Abhaebheeso 2:17 - Eriiraghano Eriihë

¹⁷ Mbe, Kirisito ꞉niichiri akaraghani Angʼana Anchömu e murëmbë ghokoonyu inyu abhaato bha matöngö bhano moore kurë ne Eryobha, na kwo Bhayahuuti bhano ꞉bhaare haghuhe ne Eryobha.

Abhaebheeso 2:17 ပူးပေါင်းရင်းမြစ်များ

Mataayo 10:13

Mbe, aribha bhaanyi‑mu abhaato bhano bharëngʼaaniire omurëmbë uyo, mobhasabhere kubha Eryobha rebhiitabheri. Amare aribha bhataanyi‑mu bhano bharëngʼaaniire, omurëmbë uyo obhagharukere inyu.

Ruuka 15:8

“Ibheere, mutëghëërërë eghetuubhaani ekende, tobhughe omukari umu naanyi na chambiiri ikomi che riighori ikoro, na arabhori imu. Tigha naghughööti oromore, na ghutareki anyumba yoose, arayitabhara gho changuru mbagha ayibhönë?

Ruuka 2:14

“Eryobha re Mwishaaro reghongibhu! No omurëmbë ubhe mo‑se yoose, kwo bhaato bhano Eryobha resiighiri!”

Amaköri gha Bhatomu 10:36

Iwe ꞉naatomiri amangʼana ghaache kwo Abhiisiraeri arabharaghaneri Angʼana Anchömu e murëmbë gho nchëra e Yesu Kirisito. Yesu uyo niwe Omutëmi o bhaato bhoose.

Amaköri gha Bhatomu 2:39

Eryobha ꞉ndiiraghiri eriiraghano rino gho ghiri yaanyu, na kwo bhaana bhaanyu, na kwo bhano bhoose bhaanyi kurë. Omutëmi Waryobha ꞉naaraghiri kwo bhaato bhoose bhano akobhabherekera.”

Abharuumi 10:14

Ibheere, nibhu abhaato bhaghotora komusabha aribha bhataamokumiri? Wiiki nibhu bhaghotora komokumi aribha bhataamara kooghu angʼana yaache? Na nibhu bhaghotora kooghu angʼana yaache aribha omooto ataghiire kobharaghaneri?

Abharuumi 5:1

Mbe, Eryobha ndetubhariri kubha m‑bha hëënë toonyi ambërë yaache, kurëngʼaana no obhokumi bhwito. Gho ghayo, ntoonyi no omurëmbë ne Eryobha gho kohetera Omutëmi wiito Yesu Kirisito.

2 Abhakorinto 5:20

Ibheere, Kirisito natotomiri ghuköra emeremo gheeche, na gho kohetera ghokwito Eryobha ndekobhasasaama mubhe no obhoghwani naryo. Nikyo gheghughëri torahënërëra ighoro e Kirisito kubha, mubhe no obhoghwani ne Eryobha.

Abhaebheeso 4:21

Aribha hangʼu keenyi, inyu mooghwire amangʼana ghaache na kweghibhu, kinya obhuhëënë bhoonyi ighoro e Yesu.