Abhaebheeso 4:29 - Eriiraghano Eriihë

²⁹ Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 4:29 ပူးပေါင်းရင်းမြစ်များ

Mataayo 5:16

Hangʼu hangʼu ne emirëngaari gheenyu ngekwëndëru ghirëngaari kwo bhaato, kubha bhabhönë korighi amaköri ghaanyu amachömu, bhamoghongi Iso waanyu uno anyi Mwishaaro.

Ruuka 4:22

Yesu hano abhabhooriire amangʼana ghayo gha ghareeya, ghaghaghëri abhaato bhoose komughamba bhoheene. Bhakaroghoora chwee, bhaghasëëma kobhoorani, “Kana uno, taanyi omoona o Yusubhu?”

Yohana 1:37

Hano abhaanabheegha bha Yohana ꞉bhooghwire ghayo, bhakamutambana Yesu.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 15:2

Omooto woose ghate yiito, iköngʼi ghuköra ghano ghakomotegheri omokumi omughëndi waache, kwo mangʼana amachömu, kubha obhokumi bho uno ataamara aköngʼëri bhuköngʼë.

1 Abhakorinto 14:19

amare mo‑riikanisa nesiighiri chwee ghosiikëra kwo bhongo amangʼana ataano ghano ghakumënyu kubha nebheeghi abhande. Riyo niryo ichömu bhobhe ghokera ghosiikëra amangʼana ebheku ikomi (10,000) mo‑ghighambo ekende.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhakorosaayi 4:6

Eriibhagha ryose amangʼana ghaanyu ghabhe amachömu na gha ghotegheri, kubha mumënyë komugharokeri bhoheene omooto woose.

1 Abhatesaronike 5:11

Ibheere mwighambisani na ghwitoora omukörö, mwëndërërë ghwiköngʼi kinya moghuköra.

1 Bheetero 2:12

Mobhakörërë amachömu abhaato bhano bhataryeche Eryobha, kubha eriibhagha bhaakubha bharabhabhiihera amangʼana amabhe, bharighi amaköri ghaanyu amachömu. Niho bhaghotora koreghongi Eryobha gho ghiri yaanyu, mo‑rosiko ro kuucha kooche.

1 Bheetero 3:1

Hangʼu hangʼu inyu abhakari, mobhasooke abhasubhe bhaanyu, kubha aribha bhaanyi‑ho bhano bhataakorekumi Eryobha, bhatore korutu gho korighi atëëmö yaanyu anchömu. Gho ghayo bhatore ghokumi Eryobha nangabha bhatabhooriiru angʼana,

2 Bheetero 2:18

Mbaghosiikëra amangʼana gha bhwihachi na ghano ghataanyi ne ekebhune, na gho ghutambana amiigha ghaabho amabhe gha mobhere mbahaatëgha abhaato bhano bhakumiri kwo riibhagha ighuhe, na ghutaana na abhaato bhano bhikareriire obhobhiihi.