghano ghaanyi mo‑metema ghiito, niryo ryeche amiihëëbhö gha Körö Ahörëëru, gho kubha Akörö iyo nekobhasabhera abhatööbhiyu bha Ryobha kinya bhuno Eryobha resiighiri.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abharuumi 8:32

Eryobha retaamoroochiire ebheghongi Omoona waache omwene, amare ꞉ndeemoruusiri kubha aku gho ghiri yiito bhoose. Gho ghayo, aribha ꞉reemoruusiri Omoona waache gho ghiri yiito, hëënë koru orubhango rooche ndeghotoruuseri kohetera ghokooche!

1 Abhakorinto 15:3

Nebheeghiri ameeghi gha bhwëra ghano eni omwene neghasongʼaaniri, kubha Kirisito ꞉naakuure gho ghiri e masari ghiito, kinya bhuno yandëkuru mo‑Mandëkö Amatööbhiyu.

2 Abhakorinto 4:4

Angʼana Anchömu timënyuru mo‑bhaato bhano gho kubha, Erishambu rino reenyi omutëmi o se ino, ndehunyiri obhongo bho bhano bhataakomokumi Yesu. ꞉Ndiiköriri hangʼu kubha bhakindu korighi obhwero bho Angʼana Anchömu e bhokumi obhokoro bho Kirisito, uno anyi eghetuubhaani ke Ryobha.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhagharatiya 6:14

Amare eni nteekwënda kubha ne egheghiro ghe kwihachera, nanyinga oroko ro Mutëmi wiito Yesu Kirisito mo‑musarabha. Kurëngʼaana na oroko rooche, amangʼana ghoose gha se ino ghataanyi no obhwëra bhobhoose ighoro yaane. Eriimanya reene re kare, ꞉ndiimamburu nawe mo‑musarabha.

Abhaebheeso 1:11

Eryobha ndehaaköra ghoose kurëngʼaana na amënda ghaache. Iryo ndetwahwire itu Abhayahuuti korwera kare, kubha tubhe abhaato bhaache gho nchëra e ghughöötana kwito na Kirisito.

Abhaebheeso 2:2

Eriibhagha riyo moore moratambana amiigha amabhe gha mo‑se ino, mookabha morasooka Erishambu, omutëmi o misambu ghino gheenyi na changuru mwighoro. Iryo niryo ibheere rekobhakangata abhaato bhano bhataakoresooka Eryobha.

Abhaebheeso 5:16

Muhökëri bhoheene eriibhagha rino, gho kubha chaasiko chino n‑che mabhe.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 6:12

Nekobhugha hangʼu gho kubha, eriihë riito retaanyi ghate yiito na abhaato. Amare ntokurööna ne emisambu ghino gheenyi no obhotoro, ghino gheghukangata ase ino e kengʼuuri, ghyose ghino ngighöötëriire mo‑se ino etaakorighibhu.

Abhabhiribhi 4:20

Waryobha, Taata wiito, aghongibhu emiishe ne emiishe. Hawubhaabha.

1 Abhatesaronike 1:3

Hano tookubha torabhasabhera o‑Taata wiito Waryobha, ntokohiita emeremo ghino muköriri kwo bhokumi. Ntokohiita ghwiköngʼi koonyu kuno ghokorwera mo‑bhosiighi bhoonyu, na kebhuno mwimeeriire mo‑bhokumi na kwo miitëngʼërö ghaanyu gha ghugharuka kwo Mutëmi wiito Yesu Kirisito.

1 Abhatesaronike 3:11

Ntokomusabha Waryobha, Taata wiito omwene, na Yesu Omutëmi wiito, atusëëmërë anchëra e kuucha bhowaanyu.

1 Abhatesaronike 3:13

Wiiki aköngʼi emetema gheenyu, kubha mubhe abhatööbhiyu, motabha ni isörö ambërë e Waryobha Taata wiito, eriibhagha akuucha Omutëmi wiito Yesu haghirohamu na abhatööbhiyu bhaache bhoose.

2 Abhatesaronike 2:16

Taata wiito Waryobha natosiighiri, na gho ghareeya yaache aghatughambisani emiishe ghyose na ghotuha amiitëngʼërö amachömu. Iwe ntokomusabha, haghirohamu no Omutëmi wiito Yesu Kirisito kubha,

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 2:5

Ntweche kubha Eryobha retabhaheere bhamarayika bhaache obhotoro bho ghukangata ase ahë ino ekuucha, ino toghosiikërëra amangʼana ghaache. Amare omooto umu ꞉naasiikiire amangʼana ghano mo‑Mandëkö Amatööbhiyu kubha,

Abheebhuraaniya 6:5

Wiiki abhaato bhano mbeeche kubha ghaare Eryobha rebhughiri m‑machömu na kumënya changuru che bhotoro bho Ryobha mo‑se ino ekuucha.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Yakobho 4:4

Inyu n‑abhaato bhano motaanyi no obhuhëënë n‑kinya abhataari, bhano mokwanga Eryobha! Moteeche kubha, ghughöötana obhusaani na ase, n‑kubha abhabhisa bha Ryobha? Gho ghayo, omooto woose uno akwënda ghughöötana obhusaani na ase, naghwiköri omwene kubha omobhisa o Ryobha.

1 Bheetero 2:24

Kirisito omwene ꞉niimokiri amasari ghiito mo‑mobhere waache ighoro e musarabha. ꞉Naaköriri hangʼu, kubha itu toku mo‑mangʼana gha amasari, amare tubhe abhahöru mo‑mangʼana gha bhuhëënë. Na gho ghutëmu kooche, inyu muhöruru.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:2

Iwe niwe amaruusi gha ghosinchu na gho nchëra iyo, naruusiri amasari ghiito na ghotutëmëërani ne Eryobha. Wiiki ghataanyi amasari ghiito agheene, amare na amasari gha bhaato bhoose bha mo‑se ino.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.

Obhohunyurëru 7:9

Hano ghayo ghahetiri, nekarighi eriirighi erende. Nekarighi erikinda ikoro re bhaato rino retaare reratoru kubharu. Abhaato bhayo mbaare bha chaase choose, na bha matöngö ghoose, na abhahiiri bhoose na bha bhighambo bhyose. Bhiimeeriire ambërë e ghetumbe ghe ghitëmi, na ambërë e Moona o Ngʼöndu. Bhabheekiri chandachana cheero na mbaare bhaghöötëriire amato gha mitëndë.