Abhaebheeso 6:1 - Eriiraghano Eriihë

¹ Inyu abhaana, gho kubha mughöötiine no Omutëmi Yesu, mubhe morabhasooka abhiibhori bhaanyu. Ghuköra hangʼu n‑ngʼana inchömu.

Abhaebheeso 6:1 ပူးပေါင်းရင်းမြစ်များ

Ruuka 2:51

Hano bhamariri ghayo, bhaaghaye nawe awaabho Nasareeti, akabha arabhasooka. Ghayo ghoose ꞉ghaaköruru, nyina naare aghatooriri mo‑motema waache.

Abharuumi 12:2

Moteegha chaasughara che bhaato bha mo‑se ino, amare motighe Eryobha righarure emetema gheenyu, kubha mubhe na amiihëëbhö amahë. Hayo niho mokwegha kumënya kebhuno Eryobha rekwënda mukörë. Mokumënya n‑amangʼana ghaahë ghano ghaanyi amachömu, na ghano ghakoretegheri, wiiki na ghano ghahikeriine.

Abharuumi 16:2

Neghusabha momughënëhi bhoheene, gho kubha woose n‑omokumi o Mutëmi Yesu. Momughënëhi kinya bhuno ekwëndëru ghate e bhakumi bha Yesu Kirisito. Wiiki, neghusabha kubha, momusakeri ghyokyose kino akwënda, gho kubha iwe woose ꞉naabhasakiiri abhaato bhaaru, koru eni woose.

Abharuumi 7:12

Koru hangʼu, ibhe haheero kubha, emeghiro m‑mitööbhiyu, na mahatëkö ghaache ghoose m‑matööbhiyu, n‑ghe bhuhëënë, wiiki m‑michömu.

1 Abhakorinto 15:58

Mbe, abhahiiri bhaane abhasiighani, muköngʼëri mo‑bhokumi bhuyo, motaku omukörö. Mwëndërërë ghuköra emeremo ghe Mutëmi gho ghwiköngʼi chaasiko choose, gho kubha mweche kubha emeremo ghino moghuköra gho ghiri e Mutëmi, ghetaanyi ghe bhoowa.

1 Timotewo 5:4

Amare omosino wowoose arabha na abhaana hamu abhaachokoro, nekwëndëru bhayo singa bheeghe kebhuno bhakobhatoori abhahiiri bhaabho. Bharaköra hangʼu, niho bhakoreha abhiibhori bhaabho amachömu ghano ꞉bhaabhaköriire. Hangʼu nibhu Eryobha reghuchömëru.

1 Bheetero 2:13

Mubhe morasooka abhaato bhoose bhano bhaanyi no obhotoro, gho ghiri e komosooka Omutëmi. Momosooke omutëmi waanyu, gho kubha iwe niwe omukangati omokoro mo‑se yaanyu.