Abhaebheeso 5:2 - Eriiraghano Eriihë

² Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:2 ပူးပေါင်းရင်းမြစ်များ

Mataayo 20:28

Gho nchëra iyo iyo, eni uno neenyi Omoona o Mooto ntiichiri kuhökëru, amare niichiri nebhahökëri abhaato na koruusi obhuhöru bhoone kubha nebhatingori abhaato bhaaru.”

Yohana 13:34

Ibheere nekobhaha omoghiro omuhë, ‘Mosiighane. Kinya bhuno eni nebhasiighiri inyu, hangʼu hangʼu na niinyu mosiighane.’

Yohana 6:51

Eni n‑ekiinyakurë kino gheghwika koru Mwishaaro, kino ghekobhaha abhaato obhuhöru. Omooto wowoose uno akurë ekiinyakurë kiyo, naakubha no obhuhöru bho miishe ghyose. Ekiinyakurë kiyo n‑omobhere waane uno nekoworuusi gho ghiri e bhaato bhoose, kubha bhabhe no obhuhöru bho miishe ghyose.”

Abharuumi 15:16

kubha nibhe omutamishi o Kirisito Yesu kwo bhaato bha matöngö. Nihaabhuru emeremo ghe bhuchaama ghe kobharaghaneri Angʼana Anchömu koru kwo Waryobha, kubha bhabhe kinya amaruusi ghano ghakoretegheri Eryobha, ghano ghamusuru na Akörö Ahörëëru.

Abharuumi 4:25

Eryobha ꞉ndeemoruusiri Yesu, kubha aku gho ghiri e masari ghiito, na komoryoki koru mo‑bhaku, kubha itu tubhareru kubha bhano toonyi no obhuhëënë ambërë yaache.

Abharuumi 8:3

Emeghiro ghe Musa ghetaare na changuru che ghototoora huuru, gho ghiri e simoka yiito e masari. Amare emeghiro ghiyo kino ghetaatoriri ghuköra, Eryobha ꞉ndiiköriri. ꞉Ndeetomiri Omoona waache omwene chiri, ache ghokwito mo‑se ino, anyi omooto kinya itu bhano toonyi na amasari, kubha abhe eriruusi gho ghiri e masari ghiito. Gho nchëra iyo, rekamutëma anchagho gho ghiri e masari gha bhaato.

Abharuumi 8:37

Amare nangabha ghayo ghoose ghaghotubhöna, itu ntokeere toonyi no obhokindi bhokoro, gho kubha Kirisito natosiighiri.

1 Abhakorinto 16:14

Amangʼana ghaanyu ghoose mubhe moraköra kwo bhosiighi.

1 Abhakorinto 5:7

Mbe, mubhe moriiyeri, gho nchëra e komoruusi omooto uyo omobhe ghate yaanyu, kinya koruusi ekimëra ghe kare. Hayo mookubha abhaato abhahë, kinya omughaate omuhë uno otaanyi ne ekimëra. Hangʼu nibhu moonyi, gho kubha Kirisito, Omoona o Ngʼöndu o Bhaasaka, namariri koruusibhu kubha amaruusi atotoori.

2 Abhakorinto 2:14

Amare ntokoriitabheri Eryobha gho kubha ndeghotukangata eriibhagha ryose mo‑murööbhö o ghuchaghanera obhokindi bho Kirisito ighoro e bhabhisa bhaache. Wiiki Eryobha ndeghotuköra itu ghusanchi obhumënyi bho ngʼana ighoro e Kirisito chambaara choose, nibheere kinya bhuno ekeneeso eghichömu kehaasancha ahaghiro hoose.

2 Abhakorinto 2:15

Hangʼu keenyi, gho kubha itu n‑kinya ekeneeso eghichömu kino Kirisito akoreruuseri Eryobha. Ekeneeso kiyo ngekobhahikera abhaato bhoose, bhano bhaghotooribhu na bhano bhakobhora.

2 Abhakorinto 8:9

Ghokera ghayo, mweche kinya bhuno Omutëmi wiito Yesu Kirisito abhaheere aghareeya yaache. Nangabha are omwame, aghiiköri kubha muhabhe gho ghiri yaanyu, kubha gho nchëra e bhuhabhe bhooche, inyu mubhe abhaame.

Abhagharatiya 1:4

Kirisito ꞉naaruusiri eriimanya reeche, gho ghiri e masari ghiito, kubha atotoori koru mo‑mabhe ghoose gha se ino yi ibheere. ꞉Naaköriri hangʼu kurëngʼaana na amënda gha Waryobha Taata wiito.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

Abhaebheeso 3:17

kubha gho nchëra e bhokumi, Kirisito abhe ariikara mo‑metema gheenyu. Hayo niho obhosiighi bhooche, bhookubha bhorabhaha changuru che kwimeerera muköngʼiiri kinya omote uno osimiri emerya haase chwee, hamu kinya anyumba ino yabhëkuru ighoro e bhoroso bhuchömu.

Abhaebheeso 3:19

Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhaebheeso 4:15

Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

Abhaebheeso 4:2

Eriibhagha ryose mubhe bhanyööhu, na abhahörëëru, na abhaghumereri. Moghumererani inyu bheene kwo bheene kwo bhosiighi.

Abhaebheeso 5:15

Gho ghayo, mubhe bhangʼiini mo‑riimanya reenyu. Motamanya kinya abhaghëëghë, amare mumanye kinya abhaato abhangʼiini.

Abhaebheeso 5:25

Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhabhiribhi 4:18

Ibheere, ebheghiro bhyose bhiire montomaniiri gho kohetera Ebhabhurotiito, nebhebhwine. Mbiishiri kumara amënda ghaane ghoose, wiiki mbeghokera koru bhino neere kwënda. Obhotoorereri bhuyo mbobheere kinya eriruusi re keneeso ghichömu, amaruusi ghano ghaghwisherereru na ghakoretegheri Eryobha.

Abhakorosaayi 3:14

Ghokera ghayo ghoose mosiighane, gho kubha, obhosiighi nibho bhokobhaghöötani inyu mo‑bhumu bhuno bhohikeriine.

1 Abhatesaronike 4:9

Ibheere, teekwëndëru ango tobhaandëkërë wiiki amangʼana ighoro e ghosiighana, gho kubha inyu bheene mweghuru ne Eryobha kinya mokwëndëru ghosiighana.

1 Timotewo 2:6

Iwe ꞉naaruusiri eriimanya reeche omwene, kubha abhatingori abhaato bhoose. Bhuno nibho obhwibhateri bhuno Kirisito atoheere kwo riibhagha rino Eryobha retooriri.

1 Timotewo 4:12

Omooto wowoose ataghutaraaha gho kubha iye okeere omobhureni, amare wiköngʼi kubha ekyërëkërëri ghichömu mo‑bhakumi gho ghughamba koocho, na atëëmö yaacho, no obhosiighi bhoocho, no obhokumi bhoocho no obhughöröröku bhoocho.

Tiito 2:14

꞉Niiruusiri gho ghiri yiito, kubha atotoori koru mo‑mabhe ghoose. ꞉Nëëndiri ghotomusa, kubha hëënë tubhe abhaato bhaache, bhano bhiiruusiri ghuköra amachömu.

Abheebhuraaniya 8:3

Eryobha ndehaabha reraahura Omuchaama Omokoro kubha abhe araruusi amaruusi na chatyenyi che ghosireekereri gho ghiri e masari gha bhaato. Hangʼu hangʼu Omuchaama wiito uyo Omokoro, nakwëndëru kubha woose abhe ne egheghiro ghe koruusi kwo Waryobha.

Abheebhuraaniya 9:14

Amare ibheere amasaahë gha Kirisito ngaanyi na changuru chwee ghokera amasaahë gha chatyenyi chiyo! Gho nchëra e Körö ino enyi e miishe ghyose, iwe ꞉niiruusiri kwo Waryobha kubha amaruusi ghano ghahikeriine. Amasaahë ghaache nigho ghaghotomusa emetema ghiito ighoro e masari ghano ghaghughëri oroko kubha torisëngërë Eryobha rino reenyi ihöru.

Abheebhuraaniya 9:23

Eriibhuru ne ebheghiro bhyose bhino abhachaama ꞉bhaare bharahökëri koruusi amaruusi, mbeere eghetuubhaani ke bheghiro bhino bheenyi Mwishaaro. Eriibhuru ne ebheghiro bhiyo mbeere bheramusu gho nchëra e masaahë gha chatyenyi, amare ebheghiro bhe Mwishaaro mbekwëndëru komusu na amaruusi amachömu ghano ghaghokera amasaahë ghayo gha chatyenyi.

Abheebhuraaniya 9:26

Aribha nengabheere hangʼu, mbe, nangabheere arëndëru kunyaaka mara kaaru korwera hano Eryobha ritëëmiri ase. Amare iwe mo‑chaasiko chino che ntenero, niichiri na kwiruusi kubha amaruusi mara rimu hangʼu kubha atomuse amasari ghiito.

1 Bheetero 4:8

Ghokera ghayo ghoose, mosiighane chwee, gho kubha obhosiighi mbohaakundekeri amasari maaru.

1 Yohana 3:16

Mbe, Kirisito hano abhoruusiri obhuhöru bhooche gho ghiri yiito, natwërëkiri obhosiighi bho bhuhëënë n‑ghento ke. Wiiki na niitu hangʼu hangʼu, ntokwëndëru toruusi obhuhöru bhwito gho ghiri e bhaghëndi bhiito.

1 Yohana 3:23

Omoghiro waache niwe uno, kubha tomokumi Omoona waache, Yesu Kirisito, na ghosiighana, kinya bhuno ꞉aturagheriiri.

Obhohunyurëru 1:5

na koru kwo Yesu Kirisito, ghibhe haghirohamu na niinyu. Uyo niwe omwibhateri omuhëënë. Niwe o mumbërë koryoka koru mo‑bhaku, kubha abhe omukangati o bhatëmi bhoose mo‑se. Yesu niwe atosiighiri aghatusaasura koru mo‑masari ghiito gho nchëra e masaahë ghaache.

Obhohunyurëru 5:9

Bhakamwembera Omoona o Ngʼöndu omwembo omuhë uno ore orabhugha, “Iye nokurëngʼaanera kwimoki eghitabhu kiyo, na kunaanura emehuuri gheeche ghe nyaghame, gho kubha iye ꞉noosinchuru. Amasaahë ghaacho, ghakareghorera Eryobha abhaato bha matöngö ghoose, na bha bhighambo bhyose, na abhahiiri bhoose na chaase choose.