Abhaebheeso 3:19 - Eriiraghano Eriihë

¹⁹ Hëënë mokohikera kumënya obhosiighi bho Kirisito bhuno bhoghokera amangʼiini ghoose gha bhaato, mwichoribhu mbagha mohikere obhohikeerani bhuno bhookoru kwo Waryobha.

Abhaebheeso 3:19 ပူးပေါင်းရင်းမြစ်များ

Mataayo 5:6

Ngʼoni bhano bhaanyi na anchëra na anyööta e ghuköra ghano Eryobha rekwënda, gho kubha ndekobhiighoti.

Yohana 1:16

Kurëngʼaana no obhohikeerani bhooche, Eryobha ndetoheere itu bhoose aghareeya, ndyëngërëriiri mo‑ghareeya ino ꞉riishamiri ghotuha.

Yohana 17:3

Obhuhöru bho miishe ghyose nibho bhuno, abhaato bhakumënyë iye mwene uno onyi Eryobha re hëënë, wiiki bhamënyë eni Yesu Kirisito, uno ontomiri.

Abharuumi 8:35

N‑egheghiro ke kino gheghotora ghotutaani no obhosiighi bho Kirisito? Ghetaanyi‑ho! Koru nangabha toonyi mo‑nyaako inkoro, hamu amacheeche, na ntonganyaakibhu, hamu ntongatëmu na anchëra, ntongasuuheru amaghööti, na ntongatingʼi kobhori obhuhöru, hamu ghwitu, Kirisito nakwëndërëra ghotosiigha.

Abharuumi 8:39

hamu ghyokyose kino keenyi Mwishaaro hamu nyaari hamu ebhetyenyi bhe changuru, bhetaaghotora ghotutaani no obhosiighi bho Ryobha bhuno bhoonyi bho miishe ghyose. Obhosiighi bhuyo mbohunywiru ghokwito gho kohetera Kirisito Yesu, Omutëmi wiito.

2 Abhakorinto 5:14

Obhosiighi bho Kirisito mboghotukangata itu, gho kubha ntweche kubha omooto umu ꞉naakuure gho ghiri e bhaato bhoose, ne ekebhune keeche n‑kubha, abhaato bhoose mbaghusanga oroko rooche.

Abhagharatiya 2:20

Eriimanya reene riire re kare ndekuure haghirohamu na Kirisito mo‑musarabha. Ibheere muhöru neenyi, amare taanyi eni, gho kubha Kirisito niwe anyi omuhöru moose yaane. Obhuhöru bhuno neenyi nabho eriibhagha rino, nebhughöötë gho ghiri e ghokumi Omoona o Ryobha. Iwe nansiighiri na akaruusi obhuhöru bhooche ghokoone kubha antoori.

Abhaebheeso 1:23

Eriikanisa n‑omobhere o Kirisito, iryo n‑obhohikeerani bho Kirisito uno akohikeerani ebheghiro bhyose.

Abhaebheeso 3:18

Hayo inyu haghirohamu na abhaato bhoose bha Ryobha, moghotora kumënya kinya obhosiighi bho Kirisito bhoonyi bhokoro na bhotaanyi ne ekirëngërë.

Abhaebheeso 5:2

Mumanye eriimanya re bhosiighi, kinya bhuure Kirisito ꞉atosiighiri itu, akiiruusi aghaku gho ghiri yiito, akabha kinya eriruusi re keneeso ghichömu kino ghekoretegheri Eryobha.

Abhaebheeso 5:25

Na niinyu abhasubhe, mubhe morabhasiigha abhakari bhaanyu, kinya Kirisito ꞉aresiighiri eriikanisa, akiiruusi omwene gho ghiri e riikanisa.

Abhabhiribhi 1:7

N‑kumangi niituuri hangʼu ighoro yaanyu, gho kubha moonyi mo‑motema waane. Musangiri aghareeya e Ryobha haghirohamu na neeni, erabha nibhöhuru hamu erabha nekwibhateri na koyihëënëhi Angʼana Anchömu.

Abhabhiribhi 4:7

Mbe, omurëmbë o Ryobha uno okoheta amiihëëbhö ghoose gha bhaato, noghochonga emetema na amangʼiini ghaanyu gho kubha inyu n‑abhaato bha Kirisito Yesu moonyi.

Abhakorosaayi 1:10

Niho moghotora kumanya kebhuno Omutëmi Yesu akwënda, na komotegheri mo‑mangʼana ghoose. Eriimanya reenyu ndekomotegheri kwo meremo gheenyu emichömu, wiiki moghwiköngʼi korimënya Eryobha.

1 Bheetero 1:8

Inyu momosiighiri, nangabha motaamara komorighi. Wiiki nangabha motaakomorighi ibheere, amare mokomokumi. Gho ghayo, muchömiiru chwee mo‑bhokumi, oghuchömëru kuyo nkoonyi no obhokumi obhokoro bhuno bhotaaghotora koru ghughambu,

2 Bheetero 3:18

Amare mwëndërërë ghokora mo‑ghareeya na gho komumënya Omutëmi no Omotoori wiito Yesu Kirisito. Aghongibhu, ibheere ne emiishe ghyose! Hawubhaabha.