Abhaebheeso 4:13 - Eriiraghano Eriihë

¹³ Emeremo ghiyo ngekwëndërëra mbagha itu bhoose tohikere kubha bhamu mo‑bhokumi na komumënya bhoheene Omoona o Ryobha, tubhe abhaato bhano tuköngʼiri gho kohikera ekirëngërë ke bhohikeerani bho Kirisito.

Abhaebheeso 4:13 ပူးပေါင်းရင်းမြစ်များ

Mataayo 11:27

Yesu akëëndërëra kweghi abhaato bhayo arabhugha, “Taata waane, namariri ghotoora ghoose mo‑mabhökö ghaane. Wiiki taanyi‑ho uno amweche Omoona, n‑Ishe omwene. Koru taanyi‑ho uno amweche Ishe, n‑Omoona omwene, na wowoose uno Omoona akwënda komohunyurera.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Yohana 16:3

Mbakobhakörëra hangʼu, gho kubha bhatamweche Taata, wiiki bhatanyeche eni.

Yohana 17:21

Neghusabha kubha bhayo bhabhe egheghiro kimu. Taata, neghusabha bhabhe moose yiito, kinya bhuno iye onyi moose yaane, na neeni neenyi moose yaacho. Neghusabha kubha bhabhe egheghiro kimu, kubha abhaato bha mo‑se bhatore ghwishereri kubha n‑iye ontomiri.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Yohana 6:69

Itu ntoghokumi, wiiki ntweche kubha iye n‑Omutööbhiyu koru kwo Ryobha.”

Amaköri gha Bhatomu 4:32

Abhakumi bhayo bhoose mbaare bhaghöötiine korwera mo‑metema na mo‑miihëëbhö ghaabho. Taanyi‑ho mooto uno ꞉ighombiire ebheghiro bheeche kubha m‑bhebheeche omwene, amare ꞉mbaaghöötiini ebheghiro bheebho bhyose.

1 Abhakorinto 1:10

Ibheere, bhahiiri bhaane, nekobhasasaama kwo riina re Mutëmi wiito Yesu Kirisito kubha, motabha moraheteerana mo‑maghamba. Motaanga kubha no obhoghwani ghate yaanyu, amare mubhe bhamu mo‑ghano mokwënda na mo‑ghano mokwihëëbha.

1 Abhakorinto 14:20

Abhahiiri bhaane, motiihëëbha kinya abhaana, amare mubhe moriihëëbha kinya abhantomonkoro. Amare ighoro e mabhe, mubhe kinya ebhengʼwerere.

1 Abhakorinto 2:6

Amare itu, ntoghosiikëra amangʼana gha mangʼiini mo‑bhaato bhano bhaköngʼiri mo‑bhokumi, amare amangʼiini ghayo ghataanyi gha se ino, wiiki ghataanyi gha bhakangati bha se ino bhano bhaakoru‑ho.

2 Abhakorinto 4:6

Eryobha rino ꞉reebhughiri kubha, “Obhwero bhurëngaari mo‑kengʼuuri,” niryo riyo rirëngaariri mo‑metema ghiito, na ghotuköra tumënyë obhokumi bhooche obhokoro bhuno bhokurëngaari mo‑bhosho bho Yesu Kirisito.

Abhagharatiya 4:19

Abhaana bhaane, rino n‑eriibhagha erende wiiki ghokoone kooghu obhororo gho ghiri yaanyu, kinya bhuno obhosongo bhohaamure omukari uno anyi inda, eriibhagha re kwibhora. Nekwiyoghu hangʼu hangʼu, mbagha atëëmö e Kirisito erighibhu mo‑tëëmö yaanyu.

Abhaebheeso 1:17

Nekwëndërëra korisabha Eryobha re Mutëmi wiito Yesu Kirisito, Taata o bhokumi obhokoro, abhahë inyu Akörö yaache kubha mubhe na amangʼiini no obhohunyurëru, motore korimënya bhoheene.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 2:15

aghatoruuseri emeghiro ghe Kiyahuuti ghino gheenyi na amahatëkö na amëërëkërëri. Gho ghayo, aghaköra itu Abhayahuuti na abhaato bha matöngö kubha egheghiro kimu ekihë kino keenyi no obhumu nawe, na akarëëta omurëmbë.

Abhaebheeso 4:12

꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 4:3

Mwiköngʼi ghochonga obhumu bhuno bhokurëëtu na Akörö Ahörëëru gho kumanya haghirohamu kwo murëmbë.

Abhaebheeso 4:5

Omutëmi wiito n‑umu, no obhokumi m‑bhumu no obhubhatiiso bhwito m‑bhumu.

Abhabhiribhi 3:10

Nekwënda nemumënyë Kirisito chwee na kubha na changuru ghe chino are nacho Kirisito eriibhagha re koryoka kooche. Nekwënda kubhöna anyaako kinya iwe ꞉anyaakiibhu, wiiki nekwënda neku kinya akuure.

Abhabhiribhi 3:8

Koru taanyi ghayo agheene, amare nerighi ghoose kubha ghataanyi no obhwëra bho ghokera obhwëra obhokoro bho komumënya Kirisito Yesu, Omutëmi waane. Gho ghiri yaache, netighiri aghande ghoose. Neghoghabhara ghayo kinya abhuusa, kubha nibhe omooto o Kirisito,

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 2:2

Kino nekwënda n‑kubha, motooru omukörö na ghutëmëëranibhu mo‑bhosiighi. Nekwënda mubhönë obhumënyi bhoose bhuno bhokobhaha obhuhëënë. Hayo mokumënya ekebhisere ke Ryobha, nikyo Kirisito omwene.

Abheebhuraaniya 5:14

Amare abhantomonkoro mbahaaraaghëra ebhiinyakurë ebhiköngʼu, ibho mbeeghiri na mbanariri kwahukani amachömu na amabhe.

2 Bheetero 1:4

Gho nchëra iyo, ndetoheere ebhihaano ebhekoro na bhe riighori, bhino ꞉reeturaghiire. Ebhihaano bhiyo, mbeghototoori koru mo‑bhobhe bho ghusari abhaato bhuno bhoonyi mo‑se, gho ghiri e miighombo amabhe. Wiiki mbeghototoori tubhe no obhughöötani bho simoka e Ryobha.

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.

1 Yohana 5:20

Wiiki ntweche kubha Omoona o Ryobha namariri kuucha, natoheere obhongʼiini, kubha torimënyë Eryobha re hëënë. Ntoonyi no obhumu ne Eryobha re hëënë, gho nchëra e kubha no obhumu no Omoona waache Yesu Kirisito. Rino niryo Eryobha re hëënë, no obhuhöru bho emiishe ghyose.