Abhagharatiya 1:17 - Eriiraghano Eriihë

¹⁷ Ntebhughiri kubha, “Tigha neghi Yerusareemu nerighani na bhaare ꞉bhaankangatiri kubha abhatomu.” Amare kino ꞉niiköriri neeghaye kimu kimu mo‑se e Araabhiya. Niiche koru hayo, neghagharuka wiiki mo‑moghya o Tamaasiko.

Abhagharatiya 1:17 ပူးပေါင်းရင်းမြစ်များ

Amaköri gha Bhatomu 9:10

Iyo Tamaasiko, naare‑ho omughëndi umu o Mutëmi Yesu, eriina reeche Ananiya. Omutëmi akamobherekera Ananiya uyo mo‑marighi, “Ananiya!” Nawe akamugharokeri akabhugha, “Oo Omutëmi, hano neenyi.”

Amaköri gha Bhatomu 9:19

Akamara akaraaghëra, akabhöna changuru wiiki. Sawuri aghiikara chaasiko insuuhu mo‑moghya o Tamaasiko haghirohamu na abhaghëndi bha Yesu.

Amaköri gha Bhatomu 9:2

akamusabha amuhë anyaarubha ino aghuye nayo mo‑masinaghooghi gha moghya o Tamaasiko, kubha arabhabhöna iyo abhaghëndi bha Yesu, abhasubhe na abhakari, abhaghöötë, na kobharëëta Yerusareemu.

Amaköri gha Bhatomu 9:8

Sawuri aghiighëgha, amare hano asakiri kuramoki, taatoriri korighi wiiki. Niho abhaghëndi bhaache bhayo bhakamughööta okubhökö na komurahuuna, mbagha mo‑moghya o Tamaasiko.

Abhagharatiya 1:18

Hano emeeka etato ghehetiri, neeghaye iyo Yerusareemu, kubha nitëmëërane na Bheetero. Neghiikara awaache chaasiko ikomi ni ishaano.