Abhaebheeso 5:20 - Eriiraghano Eriihë

²⁰ Wiiki, eriibhagha ryose mubhe moramwitabheri Taata Waryobha, gho ghiri e bhaato bhoose, gho kohetera eriina re Mutëmi wiito Yesu Kirisito.

Abhaebheeso 5:20 ပူးပေါင်းရင်းမြစ်များ

Yohana 15:16

Inyu motanyahwire eni, amare n‑eni nebhahwire inyu. Nebhahwire kubha, musöngë amakorobhese ghano ghataaghosira naabha. Moraköra hangʼu, ghyokyose kino morasabha kohetera eriina reene, Taata nakobhaha.

Amaköri gha Bhatomu 5:41

Abhatomu bhayo bhakahoroka mo‑riibharacha riyo bharasiighasiigha, kinya Eryobha rebhaheere asooko e ghutaraahu gho ghiri e riina re Yesu.

Abharuumi 1:8

Nisëëmë gho kobhugha kubha, nekoriitabheri Eryobha kohetera kwo Yesu Kirisito, gho ghiri yaanyu bhoose, gho kubha amangʼana ighoro e bhokumi bhoonyu ngamënyuru mo‑se yoose.

1 Abhakorinto 1:4

Nekoriitabheri Eryobha eriibhagha ryose gho ghiri yaanyu, gho kubha ndebhaheere aghareeya ino gho nchëra e Kirisito Yesu.

1 Abhakorinto 15:24

Hayo niho antenero e bhyose ekohikeerana. Eriibhagha riyo Kirisito naghosireekereri abhakangati bhoose, na bhano bhaanyi no obhotoro na bha changuru bhoose, aramara nakomuha Waryobha Taata obhutëmi.

Abhaebheeso 5:4

Motasiikëra amangʼana gha chaasoni, na amangʼana gha ghighëëghë hamu kuhakaana, ghayo ghataakwëndëru ghokoonyu. Amare amangʼana ghano ghakwëndëru, n‑gha koriitabheri Eryobha.

Abhabhiribhi 1:3

Eriibhagha ryose hano nekobhahiita inyu, nekoriitabheri Eryobha, Omutëmi waane.

Abhabhiribhi 4:6

Motighe kwinyaaki mo‑ngʼana yoyoose, amare mo‑mangʼana ghoose musabhe na ghusasaama, haghirohamu na ghwitabheri, amënda ghaanyu ghamënyu ne Eryobha.

Abhakorosaayi 3:17

Gho ghoose ghano moghosiikëra, hamu ghuköra, mukörë kwo riina re Mutëmi Yesu, na komwitabheri Taata Waryobha kohetera ghokooche.

1 Abhatesaronike 3:9

Ibheere ntoghotora korereha Eryobha gheghiro ke kubha toriitabheri gho ghiri e bhokumi bhoonyu? Koru gho ghuchömëru kwaru kuno toonyi nako ambërë e Ryobha gho ghiri yaanyu?

1 Abhatesaronike 5:18

Mwitabheri Eryobha mo‑ghoose, gho kubha ghayo nigho iryo rekwënda mubhe moraköra kinya bhuure Kirisito Yesu ꞉aköriri.

2 Abhatesaronike 1:3

Abhahiiri bhiito, nekwëndëru koriitabheri Eryobha eriibhagha ryose gho ghiri yaanyu, gho kubha obhokumi bhoonyu mbokwiyëëngëra chwee, wiiki ghosiighana koonyu ngokwiyëëngëra.

2 Abhatesaronike 2:13

Mbe, itu ntokwëndëru koriitabheri Eryobha eriibhagha ryose gho ghiri yaanyu bhahiiri bhiito, inyu bhano mosiighiru no Omutëmi Yesu. Ntokwëndëru ghuköra hangʼu, gho kubha, nabhaahwire inyu korwera simoka, kubha mubhönë obhotoori. Obhotoori bhuyo mobhobhwine gho nchëra e Körö Ahörëëru ino ekobhamusa, na gho ghokumi obhuhëënë.

Abheebhuraaniya 13:15

Mbe, twëndërërë koreghongi Eryobha gho kohetera Yesu ino totaaghutamu, gho kubha amangʼana ghiito gha koreghongi eriina reeche ngatuubhiine na amaruusi ghano tokomoruuseri.

1 Bheetero 2:5

Mbe, mumënyë kubha koru inyu n‑kinya amabhohe ghano ghaanyi amahöru, mokwabhëku ne Eryobha mubhe erikindahaase re körö. Wiiki ndekobhaköra mubhe abhachaama bhaache bhano bhaahwiru koruusi amaruusi gha mo‑chaakörö gho nchëra e Yesu Kirisito.

1 Bheetero 4:11

Aribha omooto anyi na amangʼana gha ghosiikëra, asiikërë kinya n‑kwo Ryobha gharuure. Na aribha omooto aghusakeri abhaghëndi bhaache, abhasakeri kwo bhotoro bhuno bhookoru kwo Waryobha. Gho ghayo, Eryobha ndeghoghongibhu mo‑mangʼana ghoose, gho nchëra e Yesu Kirisito omwene uno anyi no obhokumi obhokoro no obhotoro emiishe ne emiishe. Hawubhaabha.