Abhaebheeso 3:12 - Eriiraghano Eriihë

¹² Mbe, gho ghughöötana kwito na Kirisito gho nchëra e komokumi, ntoonyi no obhosubhesubhe no obhotoro bho koriishukerera Eryobha kwo miitëngʼërö amakoro.

Abhaebheeso 3:12 ပူးပေါင်းရင်းမြစ်များ

Yohana 14:6

Yesu akamugharokeri akabhugha, “Eni n‑anchëra, no obhuhëënë, no obhuhöru. Taanyi‑ho uno aghotora kuucha o‑Taata aribha atahetiire ghokoone.

Abharuumi 3:22

Abhaato bhoose bhano bhakomokumi Yesu Kirisito, Eryobha ndekobhabhara kubha abhahëënë ambërë yaache, gho kohetera obhuhëënë bho Yesu. Taahukiini omooto wowoose,

Abharuumi 5:2

Gho nchëra e komokumi Omutëmi Yesu, Eryobha ꞉ndeetoheere aghareeya yaache. Koru ibheere ntokwëndërëra ghosongʼaana aghareeya iyo. Ntoghuchömëru chwee, gho kubha ntoghwitëngʼëra kubha ntoghusanga haghirohamu ne Eryobha mo‑bhokumi bhooche obhokoro.

2 Abhakorinto 3:4

Ntoghosiikëra ghayo gho kubha ntoonyi ne eriitëngʼërö riyo kwo Waryobha gho kohetera Kirisito.

Abhaebheeso 2:18

Gho ghayo, gho kohetera iwe, itu bhoose Abhayahuuti na abhaato bha matöngö ntoghotora komwishukerera Taata gho nchëra imu, gho kohetera Akörö Ahörëëru.

Abheebhuraaniya 10:35

Gho ghayo, mwëndërërë kubha no obhosubhesubhe bhuyo, gho nchëra iyo moghosongʼaana atuho inkoro chwee koru kwo Waryobha.

Abheebhuraaniya 3:6

Amare Kirisito m‑muhëënë kinya Omoona uno akwimeererera abhaato bha mo‑nyumba e Ryobha. Na niitu n‑anyumba iyo, aribha tokwëndërëra ghwiköngʼi na kubha bhasubhesubhe na kwihachera mo‑ghaare toghwitëngʼëra.

1 Bheetero 3:18

Kirisito woose nanyaakiru mara rimu hangʼu gho ghiri e masari, omooto omuhëënë gho ghiri e bhaato bhano bhataanyi abhahëënë, kubha atughöötani ne Eryobha. Omobhere ꞉wiituru, amare kwo bhotoro bho Akörö Ahörëëru ꞉naabhwine wiiki obhuhöru.

1 Yohana 2:28

Ibheere abhaana bhaane abhasiighani, mwëndërërë kubha no obhumu na Kirisito, kubha araacha korighibhu wiiki, tubhe no obhosubhesubhe ambërë yaache, totiibhisa gho chaasoni.

1 Yohana 3:21

Abhasiighani bhaane, aribha totaaghoteneru ekiina mo‑metema ghiito, ntoghotora kubha no obhosubhesubhe bho kwimeerera ambërë e Ryobha.