Abhaebheeso 5:9 - Eriiraghano Eriihë

⁹ Ghano ghakwërëki kubha mumanyiri mo‑bhwero n‑ghuköra amangʼana amachömu, na ghano Eryobha rekwënda, na gha bhuhëënë.

Abhaebheeso 5:9 ပူးပေါင်းရင်းမြစ်များ

Mataayo 3:8

Mbe, mukörë amaköri ghano ghakwërëki kubha, motuukuuniri amasari ghaanyu.

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Abharuumi 2:4

Eryobha n‑ihöriicho chwee, ndeghokorigheri ebheghongi bhyaru, na ndeghoghoghumereri chwee. Amare iye ibheere, nokwënda ghutaraaha ghayo ghoose? Tweche kubha ndeghokwërëki obhuhöriicho bhooche, kubha otore ghotuukuunera amasari ghaacho?

Abhaebheeso 4:15

Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

Abhaebheeso 6:14

Mbe, mwisëëmi kwo riihë riyo. Obhuhëënë bhubhe kinya oruköbha mo‑bheribhichi bheenyu, amaköri ghaanyu ghano Eryobha rekwënda ghabhe kinya angubha e ghokengera mo‑ghekubha,

Abhabhiribhi 1:11

Eriimanya reenyu ndeghwichora amangʼana gha hëënë ghano ghakubhönëka gho nchëra e Yesu Kirisito. Ghayo ghoose gharekumi na koreghongi Eryobha.

Abhakorosaayi 3:18

Inyu abhakari, mubhe morabhasooka abhasubhe bhaanyu kinya ekwëndëru mo‑bhaato bhano bhamokumi Omutëmi Yesu.

1 Timotewo 6:11

Amare iye, omooto o Ryobha, oghangʼösë amangʼana ghayo. Utambane ghano Eryobha rekwënda, no orisëngërë, ubhe no obhokumi, no obhosiighi, no obhoghumereri no obhuhörëëru.

Abheebhuraaniya 1:8

Amare ighoro e Moona waache iryo ꞉ndeebhughiri kubha, “Iye Waryobha noghukangata emiishe ne emiishe, no obhukangati bhoocho mbookubha bho hëënë.

Abheebhuraaniya 11:33

Kurëngʼaana na ghokumi koobho, abhaato bhayo ꞉mbaarööniri amahë na abhatëmi bha chaase echende, bhakabhakinda. Mbaare bharakangata kwo bhuhëënë na ghosongʼaana ghaare Eryobha ꞉riiraghiri kobhaha. Wiiki mbaare na changuru che kohunya emenu ghe chaaka.

1 Yohana 2:29

Mweche kubha Kirisito n‑o bhuhëënë, gho ghayo, mumënyë kubha wowoose uno aghuköra gha bhuhëënë, niwe omoona o Ryobha.

3 Yohana 1:11

Ibheere Ghaayo, omosiighani waane, oteegha amabhe, amare weeghe amachömu. Wowoose uno aghuköra amachömu, uyo n‑omoona o Ryobha. Amare uno aghuköra amabhe, uyo taryeche Eryobha.