Abhaebheeso 4:15 - Eriiraghano Eriihë

¹⁵ Amare torabhoorerana obhuhëënë kwo bhosiighi, ntoghuköngʼa mo‑mangʼana ghoose na kohikera kubha kinya Kirisito, uno anyi omutu o riikanisa.

Abhaebheeso 4:15 ပူးပေါင်းရင်းမြစ်များ

Yohana 1:47

Hano Yesu amorooche Natanaheri araacha ghokooche, akabhugha, “Mööhi, omooto uyo n‑Omwisiraeri o hëënë, uno ataanyi ni isörö moose yaache.”

Abharuumi 12:9

Mobhasiighe abhaghëndi kwo mukörö mwero. Motighe kimu ghuköra amabhe, amare mukörë amachömu eriibhagha ryose.

1 Abhakorinto 11:3

Amare ibheere nekwënda mumënyë kubha omutu o mosubhe wowoose uno akumiri, n‑Kirisito, no omutu o mukari, n‑omosubhe waache, no omutu o Kirisito n‑Eryobha.

2 Abhakorinto 4:2

Ntwangiri inkongʼorimu ghuköra ghano ghaanyi mo‑kebhisere na gha chaasoni, koru kobhangʼiina abhaato, koru ghusangerani angʼana e Ryobha no obhuröngö. Amare ntoghosiikëra obhuhëënë haheero, kubha abhaato bhoose bhamënyë mo‑metema gheebho kubha ntoonyi no obhuhëënë ambërë e Ryobha.

2 Abhakorinto 8:8

Nteeghosiikëra ghano gho ghiri e kobhahatëka, amare nekwënda korighi aribha obhosiighi bhoonyu m‑bho hëënë. Neghuköra hangʼu gho nchëra e köbhëërëki kinya bhuno abhande bhaghwiköngʼi ghusakeri.

Abhaebheeso 1:22

Eryobha ndetooriri ebheghiro bhyose bhibhe haase e bhukangati bho Yesu na ndemotooriri mo‑riikanisa arikangate, iwe uno anyi omokoro ighoro e bheghiro bhyose, kinya omutu mo‑mobhere.

Abhaebheeso 1:4

Hano Eryobha reere rekeere ghutëëma ase ino, ꞉ndeetwahwire tubhe abhaato bhaache gho ghughöötanibhu na Kirisito kubha, tubhe abhatööbhiyu na totaanyi ni isörö ambërë yaache. Kwo bhosiighi bhooche,

Abhaebheeso 2:21

Iwe niwe aghughöötani anyumba yoose na koyekori koru ibhe Ahaghiro Ahatööbhiyu Mwisëngërö, gho ghiri e Mutëmi.

Abhaebheeso 4:25

Gho ghayo, motighe obhuröngö. Omooto woose nakwëndëru kobhoorera mughëndi waache obhuhëënë, gho kubha itu bhoose n‑ebhyemo bhe mobhere o Kirisito toonyi.

Abhaebheeso 5:23

Mokwëndëru ghuköra hangʼu, gho kubha omosubhe naanyi no obhotoro ighoro e mukari waache. N‑kinya bhuno Kirisito anyi no obhotoro ighoro e riikanisa. Iwe omwene niwe Omotoori o riikanisa, rino reenyi omobhere waache.

1 Bheetero 1:22

Inyu mumanyiri kurëngʼaana na ameeghi gha hëënë ighoro e Yesu. Gho ghayo, emetema gheenyu ngyeghuru ni ibheere moghotora ghosiigha abhaghëndi bhaanyu kwo bhuhëënë. Mbe, mosiighane kwo mukörö mwero,

1 Bheetero 2:2

Kinya bhuno ebhengʼwerere bhehiighomba amabhëërë gha bhaanyina, na niinyu bhuure bhuure mwighombe amabhëërë gha hëënë gha Körö e Ryobha, kubha muköngʼë na ghotooribhu.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Yohana 3:18

Abhaana bhaane abhasiighani, totabhasiigha bhaghëndi bhiito kwo mangʼana agheene, amare tosiighane kwo bhuhëënë gho nchëra e ghukörërana amachömu.