Abhaebheeso 5:6 - Eriiraghano Eriihë

⁶ Amangʼana ghanga ghayo, nigho ghaghughëri Eryobha rebharöönë abhaato bhano bhataakoresooka. Motiishereri omooto wowoose abhangʼiine kwo mangʼana ghano ghataanyi gha mahëënë kubha momutambane.

Abhaebheeso 5:6 ပူးပေါင်းရင်းမြစ်များ

Mataayo 24:24

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri bhekoro ne ebhiraghe bhekoro, kubha bhasaki kobhangʼiina koru bhano bhaahwiru ne Eryobha.

Mataayo 24:4

Yesu akabhagharokeri akabhugha, “Mubhe amiisho, omooto wowoose ataacha kobhangʼiina!

Maariko 13:22

Mbakuucha abharööti bha bhuröngö na abhaato bhano bhakwibherekera Kirisito. Mbaakubha bharaköra ebhyërëkërëri ne ebhiraghe, kubha bhasaki kobhangʼiina bhano bhaahwiru ne Eryobha.

Maariko 13:5

Niho Yesu aghasëëma kobhabhoorera arabhugha, “Mubhe miisho, omooto wowoose ataacha kobhangʼiina!

Abharuumi 1:18

Eryobha eryene ndëhëërëki haheero koru Mwishaaro kubha, ndehaarööna abhaato bhano bhakoryanga na ghuköra amabhe. Abhaato bhayo mbahaanga obhuhëënë bhooche, kurëngʼaana na amabhe ghaabho,

Abhakorosaayi 2:18

Motatëghëërëra omooto wowoose uno akwiyëërëki gho nche kubha m‑munyööhu no omusëngëri o bhamarayika. Omooto kinya uyo atabhahöka atuho yaanyu e miishe ghyose. Uyo naghwitoora mo‑marighi ghaache, wiiki akiiraghaani kwo miihëëbhö ghaache gha simoka e masari.

Abhakorosaayi 2:4

Ibheere ˆnekabhaandëkëra ghayo, motiishereri kongʼiinu no omooto wowoose kwo mangʼana gha bhuröngö, nangabha ghaanyi gha ghotegheri.

Abhakorosaayi 2:8

Mbe, mubhe miisho, omooto wowoose ataacha kobharumeeri kwo meeghi gha bhoowa na gha bhuröngö ghano ghakorwera mo‑chaasughara che bhaato. Ameeghi ghayo ngaghwitëngʼëra chaakörö chambe chino cheghukangata ase ino na ghataanyi gha Kirisito,

Abhakorosaayi 3:6

Gho ghiri e mabhe ghayo, nigho ghaghuköra Eryobha rerakararera abhaato bhano bhataakoresooka.

2 Abhatesaronike 2:3

Motiishereri omooto wowoose kobhangʼiina kwo ryoryose riire, gho kubha orosiko ruyo rotaakohika singa, mbagha chaasiko chiire abhaato bhaaru bhaakubha bharigharuriini Eryobha, wiiki eriibhagha riyo Omwigharurani wuure nakorighibhu. Uyo niwe eriibhagha re ntenero Omutëmi nakomosireekereri kimu.

Abheebhuraaniya 13:9

Motangʼiinu na ameeghi aghande amahë gha ghighëni, gho kubha changuru che metema gheenyu nchekoru mo‑ghareeya e Ryobha, taanyi mo‑meghiro ghe bhiinyakurë. Emeghiro ghiyo ghetaakobhatoori ghyokyose bhano bhaghoghitambana.

Abheebhuraaniya 3:19

Mbe, ntokorighi kubha abhaato bhayo bhataasöhiri ahaghiro hayo, gho kubha ꞉mbaangiri korekumi Eryobha.

1 Bheetero 2:8

Wiiki, Amandëkö ngakobhugha kubha, “Eriibhohe riyo n‑eriibhohe re ghwituuratuura, n‑eriitare re ghoghwishi abhaato.” Abhaato mbaghwituuratuura, gho kubha bhataaghughööta angʼana e Ryobha. Na hangʼu nibhu ꞉bhaare bhasëëmiiru korwera kare.

1 Yohana 4:1

Abhasiighani bhaane, motamokumi omooto woose uno akobhugha naanyi na Akörö e Ryobha. Amare mumööhi bhoheene aribha omooto uyo naghukangatu na Akörö e Ryobha hamu tiyaanyi. Nekwëndëru mumööhi gho kubha abharööti bhaaru bha bhuröngö mbarweriire mo‑se.