Abhaebheeso 4:12 - Eriiraghano Eriihë

¹² ꞉Naaköriri hangʼu atore ghusëëmi abhaato bha Ryobha mo‑meremo ghe bhutamishi, na hayo mbakwabhëka eriikanisa, rino reenyi omobhere o Kirisito.

Abhaebheeso 4:12 ပူးပေါင်းရင်းမြစ်များ

Ruuka 22:32

Amare, neghusabhiire kwo Waryobha, kubha otakindu mo‑bhokumi bhoocho. Na hano okubha ungarökiire, obhatoore changuru abhaghëndi bhaacho.”

Amaköri gha Bhatomu 1:17

Yuuta naare omotomu mughëndi wiito, ntuhaabhuru emeremo ghino haghirohamu nawe.”

Amaköri gha Bhatomu 1:25

Omooto uyo okwahura, imoki omweya o bhotomu bhuno ꞉bhootighuru na Yuuta, uno akuure na ghuye ahaghiro hano hamurëngʼaaniire.”

Amaköri gha Bhatomu 11:23

Hano ahikiri iyo, akarighi kebhuno aghareeya e Ryobha ebhiitabhiiri abhaato bhayo. Aghachömëru chwee, akabhatoora omukörö bhaköngʼëri komosooka Omutëmi kwo metema gheebho ghyose.

Amaköri gha Bhatomu 20:24

Koru neraku, taanyi gheghiro ghokoone. Kino nekwënda nehikeerani omoremo uno Omutëmi Yesu aheere nikörë. Omoremo uyo, n‑kuraghaneri abhaato Angʼana Anchömu e ghareeya e Ryobha.

Amaköri gha Bhatomu 20:28

Akörö Ahörëëru nebhatooriri mubhe abhiimeerereri bha bhaato bhaache. Gho ghayo, mubhe moriichonga inyu bheene, mubhe morachonga ne eriikanisa reeche, gho kubha eriikanisa riyo, Eryobha ndereghoriri kwo masaahë gha Moona waache kobhatoori.

Amaköri gha Bhatomu 9:31

Mbe, chaasiko chiyo, abhaato bha mo‑kanisa haghiro hoose ha Yuteya, na Ghariraaya, na Samaariya bhaakabha no omurëmbë. Abhaato bhayo bhakabhöna changuru na ghotooru omukörö na Akörö Ahörëëru. Bhaakabha bharamosooka Omutëmi, ne ekirëngërë ke bhano ꞉bhaakumiri ghëkëëngëra chwee.

Abharuumi 12:5

Hangʼu nibhu na niitu toonyi. Itu ntoonyi bhaaru, amare ntubheere omobhere umu gho ghughöötana kwito na Kirisito. Mo‑mobhere waache, omooto woose n‑ekyemo ke mughëndi waache.

Abharuumi 12:7

Omooto uno ahaabhuru ekihaano ghe kuhökëri abhaghëndi bhaache, abhahökëri bhoheene. Wiiki omooto uno ahaabhuru ekihaano ghe kweghi, eghi bhoheene.

Abharuumi 14:19

Gho ghayo, twiköngʼi eriibhagha ryose ghuköra amangʼana ghano ghakurëëta omurëmbë na ghano ghaghuköngʼi bhaghëndi bhiito mo‑bhokumi.

Abharuumi 15:14

Abhahiiri bhaane, eni omwene neenyi no obhuhëënë kubha inyu n‑abhaato abhahöriicho chwee, na moonyi no obhumënyi bhoose, wiiki moonyi no obhotoro bho korwachana inyu bheene kwo bheene.

Abharuumi 15:2

Omooto woose ghate yiito, iköngʼi ghuköra ghano ghakomotegheri omokumi omughëndi waache, kwo mangʼana amachömu, kubha obhokumi bho uno ataamara aköngʼëri bhuköngʼë.

Abharuumi 15:29

Kwo riibhagha rino neekubha neenyi hayo, nyeeche kubha Kirisito naghotwitabheri itu bhoose.

1 Abhakorinto 12:27

Mbe, inyu bhoose n‑omobhere o Kirisito moonyi, no omooto woose ghate yaanyu n‑ekyemo ke mobhere uyo.

1 Abhakorinto 12:7

Mbe, omooto woose nahahaabhu obhohunyurëru bho Körö kwo bhwëra bho bhaato bhoose.

1 Abhakorinto 14:12

Hangʼu keenyi na ghokoonyu. Ibheere, gho kubha mokwënda chwee kubha ne ebhihaano bhe Körö Ahörëëru, mwiköngʼi chwee ghutabhara ebhihaano bhino bheghusakeri abhakumi bhaköngʼëri mo‑bhokumi.

1 Abhakorinto 14:14

Neghosiikëra hangʼu, gho kubha nerasabha gho ghighambo ekende, akörö yaane niyo eghusabha, amare obhongo bhoone bhotaakubhöna ghyokyose.

1 Abhakorinto 14:26

Ibheere abhahiiri bhaane, tobhughe bhu? Hano mookubha mwikomiine ghusabha, umu nakwemba omwembo, no owonde nakweghi, no owonde naghosiikëra ghano Eryobha remohunyuriire, no owonde naghosiikëra eghighambo ekihë, no owonde naghugharura eghighambo. Amangʼana ghayo ghoose ghaköru gho ghuköngʼi abhakumi.

2 Abhakorinto 12:19

Ghasi moghwituuri kubha eriibhagha rino ryose, ntoghwitachura ambërë yaanyu. Amare itu ntoghosiikëra ghano ambërë e Ryobha, gho kubha n‑abhatamishi bha Kirisito toonyi. Abhasiighani bhiito, ghano ghoose ntoghuköra gho ghiri e kobhatoori muköngʼëri mo‑bhokumi.

2 Abhakorinto 13:11

Ibheere, abhahiiri bhaane, masaraamu! Mubhe bhaghöröröku, na mwighambisani, na mubhe no obhumu, na mubhe no omurëmbë. Eryobha ryose rino reenyi no obhosiighi no omurëmbë ndeekubha haghirohamu na niinyu.

2 Abhakorinto 13:9

Ntoghuchömëru hano tookubha abhatöbhu, amare inyu moonyi na changuru. Ntokorisabha Eryobha rebhatoori mubhe bhaghöröröku.

2 Abhakorinto 3:8

gho ghayo, mahëënë amahöki gha Körö Ahörëëru ngaakubha no obhokumi obhokoro chwee.

2 Abhakorinto 4:1

Ibheere, gho kubha Eryobha gho changori cheeche ndetoheere emeremo ghino, totaaghoku omukörö.

2 Abhakorinto 5:18

Ghano ghoose ngakorwera kwo Waryobha uno ꞉atomiri Kirisito atutëmëërani itu nawe. Na niitu natoheere emeremo ghe kuraghani obhoghwani bhuyo.

2 Abhakorinto 6:3

Totamuköriire omooto wowoose angʼana ino eghotora komuköra atukararere, kubha obhutamishi bhwito bhotaacha ghughambu kobhe.

2 Abhakorinto 7:1

Ibheere, abhasiighani bhaane, Eryobha ndeturaghiri amangʼana ghayo ghoose, gho ghayo twiyeri mo‑ghoose ghano ghaghotuköra kubha abhaghonchu mo‑mebhere na mo‑metema ghiito. Tubhe abhatööbhiyu kwo mangʼana ghoose gho nchëra e koresooka Eryobha.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 4:16

Kirisito naghughöötani abhaato bhaache bhoose kubha bhamu, kinya bhuno ebhyemo bhe mobhere bhehaghöötana haghirohamu, na kubha omobhere umu. Mbe, kira kyemo keraköra omoremo waache kinya ghekwëndëru, omobhere woose nokwiyëngëra na ghuköngʼëri mo‑bhosiighi.

Abhaebheeso 4:29

Emenu gheenyu ghetasiikëra amangʼana amabhe, amare ghesiikërë amangʼana amachömu ghano ghaghusakeri abhaato abhande, kubha ghabhahë aghareeya bhano bhaghoghooghu.

Abhaebheeso 4:4

Itu bhoose ntoonyi kinya omobhere umu na ꞉ntoobhwine Akörö Ahörëëru imu, kinya bhuno eriitëngʼërö rino mobherekiiru ne Eryobha reenyi rimu.

Abhakorosaayi 1:24

Ibheere neghuchömëru kwo nyaako ino nekubhöna gho ghiri yaanyu. Mo‑mobhere waane neghusanga anyaako ino Kirisito ꞉abhwine gho ghiri e mobhere waache, niryo eriikanisa.

Abhakorosaayi 1:28

Iwe Kirisito niwe tokuraghani amangʼana ghaache, ntokobhashaangʼi na kobheeghi abhaato bhoose kwo mangʼiini ghoose, kubha tobharëëtë bhoose ambërë e Ryobha bhaköngʼiri gho ghughöötana koobho na Kirisito.

Abhakorosaayi 4:17

Momobhoorere Arikibho kubha, ahiki bhoheene emeremo ghino Omutëmi amoheere.

1 Timotewo 1:12

Nekomwitabheri Kirisito Yesu Omutëmi wiito, gho kubha ꞉naandooche kubha muhëënë neenyi, akanyaahura kubha omutamishi waache na kuuha obhotoro bho ghuköra emeremo gheeche. Nekomwitabheri, gho kubha ꞉naandooche kubha nekurëngʼaanera kubha omutamishi waache,

2 Timotewo 4:11

Ruuka omwene chiri niwe asaaghiri haghirohamu na neeni hano. Ibheere, oraacha ino, uche na Maariko, gho kubha narëngʼaaniire kubha omotoorereri waane mo‑meremo ghe Ryobha.

2 Timotewo 4:5

Amare iye, ubhe miisho mo‑mangʼana ghoose. Oghumereri anyaako, ukörë emeremo ghe kuraghani Angʼana Anchömu, ukörë bhoheene mo‑bhutamishi bhoocho bhoose.

Abheebhuraaniya 13:17

Mobhasooke abhakangati bhaanyu na ghughööta amaraghereri ghaabho, gho kubha nibho bhakobhanyaakera inyu ino bhataaghutamu, na mbakwëndëru ghutöngööchi emeremo gheebho ambërë e Ryobha. Gho ghayo mobhasooke, kubha bhakörë emeremo gheebho gho ghuchömëru, gho kubha aribha moraanga kobhasooka, mbaakubha bharaköra emeremo gheebho kwo macheeche, ne emeremo ghiyo ghetaakubha gherabhatoori inyu ghyokyose.

Abheebhuraaniya 6:1

Gho ghiri iyo, totabha törëëndërëra ghusaagha mo‑ghaare tweghiri ighoro Kirisito hayo ekimbërë, amare twiköngʼi kwegha mbagha tuköngʼëri mo‑bhokumi. Totaabhëka wiiki obhoroso bho meeghi gha ghotuukuuna ighoro e maköri ghano ghaghughëri oroko na ghaare gha korekumi Eryobha.