Abhaebheeso 4:31 - Eriiraghano Eriihë

³¹ Mbe, mutaane no obhororo, na ghukarara, ne eriireghe, na amatoki na kobhiiherana. Mutaane kurë no obhobhe bhoose!

Abhaebheeso 4:31 ပူးပေါင်းရင်းမြစ်များ

Amaköri gha Bhatomu 21:30

Anyööri eghasancha mo‑moghya uyo woose o Yerusareemu. Abhaato bhakaacha koru chambaara choose bhakamusöhërëra Bhawuro bhakamughööta, bhakamohoroki anche e Erisëngërö. Hayo hayo charwighe che Erisëngërö cheghiigharu gho changuru.

Abharuumi 3:14

Emenu gheebho ngiichwire amangʼana gha kwihiima, na amangʼana ghano ghakunyahaara.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 5:8

Ibheere, totaköra anyangi yiito e Bhaasaka gho kimëra ghe kare, nigho amabhe na amasari, amare toyikörë kwo mighaate ghino ghetaaghotooreru eghetondori, nigho omukörö mwero no obhuhëënë.

2 Abhakorinto 12:20

Ibheere neghotiina kubha, eriibhagha rino nekuucha bhowaanyu, nekobhabhöna moonyi na atëëmö ino etaaghunchömëri eni. Riyo ndeghughëri nikörë ghano ghataakobhachömëri inyu. Neghotiina kubha neghotora kobhabhöna moonyi ne eriireghe, no obhusööhu, no oghukarara, no obhunyawumu, no obhori bho bhaato, na kwibhora amangʼana, no obhwihachi na amahë.

Abhagharatiya 5:20

na ghusëngëra asanaamu, no obhoturutumbi, no obhobhisa, no obhurööni, no obhusööhu, ne eriihari, na ghukarara, ne eriibhutu, na kwanga koghwana, na kwibhora amangʼana,

Abhaebheeso 4:22

Mbe, motighe ghano moore moraköra ekimbërë, asughara e kare ino eghusarëka, gho ghutambana amiigha ghano ghakobhangʼiina,

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

Abhaebheeso 4:26

Aribha morakarara, motiishereri oghukarara koonyu ghughëri mukörë amasari, na koru hangʼu eryobha retasikera mokeere mukariire,

Abhakorosaayi 3:19

Inyu abhasubhe, mubhe morabhasiigha abhakari bhaanyu, motabha bhahaari ghokoobho.

Abhakorosaayi 3:8

Amare ibheere motighe inkongʼorimu, ghukarara, no obhororo, na amabhe, na amatoki, na amangʼana ghano ghatanchakiine mo‑menu gheenyu.

1 Timotewo 3:11

Abhakari bhaabho nabho, bhabhe bhano bhaanyi na atëëmö inchömu, bhatabha abhitaamereri bha bhaato, bhabhe ne ekirëngërë, wiiki bhabhe abhahëënë mo‑mangʼana ghoose.

1 Timotewo 3:3

Atabha omurëëbhi, atabha omurööni, abhe muhörëëru uno asiighiri omurëmbë. Wiiki atabha omosiighi o chambiiri.

1 Timotewo 5:13

Abhasino bhayo, mbanariri atëëmö e bhutöbhu, bhariinaaranaara mo‑chaaka che bhaato. Wiiki, m‑bhakobhooshani, mbaghwisöhi mo‑mangʼana gha bhaato abhande, na ghosiikëra ghano ghataakubha.

2 Timotewo 2:23

Otighe erihakaana re ghighëëghë rino retaanyi no obhwëra, gho kubha weeche erihakaana, ndehaarëëta eriihë.

2 Timotewo 3:3

Wiiki, bhataanyi no obhosiighi no omooto wowoose, na bhataakwënda koghwana, mbaakubha abhari bha bhaato, na bhataakubha ne ekirëngërë, na mbaakubha bhahaari, na bhataaghosiigha amachömu.

Tiito 1:7

Ibheere asikoofu, nakwëndëru abhe omooto uno ataanyi ni isörö, gho kubha nahaabhuru emeremo ghe Ryobha. Atabha omooto uno anyi no omutu muköngʼu, na atabha mwango o ghukarara, na atabha omurëëbhi, na atabha omurööni, wiiki atiighomba kwibhönëra chambiiri gho nchëra ambe.

Tiito 2:3

Bhuure bhuure abhaghiikoro abhakungu, obhabhoorere kubha bhabhe no orughëndö runo rokoreghongi Eryobha. Bhatabha abhitaamereri bha bhaato, na bhanyo bha maro, amare mbakwëndëru kweghi amangʼana amachömu.

Yakobho 1:19

Abhahiiri bhaane abhasiighani, muntëghëërërë bhoheene! Omooto woose abhe mwango o ghutëghëërëra, amare atabha mwango o ghosiikëra hamu ghukarara,

Yakobho 3:14

Amare aribha moonyi ne eriihari rino risangeriine obhororo no obhunyawumu mo‑chaakörö cheenyu, motiihacha kubha moonyi na amangʼiini, ino morasiikëra obhuröngö mo‑bhuhëënë.

Yakobho 4:11

Abhahiiri bhaane, motabha moratëmana amasörö, gho kubha, omooto woose uno aghutëma amasörö mughëndi waache, hamu komotenera ekiina, naakubha ataraahiri emeghiro ghe Ryobha. Aribha oraghitaraaha emeghiro, nekwërëki kubha toghesookiri emeghiro, amare nubheere omoteni o kiina o kobhiihera meghiro ghiyo.

1 Bheetero 2:1

Mbe, motighe obhobhe bhoose, no obhuröngö bho manga ghoose, na amangʼana amabhe ne eriihari, koru kobhiiherana.

1 Yohana 3:12

Totabha kinya Kaayini, iwe n‑omoona o Rishambu are, akamwita omonyi waache. Ngwake amwitiri? Namwitiri gho kubha amaköri gha Kaayini ngaare mabhe, amare gha monyi waache ngaare gha bhuhëënë.

1 Yohana 3:15

Wowoose uno amurëghiri mughëndi waache, n‑omwiti. Mweche kubha taanyi‑ho omwiti uno anyi no obhuhöru bho miishe ghyose moose yaache.

Obhohunyurëru 12:10

Mbe, nekooghu eriiraka ikoro koru Mwishaaro rerabhugha, “Ibheere, Eryobha riito ˆreghatoori abhaato bhaache. Ndihökiiri obhotoro bhooche ghusëëmi obhutëmi bhooche! Kirisito woose nëërëkiri obhotoro bhooche, gho kubha omusëmi o bhakumi bhaghëndi bhiito narëkiiru haase, uno akobhasëma ambërë e Ryobha obhotiko no omwishe.