Abhaebheeso 5:11 - Eriiraghano Eriihë

¹¹ Motabha moraghöötana na abhaato bhano bhaghuköra amangʼana amabhe gha mo‑kengʼuuri. Amare mubhe moraghatoora haheero.

Abhaebheeso 5:11 ပူးပေါင်းရင်းမြစ်များ

Mataayo 18:15

“Aribha omokumi mughëndi waacho aghutasiiri, omutambane omoshaangʼi moonyi inyu bheene. Aribha arakoghwera, mbe, nookubha obhwine wiiki omokumi mughëndi waacho.

Ruuka 3:19

Achekumara, Yohana akamwitweka omukangati Herote, gho kubha ꞉naamwimokiri Herotiya, mka o mööbhö, akamokwira. Yohana akamohiinya kwo ngʼana iyo, na kwo mabhe ghoose ghano are araköra.

Amaköri gha Bhatomu 26:18

gho ghiri obhahunyure amiisho, mbagha bharu mo‑kengʼuuri bhiigharurere obhwero, na bharu mo‑bhukangati bho Rishambu, bhiigharurere Eryobha. Hangʼu niho bhakwabhëru amasari ghaabho, mbaakubha haghirohamu na abhande bhoose bhano bhamusuru gho nchëra e ghonkumi.’

Abharuumi 13:12

Ibheere, obhotiko ˆbhokiihereekerera na amake ˆghaghatingʼi. Gho ghayo, totighe amaköri amabhe ghano ghahaaköru mo‑kengʼuuri, na tughöötë ebhiröönërö bhe bhwero.

Abharuumi 16:17

Ibheere, abhahiiri bhaane, ˆnekabhasasaama kubha, mubhe miisho na abhaato bhano bhakurëëta obhwahukani ghate yaanyu, abhaato bhayo mbakwënda ghusari obhokumi bhoonyu, na mbakwanga ameeghi ghano ꞉mweeghuru. Mwikare kurë nabho, gho kubha ameeghi ghaabho ghataaghuye haghirohamu na ghano ꞉mweeghuru!

Abharuumi 6:21

Amare n‑obhwëra ke mobhwine kurëngʼaana na amaköri ghaanyu amabhe, ghano ibheere ghaghughëri morighi chaasoni? Bhotaanyi‑ho obhwëra bhobhoose! Antenero e mangʼana ghayo ngakurëëta oroko ro miishe ghyose.

Abhagharatiya 6:8

Mbe, omooto uno aghutambana amiigha ghaache amabhe, naghughësa ghosireekereru na amiigha ghayo. Amare uno aghutambana Akörö Ahörëëru, naghughësa koru gho Körö Ahörëëru obhuhöru bho miishe ghyose.

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 5:12

Amangʼana ghano ghaghuköru na abhaato abhabhe gho kebhisere, n‑gha chaasoni koru ghoghaghamba.

Abhaebheeso 5:7

Gho ghayo, motaghöötana na abhaato kinya bhayo.

Abhakorosaayi 1:12

mubhe moramwitabheri Taata gho kubha nabhasakiiri ghusanga aghabho e bhaato bhaache mo‑bhutëmi bho mirëngaari.

1 Abhatesaronike 5:7

Bhano bhakomisi chandöörö, mbahaamisi obhotiko. Wiiki bhano bhakurëëwu, mbahaarëëwu obhotiko.

2 Abhatesaronike 3:14

Aribha omooto wowoose ataakwënda ghoghaghööta amaraghereri ghiito ghano ghaanyi mo‑nyaarubha ino, mubhe miisho no omooto uyo. Motaghöötana nawe kubha arighi chaasoni.

2 Abhatesaronike 3:6

Abhahiiri bhiito, ntokobharaghereri kwo bhukangati bho Mutëmi Yesu Kirisito kubha, mobhiisache abhaghëndi bhaanyu bhano bhaanyi abhatöbhu bhano bhataaghutambana ameeghi ghano tobhaheere.

1 Timotewo 5:20

Amare abhagharuka bhano bhakwëndërëra ghuköra amasari, obhahiinye ambërë e bhaato bhoose, kubha abhande bhatiine.

1 Timotewo 5:22

Otiishereri kwo bhwango komotoora omooto mo‑meremo ghe Mutëmi, gho kubha oramotoora omuköri o masari mo‑meremo ghiyo, iye woose nookubha wisangiri mo‑masari ghaache. Iye wichonge, kubha usaaghe mughöröröku.

1 Timotewo 6:5

wiiki ngaghusari obhoghwani chaasiko choose. Abhaato bhayo mbasarëkiri emitu, bhateeche obhuhëënë. Mbakwihëëbha kubha korisëngëra Eryobha niyo anchëra e kubhöna obhwame.

2 Timotewo 3:5

Abhaato bhayo, gho nche mbakorighibhu kinya abhaato bhano bhakorisëngëra Eryobha, amare mo‑metema gheebho mbakwanga changuru cheeche. Abhaato bha atëëmö iyo, wikabhaahe nabho.

2 Timotewo 4:2

Ibheere, ubhe oraraghani Angʼana Anchömu e Ryobha. Ubhe wiisëëmiri ghuköra hangʼu eriibhagha ryoryose, kwo riibhagha rino rirëngʼaaniire na rino retarëngʼaaniire. Ubhe oratöngëra, no orahiinya no orabhaköngʼi abhaato. Ukörë hangʼu, ino oreeghi kwo bhoghumereri bhoose.

Tiito 2:15

Mbe, ubhe oreeghi amangʼana ghayo ghoose. Wishereriiru kobhaköngʼi na kobhatöngëra abhaato kwo bhotoro bhoose. Gho ghayo, omooto wowoose ataghutaraaha.

Obhohunyurëru 18:4

Niho nekooghu eriiraka erende koru Mwishaaro, rerabhugha, “Moru ghokooche, inyu abhaato bhaane, kubha motaghöötana nawe ghuköra amasari ghaache, na motabhöna anchagho haghirohamu nawe.