Abhaebheeso 5:14 - Eriiraghano Eriihë

¹⁴ Nikyo eghughambu kubha, “Bhooka iye uno osundaghiire! Oryoke koru mo‑bhaku, na Kirisito nakuucha ghokurëngaareri.”

Abhaebheeso 5:14 ပူးပေါင်းရင်းမြစ်များ

Ruuka 1:78

Eryobha riito, ndetoghweriire ebheghongi chwee. Obhotoori bhooche koru Mwishaaro, mboghotorwera ke mirëngaari,

Ruuka 15:24

gho kubha omoona waane uno, naare abhoriri, amare ˆakabhönëka. Wiiki naare kinya akuure, amare ibheere m-muhöru!’ Niho bhayo bhoose bhaghasëëma ghuköra obhughëni gho ghuchömëru.

Yohana 8:12

Mbe, Yesu akëëndërëra ghosiikëra wiiki ne erikinda riire akabhugha, “Eni neeni obhwero bho se. Omooto wowoose uno aghuntambana eni, taaghughënda mo‑kengʼuuri naabha, amare naakubha no obhwero bhuno bhokomukangata mo‑bhuhöru bho miishe ghyose.”

Yohana 9:5

Eriibhagha nekeere neenyi mo‑se ino, eni n‑obhwero bho se.”

Amaköri gha Bhatomu 13:47

Mbe, gho kubha Omutëmi natoheere amëërëkërëri kubha, ‘Nebhatooriri mubhe obhwero kwo bhaato bha matöngö, kubha abhaato bhabhönë ghotooribhu mo‑se yoose.’”

Abharuumi 6:13

Motiishereri ebhyemo bhyobhyose bhe mebhere gheenyu bhihökëru gho ghiri e masari kinya ebheghiro ebhebhe, amare mwiruusi kwo Waryobha. Mwirighi kubha moonyi abhaato bhano bharyokiibhu koru mo‑bhaku, na ghusöhibhu mo‑bhuhöru obhuhë. Mwiruusi kwo Waryobha, ne ebhyemo bhyose bhe emebhere gheenyu bhibhe bherarikörëra emeremo kinya ebheghiro ebhihëënë.

1 Abhakorinto 15:34

Musëëmë kuhökëri obhongo bhoonyu wiiki kinya bhuno mokwëndëru, na ghotigha ghuköra amasari, gho kubha abhamu ghate yaanyu bhataryeche Eryobha. Neghosiikëra ghayo, kubha nebhasooki.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhaebheeso 2:1

Inyu moore mokuure mo‑chaakörö gho ghiri e mabhe na amasari ghaanyu.

Abhaebheeso 2:5

nikyo retoheere obhuhöru haghirohamu na Kirisito. ꞉Ndiiköriri hangʼu nangabha itu toore tokuure mo‑chaakörö, gho ghiri e masari ghiito. ꞉Ndeetotooriri gho ghareeya yaache.

Abhakorosaayi 3:1

Ibheere gho kubha atëëmö yaanyu ahë neryokiibhu haghirohamu na Kirisito, mutabhare amangʼana gha Mwishaaro, hano Kirisito ikeere eribhaara re kwiro re Ryobha.

1 Abhatesaronike 5:6

Ibheere totamisi chandöörö ke bhaato abhande, amare tubhe miisho na kubha ne ekirëngërë.

2 Timotewo 1:10

Amare ibheere, ndyërëkiri aghareeya yaache ghokwito, gho kuucha gho Kirisito Yesu Omotoori wiito. Iwe nakindiri changuru che roko, na nëërëkiri obhuhöru bho miishe ghyose gho nchëra e Ngʼana Anchömu.

2 Timotewo 2:26

Niho, bhaghotora wiiki kubhöna amangʼiini, bhatooribhu koru mo‑muhëtö o Rishambu. Iryo ndebhaghöötiri, kubha bhabhe bharaköra amënda ghaache.