Abhaebheeso 6:8 - Eriiraghano Eriihë

⁸ Mumënyë kubha, omooto woose uno aghuköra amachömu, abhe n‑omusësë hamu uno ataanyi omusësë, Omutëmi Yesu nakomotuha kwo maköri ghaache amachömu.

Abhaebheeso 6:8 ပူးပေါင်းရင်းမြစ်များ

Mataayo 16:27

Eni uno neenyi Omoona o Mooto nekuucha haghirohamu na bhamarayika bhaane mo‑bhokumi obhokoro bho Taata waane. Niho nekomoreha omooto wowoose kurëngʼaana ne emeremo gheeche.

Mataayo 20:7

“Nabho bhaghagharokeri bhakabhugha, ‘Gho kubha taanyi‑ho omooto uno atoheere emeremo.’ “Iwe akabhabhoorera akabhugha, ‘Na niinyu moghi mukörë emeremo mo‑moghondo waane o misabhiibhu.’

Mataayo 5:12

gho kubha hangʼu nibhu ꞉bhaare bharabhanyaaki abharööti bhano ꞉bhaare‑ho hayo ekimbërë. Muchömëru na ghuchaghana, gho kubha Eryobha ndebhatooriire atuho inkoro Mwishaaro.

Mataayo 6:1

“Mbe, mumööhërëri! Motaköra ghano Eryobha rekwënda ambërë e bhaato kubha bhabharighi. Aribha moraköra hangʼu, motaakubhöna atuho koru o‑Taata waanyu uno anyi Mwishaaro.

Mataayo 6:4

kubha obhotoorereri bhoocho bhubhe ne ekebhisere. Taata waanyu uno akorighi ghano ghaghuköru mo‑kebhisere, naghoghoghongi.

Ruuka 14:14

Neekubha ngʼoni ghokoocho, gho kubha, ibho bhataanyi ne egheghiro ghe ghokoreha. Eryobha niryo reghokoreha, eriibhagha re kobharyoki abhaato bhaache abhahëënë.”

Ruuka 6:35

“Amare inyu, mobhasiighe abhabhisa bhaanyu, mobhatoori, mobhahë asiire, motiitëngʼëra kubha mbakobhagharokeri. Moraköra hangʼu niho mokubhöna atuho inkoro, na kubha abhaana bha hëënë bha Waryobha Omokoro o Bhyose. Gho kubha, Eryobha ndeghusakëri koru bhaare bhataakoriitabheri, na abhaköri bha mabhe.

1 Abhakorinto 12:13

Neghosiikëra hangʼu, gho kubha itu bhoose, tubhe Abhayahuuti hamu abhaato bha matöngö aghande, tubhe abhasësë hamu abhaato huuru, ntubhatiisuru gho Körö imu na kuhaabhu Akörö iyo, kubha tubhe omobhere umu.

2 Abhakorinto 5:10

Hangʼu keenyi, gho kubha itu bhoose ntokwimeerera ambërë e ghetumbe ghe Kirisito ghe ghotenera ekiina. Gho ghayo, omooto woose naghosongʼaana amareho kurëngʼaana na ghano aghuköra mo‑se ino, ghabhe amachömu hamu ghabhe amabhe.

Abhagharatiya 3:28

Gho ghayo, bhotaanyi‑ho obhwahukani ghate e Muyahuuti no omooto o matöngö, hamu omusësë no omooto huuru, hamu omosubhe no omukari. Bhoose murëngʼiine, gho kubha mughöötiine na Kirisito Yesu.

Abhakorosaayi 3:11

Gho ghayo, bhotaanyi‑ho bhwahukani bho Muyahuuti hamu omooto o matöngö, uno asaaruru, hamu uno atasaaruru, uno aghutaraahu na uno atasömiri, omusësë hamu uno ataanyi omusësë. Amare Kirisito niwe akohikeerani ghoose, wiiki naanyi moose e bhoose.

Abhakorosaayi 3:24

Mohiite kubha nakobhareha atuho ino bhatooriiru, gho kubha Kirisito uno mokomuhökëri niwe Omutëmi o hëënë.

Abhakorosaayi 3:25

Amare wowoose uno aghuköra amabhe nakorehu kurëngʼaana na amabhe ghaache, gho kubha Eryobha retaanyi no obhwingʼaheri.

Abheebhuraaniya 10:35

Gho ghayo, mwëndërërë kubha no obhosubhesubhe bhuyo, gho nchëra iyo moghosongʼaana atuho inkoro chwee koru kwo Waryobha.

Abheebhuraaniya 11:26

Musa ꞉naarooche ghotoku gho ghiri e Kirisito nkoonyi no obhwame ghokera kubhöna agharinga yoose e mo‑se e Miisiri. ꞉Naaköriri hangʼu gho kubha naare ariitëngʼëra atuho ino Eryobha rekomuha chaasiko chino chekuucha.